'ਮੇਰੇ ਰੂੜੀਵਾਦੀ ਪੰਜਾਬੀ ਪਿਤਾ ਨਹੀਂ ਚਾਹੁੰਦੇ ਸੀ ਕਿ ਬਾਲੀਵੁੱਡ 'ਚ ਕੰਮ ਕਰਾਂ', ਸਾਲਾਂ ਬਾਅਦ ਧਰਮਿੰਦਰ ਬਾਰੇ ਈਸ਼ਾ ਦਿਓਲ ਦਾ ਖੁਲਾਸਾ
ਈਸ਼ਾ ਦਿਓਲ ਨੇ ਫਿਲਮ 'ਕੋਈ ਮੇਰੇ ਦਿਲ ਸੇ ਪੁਛੇ' ਨਾਲ ਬਾਲੀਵੁੱਡ 'ਚ ਡੈਬਿਊ ਕੀਤਾ ਸੀ। ਈਸ਼ਾ ਬਚਪਨ ਤੋਂ ਹੀ ਫਿਲਮਾਂ 'ਚ ਨਜ਼ਰ ਆਉਣ ਦਾ ਸੁਪਨਾ ਦੇਖ ਰਹੀ ਸੀ ਪਰ ਪਿਤਾ ਧਰਮਿੰਦਰ ਉਸ ਨੂੰ ਫਿਲਮਾਂ 'ਚ ਨਹੀਂ ਦੇਖਣਾ ਚਾਹੁੰਦੇ ਸਨ।
Esha Deol On Dharmendra: ਧਰਮਿੰਦਰ ਅਤੇ ਹੇਮਾ ਮਾਲਿਨੀ ਦੀ ਬੇਟੀ ਈਸ਼ਾ ਦਿਓਲ ਨੇ ਕੁਝ ਬਾਲੀਵੁੱਡ ਫਿਲਮਾਂ ਕੀਤੀਆਂ ਹਨ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਈਸ਼ਾ ਦੀ ਫਿਲਮਾਂ 'ਚ ਐਂਟਰੀ ਤੋਂ ਉਸ ਦੇ ਪਿਤਾ ਧਰਮਿੰਦਰ ਨਾਰਾਜ਼ ਸਨ। ਈਸ਼ਾ ਦਿਓਲ ਨੇ ਫਿਲਮ 'ਕੋਈ ਮੇਰੇ ਦਿਲ ਸੇ ਪੁਛੇ' ਨਾਲ ਬਾਲੀਵੁੱਡ 'ਚ ਡੈਬਿਊ ਕੀਤਾ ਸੀ। ਈਸ਼ਾ ਬਚਪਨ ਤੋਂ ਹੀ ਫਿਲਮਾਂ 'ਚ ਨਜ਼ਰ ਆਉਣ ਦਾ ਸੁਪਨਾ ਦੇਖ ਰਹੀ ਸੀ ਪਰ ਪਿਤਾ ਧਰਮਿੰਦਰ ਉਸ ਨੂੰ ਫਿਲਮਾਂ 'ਚ ਨਹੀਂ ਦੇਖਣਾ ਚਾਹੁੰਦੇ ਸਨ।
ਹੇਮਾ ਮਾਲਿਨੀ ਨੇ ਉਸ ਸਮੇਂ ਬੇਟੀ ਈਸ਼ਾ ਦਾ ਕਾਫੀ ਸਮਰਥਨ ਕੀਤਾ ਸੀ ਅਤੇ ਉਸ ਨੂੰ ਆਪਣੀ ਤਰਫੋਂ ਫਿਲਮਾਂ 'ਚ ਕੰਮ ਕਰਨ ਦੀ ਇਜਾਜ਼ਤ ਦਿੱਤੀ ਸੀ। ਜਦਕਿ ਧਰਮਿੰਦਰ ਇਸ ਫੈਸਲੇ ਤੋਂ ਖੁਸ਼ ਨਹੀਂ ਸਨ। ਇੰਨਾ ਹੀ ਨਹੀਂ ਭਰਾ ਸੰਨੀ ਅਤੇ ਬੌਬੀ ਦਿਓਲ ਵੀ ਈਸ਼ਾ ਤੋਂ ਨਾਰਾਜ਼ ਸਨ, ਕਿਉਂਕਿ ਈਸ਼ਾ ਨੇ ਪਿਤਾ ਦੀ ਗੱਲ ਮੰਨਣ ਤੋਂ ਇਨਕਾਰ ਕਰ ਦਿੱਤਾ ਸੀ। ਈਸ਼ਾ ਨੇ ਫਿਲਮ 'ਧੂਮ' 'ਚ ਵੀ ਕੰਮ ਕੀਤਾ ਸੀ। ਇਸ ਫਿਲਮ 'ਚ ਈਸ਼ਾ ਦਾ ਗਲੈਮਰਸ ਅਵਤਾਰ ਵੀ ਦੇਖਣ ਨੂੰ ਮਿਲਿਆ ਸੀ।
ਈਸ਼ਾ ਨੇ ਬਿਕਨੀ ਪਾ ਕੇ ਪ੍ਰਸ਼ੰਸਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ। ਪਰ ਇਸ ਤੋਂ ਬਾਅਦ ਇਕ ਤੋਂ ਬਾਅਦ ਇਕ ਈਸ਼ਾ ਦੀਆਂ ਕਈ ਫਿਲਮਾਂ ਫਲਾਪ ਹੋ ਗਈਆਂ। 'ਚੁਰਾ ਲਿਆ ਹੈ ਤੁਮਨੇ' ਅਤੇ 'ਕਾਲ' ਵਰਗੀਆਂ ਫਿਲਮਾਂ ਉਸ ਦੇ ਕਰੀਅਰ ਦੀਆਂ ਉਦਾਹਰਣਾਂ ਹਨ। ਈਸ਼ਾ ਦਿਓਲ ਨੇ ਹਾਲ ਹੀ 'ਚ ਦੱਸਿਆ ਕਿ ਉਨ੍ਹਾਂ ਦੇ ਪਿਤਾ ਧਰਮਿੰਦਰ ਦੇ ਇਤਰਾਜ਼ ਦਾ ਕੀ ਕਾਰਨ ਸੀ? ਈਸ਼ਾ ਨੇ ਦੱਸਿਆ ਕਿ ਉਸ ਦੇ ਪਿਤਾ ਬਹੁਤ ਨਰਮ ਦਿਲ ਦੇ ਹਨ, ਪਰ ਦਿਲੋਂ ਕੱਟੜ ਤੇ ਰੂੜੀਵਾਦੀ ਪੰਜਾਬੀ ਹਨ। ਉਹ ਆਪਣੇ ਪਰਿਵਾਰ ਦੀਆਂ ਔਰਤਾਂ ਦੀ ਜ਼ਿਆਦਾ ਸੁਰੱਖਿਆ ਕਰਦੇ ਹਨ। ਉਹ ਪੰਜਾਬੀ ਰੂੜ੍ਹੀਵਾਦੀ ਸ਼ਖ਼ਸੀਅਤ ਵਾਵਾਲੇ ਵਿਅਕਤੀ ਹਨ। ਇਸ ਕਾਰਨ ਉਨ੍ਹਾਂ ਨੇ ਬੇਟੀਆਂ ਨੂੰ ਫਿਲਮੀ ਦੁਨੀਆ 'ਚ ਆਉਣ ਦੀ ਸਲਾਹ ਨਹੀਂ ਦਿੱਤੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
