Dharmendra Shabana Azmi Kissing Scene: ਆਲੀਆ ਭੱਟ-ਰਣਵੀਰ ਸਿੰਘ ਦੀ ਫਿਲਮ 'ਰੌਕੀ ਔਰ ਰਾਣੀ ਕੀ ਪ੍ਰੇਮ ਕਹਾਣੀ' ਆਖਰਕਾਰ 28 ਜੁਲਾਈ ਨੂੰ ਰਿਲੀਜ਼ ਹੋ ਗਈ ਹੈ। ਫਿਲਮ ਦਰਸ਼ਕਾਂ ਦਾ ਦਿਲ ਜਿੱਤ ਰਹੀ ਹੈ। ਪਰ ਫਿਲਮ 'ਚ ਸਾਰੀ ਲਾਈਮਲਾਈਟ ਧਰਮਿੰਦਰ ਤੇ ਸ਼ਬਾਨਾ ਆਜ਼ਮੀ ਦਾ ਕਿਿਸੰਗ ਸੀਨ ਲੁੱਟ ਕੇ ਲੈ ਗਿਆ। ਦੇਸ਼ ਭਰ ਵਿੱਚ ਧਰਮਿੰਦਰ-ਸ਼ਬਾਨਾ ਦੇ ਇਸ ਸੀਨ ਦੀ ਜ਼ਬਰਦਸਤ ਚਰਚਾ ਹੈ।
ਸੋਸ਼ਲ ਮੀਡੀਆ 'ਤੇ ਇਸ ਸੀਨ ਦਾ ਵੀਡੀਓ ਕਲਿੱਪ ਅੱਗ ਵਾਂਗ ਵਾਇਰਲ ਹੋ ਰਿਹਾ ਹੈ। ਇਸ ਸੀਨ ਨੂੰ ਕਈ ਲੋਕਾਂ ਨੇ ਖੂਬ ਪਸੰਦ ਕੀਤਾ ਹੈ, ਜਦਕਿ ਕੁੱਝ ਲੋਕ ਇਸ ਦੀ ਪੁਰਜ਼ੋਰ ਨਿੰਦਾ ਕਰ ਰਹੇ ਹਨ। ਲੋਕਾਂ ਦਾ ਕਹਿਣਾ ਹੈ ਕਿ 87 ਦੀ ਉਮਰ ;ਚ ਧਰਮਿੰਦਰ ਨੂੰ ਸਕ੍ਰੀਨ 'ਤੇ ਥੋੜਾ ਸਭਿੱਅਕ ਨਜ਼ਰ ਆਉਣਾ ਚਾਹੀਦਾ ਸੀ। ਜਦਕਿ ਕੁੱਝ ਲੋਕਾਂ ਦਾ ਕਹਿਣਾ ਹੈ ਕਿ ਪਿਆਰ ਦੀ ਕੋਈ ਉਮਰ ਨਹੀਂ ਹੁੰਦੀ।
ਇਸ ਫਿਲਮ 'ਚ ਧਰਮਿੰਦਰ-ਸ਼ਬਾਨਾ ਦਾ ਇਹ ਕਿਸ ਸੀਨ 2-3 ਸਕਿੰਟ ਦਾ ਹੈ। ਫਿਲਮ 'ਚ ਧਰਮਿੰਦਰ ਰਣਵੀਰ ਦੇ ਦਾਦਾ ਜੀ ਦੀ ਭੂਮਿਕਾ ਨਿਭਾ ਰਹੇ ਹਨ। ਉਨ੍ਹਾਂ ਦੀ ਯਾਦਦਾਸ਼ਤ ਖੋਹ ਚੁੱਕੀ ਹੈ ਅਤੇ ਉਨ੍ਹਾਂ ਨੂੰ ਬੱਸ ਸਿਰਫ ਆਪਣੀ ਪ੍ਰੇਮਿਕਾ ਸ਼ਬਾਨਾ ਆਜ਼ਮੀ ਦਾ ਨਾਮ ਹੀ ਯਾਦ ਹੈ। ਆਖਰ ਆਲੀਆ ਤੇ ਰਣਵੀਰ ਦੀ ਕੋਸ਼ਿਸ਼ਾਂ ਨਾਲ ਜਦੋਂ ਧਰਮਿੰਦਰ-ਸ਼ਬਾਨਾ ਮਿਲਦੇ ਹਨ ਤਾਂ ਇੱਕ ਦੂਜੇ ਲਈ ਆਪਣੀਆਂ ਭਾਵਨਾਵਾਂ ਨੂੰ ਲੁਕਾ ਨਹੀਂ ਪਾਉਂਦੇ ਅਤੇ ਕਿਸ ਕਰ ਬੈਠਦੇ ਹਨ। ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਅੱਗ ਵਾਂਗ ਵਾਇਰਲ ਹੋ ਰਿਹਾ ਹੈ। ਤੁਸੀਂ ਵੀ ਦੇਖੋ ਇਹ ਵੀਡੀਓ:
ਕਾਬਿਲੇਗ਼ੌਰ ਹੈ ਕਿ 'ਰੌਕੀ ਔਰ ਰਾਣੀ ਕੀ ਪ੍ਰੇਮ ਕਹਾਣੀ' 28 ਜੁਲਾਈ ਨੂੰ ਰਿਲੀਜ਼ ਹੋਈ ਸੀ। ਫਿਲਮ ਕਮਾਈ ਦੇ ਮਾਮਲੇ 'ਚ ਹੌਲੀ ਰਫਤਾਰ ਨਾਲ ਚੱਲ ਰਹੀ ਹੈ। ਹਾਲਾਂਕਿ ਫਿਲਮ ਦੀ ਕਹਾਣੀ ਕਾਫੀ ਵਧੀਆ ਹੈ, ਪਰ ਫਿਰ ਵੀ ਦਰਸ਼ਕ ਉਤਸ਼ਾਹ ਨਾਲ ਫਿਲਮ ਦੇਖਣ ਲਈ ਸਿਨੇਮਾਘਰਾਂ ਦਾ ਰੁਖ ਨਹੀਂ ਕਰ ਰਹੇ ਹਨ। ਫਿਲਮ ਦੀ ਕਮਾਈ 70 ਕਰੋੜ ਤੋਂ ਪਾਰ ਹੋ ਚੁੱਕੀ ਹੈ। ਉਮੀਦ ਜਤਾਈ ਜਾ ਰਹੀ ਹੈ ਕਿ ਫਿਲਮ 100 ਕਰੋੜ ਦੀ ਕਮਾਈ ਵੀ ਕਰ ਲਵੇਗੀ।