ਡਾਇਰੈਕਟਰ ਅਨੁਭਵ ਸਿਨ੍ਹਾ ਨੇ ਦਿੱਤਾ ਬਾਲੀਵੁੱਡ ਤੋਂ ਅਸਤੀਫ਼ਾ

'ਗੁਲਾਬੀ ਗੈਂਗ', 'ਮੁਲਕ', 'ਥੱਪੜ' ਤੇ 'ਆਰਟੀਕਲ 15' ਵਰਗੀਆਂ ਹਿੱਟ ਫ਼ਿਲਮਾਂ ਦੇ ਨਿਰਦੇਸ਼ਕ ਅਨੁਭਵ ਸਿਨ੍ਹਾ ਨੇ ਐਲਾਨ ਕੀਤਾ ਕੀ ਉਹ ਹੁਣ ਬਾਲੀਵੁੱਡ ਫ਼ਿਲਮਾਂ ਨਹੀਂ ਬਣਾਉਣਗੇ। ਅਨੁਭਵ ਸਿਨ੍ਹਾ ਨੇ ਆਪਣੇ ਟਵਿਟਰ ਅਕਾਊਂਟ 'ਤੇ ਪੋਸਟ ਪਾ ਇਸ ਦੀ ਜਾਣਕਾਰੀ ਦਿੱਤੀ ਕਿ ਉਹ ਬਾਲੀਵੁੱਡ ਤੋਂ ਅਸਤੀਫ਼ਾ ਦੇ ਰਹੇ ਹਨ।

ਚੰਡੀਗੜ੍ਹ: 'ਗੁਲਾਬੀ ਗੈਂਗ', 'ਮੁਲਕ', 'ਥੱਪੜ' ਤੇ 'ਆਰਟੀਕਲ 15' ਵਰਗੀਆਂ ਹਿੱਟ ਫ਼ਿਲਮਾਂ ਦੇ ਨਿਰਦੇਸ਼ਕ ਅਨੁਭਵ ਸਿਨ੍ਹਾ ਨੇ ਐਲਾਨ ਕੀਤਾ ਕੀ ਉਹ ਹੁਣ ਬਾਲੀਵੁੱਡ ਫ਼ਿਲਮਾਂ ਨਹੀਂ ਬਣਾਉਣਗੇ। ਅਨੁਭਵ ਸਿਨ੍ਹਾ ਨੇ ਆਪਣੇ ਟਵਿਟਰ ਅਕਾਊਂਟ 'ਤੇ ਪੋਸਟ ਪਾ ਇਸ ਦੀ ਜਾਣਕਾਰੀ ਦਿੱਤੀ ਕਿ ਉਹ ਬਾਲੀਵੁੱਡ ਤੋਂ ਅਸਤੀਫ਼ਾ ਦੇ ਰਹੇ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਆਪਣੇ ਟਵਿਟਰ ਪ੍ਰੋਫ਼ਾਈਲ 'ਤੇ ਵੀ 'ਅਨੁਭਵ ਸਿਨ੍ਹਾ (Not Bollywood)' ਕਰ ਦਿੱਤਾ ਹੈ। ਬਾਲੀਵੁੱਡ 'ਚ ਚੱਲ ਰਹੇ ਨੈਪੋਟਿਜ਼ਮ ਤੇ ਧੜੇਬੰਦੀ 'ਤੇ ਅਨੁਭਵ ਸਿਨ੍ਹਾ ਨੇ ਹਮੇਸ਼ਾ ਆਪਣੀ ਰਾਏ ਰੱਖੀ ਹੈ। ਸੁਸ਼ਾਂਤ ਦੀ ਮੌਤ ਤੋਂ ਬਾਅਦ ਇਹ ਮੁੱਦਾ ਕਾਫੀ ਭਖਿਆ ਵੀ ਹੋਇਆ ਹੈ। ਹਰ ਕੋਈ ਸੋਸ਼ਲ ਮੀਡੀਆ 'ਤੇ ਨੈਪੋਟਿਜ਼ਮ ਤੇ ਧੜੇਬੰਦੀ ਖਿਲਾਫ਼ ਬੋਲਦਾ ਨਜ਼ਰ ਆ ਰਿਹਾ ਹੈ। ਅੱਜ ਅਨੁਭਵ ਸਿਨ੍ਹਾ ਨੇ ਬਾਲੀਵੁੱਡ ਤੋਂ ਅਸਤੀਫ਼ਾ ਦੇ ਨਵੀਂ ਮੁਹਿੰਮ ਸ਼ੁਰੂ ਕਰ ਦਿੱਤੀ ਹੈ। ਪੰਜਾਬੀ ਗਾਇਕ ਕਿੰਗ ਬਲਜੀਤ ਵੱਲੋਂ ਏਕਤਾ ਕਪੂਰ ਖ਼ਿਲਾਫ਼ ਪੁਲਿਸ ਕੋਲ ਸ਼ਿਕਾਇਤ ਅਨੁਭਵ ਸਿਨ੍ਹਾ ਨੇ ਇਸ ਦੇ ਨਾਲ ਇਹ ਵੀ ਕਿਹਾ ਕਿ ਉਹ ਬਾਲੀਵੁੱਡ ਇੰਡਸਟਰੀ ਛੱਡ ਰਹੇ ਹਨ, ਪਰ ਹਿੰਦੀ ਫ਼ਿਲਮਾਂ ਉਹ ਬਣਾਉਂਦੇ ਰਹਿਣਗੇ। ਅਨੁਭਵ ਸਿਨ੍ਹਾ ਦੇ ਇਸ ਟਵੀਟ ਤੋਂ ਬਾਅਦ ਨਿਰਦੇਸ਼ਕ ਹੰਸਲ ਮਹਿਤਾ ਤੇ ਸੁਧੀਰ ਮਿਸ਼ਰਾ ਨੇ ਉਨ੍ਹਾਂ ਦਾ ਸਾਥ ਦੇ ਬਾਲੀਵੁੱਡ ਇੰਡਸਟਰੀ ਛੱਡਣ ਦਾ ਫੈਸਲਾ ਕੀਤਾ ਹੈ। 

 ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ