ਇਹ ਵੀਡੀਓ ਕਰਨ ਜੌਹਰ ਦੀ ਪਾਰਟੀ ਦੀ ਦੱਸੀ ਜਾ ਰਹੀ ਹੈ ਜੋ ਪਿਛਲੇ ਸਾਲ ਹੋਈ ਸੀ। ਡਰੱਗਸ ਕੇਸ ਵਿੱਚ ਦੀਪਿਕਾ ਦਾ ਨਾਂ ਸਾਹਮਣੇ ਆਉਣ ਤੋਂ ਬਾਅਦ ਇਹ ਇੱਕ ਵਾਰ ਫਿਰ ਵਾਇਰਲ ਹੋ ਰਹੀ ਹੈ। ਇਸ ਪਾਰਟੀ ਵਿੱਚ ਦੀਪਿਕਾ ਪਾਦੂਕੋਣ, ਅਰਜੁਨ ਕਪੂਰ, ਮਲਾਇਕਾ ਅਰੋੜਾ, ਸ਼ਾਹਿਦ ਕਪੂਰ, ਵਰੁਣ ਧਵਨ, ਅਯਾਨ ਮੁਖਰਜੀ, ਰਣਬੀਰ ਕਪੂਰ ਸਮੇਤ ਕਈ ਲੋਕ ਦਿਖਾਈ ਦਿੱਤੇ। ਇਹ ਵੀਡੀਓ ਖੁਦ ਕਰਨ ਜੌਹਰ ਨੇ ਬਣਾਇਆ ਸੀ। ਪਿਛਲੇ ਸਾਲ ਵਾਇਰਲ ਹੋਈ ਵੀਡੀਓ ਨੂੰ ਵੇਖਦਿਆਂ ਕਿਹਾ ਗਿਆ ਕਿ ਬਾਲੀਵੁੱਡ ਦੇ ਮਸ਼ਹੂਰ ਲੋਕ ਇਸ ਪਾਰਟੀ 'ਚ ਡਰੱਗਜ਼ ਲੈ ਰਹੇ ਹਨ ਤੇ ਸਾਰੇ ਨਸ਼ੇ 'ਚ ਹਨ।
Drug case: ਡਰੱਗਸ ਕੇਸ ‘ਚ ਨਵਾਬ ਤੋਂ ਲੈ ਕਪੂਰ ਖਾਨਦਾਨ ਦੀ ਧੀਆਂ ਦਾ ਨਾਂ ਆਇਆ ਸਾਹਮਣੇ
ਵਾਇਰਲ ਵੀਡੀਓ ਨੂੰ ਲੈ ਕੇ ਕਾਫ਼ੀ ਵਿਵਾਦ ਤੋਂ ਬਾਅਦ ਕਰਨ ਜੌਹਰ ਨੇ ਸਪੱਸ਼ਟ ਕੀਤਾ ਸੀ ਕਿ ਜੇ ਉਨ੍ਹਾਂ ਦੀ ਪਾਰਟੀ 'ਚ ਨਸ਼ੇ ਦੀ ਵਰਤੋਂ ਹੁੰਦੀ, ਤਾਂ ਉਹ ਖੁਦ ਇਸ ਵੀਡੀਓ ਨੂੰ ਕਿਉਂ ਬਣਾਉਂਦੇ। ਇਸ ‘ਤੇ ਚਰਚਾ ਅਤੇ ਜਾਂਚ ਦੀ ਮੰਗ ਕੁਝ ਦਿਨਾਂ ਤੱਕ ਜਾਰੀ ਰਹੀ। ਬਾਅਦ 'ਚ ਹਰ ਕੋਈ ਭੁੱਲ ਗਿਆ। ਸੁਸ਼ਾਂਤ ਸਿੰਘ ਰਾਜਪੂਤ ਕੇਸ 'ਚ ਨਸ਼ਿਆਂ ਦੇ ਮਾਮਲੇ 'ਚ ਰੀਆ ਚੱਕਰਵਰਤੀ ਦੀ ਗ੍ਰਿਫਤਾਰੀ ਅਤੇ ਉਸ ਦੁਆਰਾ ਕੀਤੇ ਖੁਲਾਸਿਆਂ ਤੋਂ ਬਾਅਦ ਹੁਣ ਬਾਲੀਵੁੱਡ 'ਚ ਨਸ਼ਿਆਂ ਦੀ ਵਰਤੋਂ ਤੇ ਤਸਕਰੀ 'ਤੇ ਸਵਾਲ ਖੜ੍ਹੇ ਹੋ ਰਹੇ ਹਨ।
ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ