10 ਸਾਲਾਂ ਤੱਕ ਯਾਦ ਕੀਤੀ ਜਾਵੇਗੀ ਫਿਲਮ 'ਜੋੜੀ', ਅੰਬਰਦੀਪ ਦਾ ਦਾਅਵਾ
ਫਿਲਮ ਜੋੜੀ ਹੁਣ ਤੱਕ ਦੀ ਸਭ ਤੋਂ ਵੱਧ ਮੋਸਟ ਅਵੇਟੇਡ ਪੰਜਾਬੀ ਫਿਲਮ ਹੈ। ਇਸ ਫਿਲਮ ਵਿੱਚ ਦਿਲਜੀਤ ਦੋਸਾਂਝ ਤੇ ਨਿਮਰਤ ਖਹਿਰਾ ਲੀਡ ਕਿਰਦਾਰ ਵਿੱਚ ਹਨ।
ਚੰਡੀਗੜ੍ਹ: ਫਿਲਮ ਜੋੜੀ ਹੁਣ ਤੱਕ ਦੀ ਸਭ ਤੋਂ ਵੱਧ ਮੋਸਟ ਅਵੇਟੇਡ ਪੰਜਾਬੀ ਫਿਲਮ ਹੈ। ਇਸ ਫਿਲਮ ਵਿੱਚ ਦਿਲਜੀਤ ਦੋਸਾਂਝ ਤੇ ਨਿਮਰਤ ਖਹਿਰਾ ਲੀਡ ਕਿਰਦਾਰ ਵਿੱਚ ਹਨ। ਇਸ ਨੂੰ ਅੰਬਰਦੀਪ ਸਿੰਘ ਵੱਲੋਂ ਡਾਇਰੈਕਟ ਕੀਤਾ ਗਿਆ ਹੈ ਜੋ ਇੰਡਸਟਰੀ ਦੇ ਸਭ ਤੋਂ ਫੇਮਸ ਡਾਇਰੈਕਟਰਾਂ ਵਿੱਚੋਂ ਇੱਕ ਹਨ। ਇਸ ਫਿਲਮ ਨੂੰ ਆਫੀਸ਼ੀਅਲ ਤੌਰ 'ਤੇ 24 ਜੂਨ ਨੂੰ ਰਿਲੀਜ਼ ਕਰਨ ਦਾ ਐਲਾਨ ਵੀ ਕੀਤਾ ਗਿਆ ਸੀ, ਪਰ ਕੋਵਿਡ-19 ਦੀ ਦੂਜੀ ਲਹਿਰ ਕਾਰਨ ਸਿਨੇਮਾਘਰਾਂ ਦੇ ਬੰਦ ਹੋਣ ਕਾਰਨ ਸੰਭਵ ਨਹੀਂ ਹੋਇਆ।
ਹੁਣ ਮੁੜ ਤੋਂ ਦਰਸ਼ਕ ਇਸ ਫਿਲਮ ਦੀ ਨਵੀਂ ਰਿਲੀਜ਼ਿੰਗ ਦੀ ਉਡੀਕ ਕਰ ਰਹੇ ਹਨ। ਫਿਲਮ ਦੇ ਡਾਇਰੈਕਟਰ ਅੰਬਰਦੀਪ ਸਿੰਘ ਨੇ ਹਾਲ ਹੀ ਵਿੱਚ ਆਪਣੇ ਫੈਨਜ਼ ਨਾਲ ਫਿਲਮ 'ਜੋੜੀ' ਬਾਰੇ ਕੁਝ ਸਾਂਝਾ ਕੀਤਾ ਹੈ। ਅੰਬਰਦੀਪ ਨੇ ਕਿਹਾ 'ਜੋੜੀ' ਬੱਸ ਲੇਟ ਹੋ ਗਈ, ਪਰ ਜਿਸ ਦਿਨ ਆਏਗੀ, ਉਸ ਦਿਨ ਤੋਂ ਐਟਲੀਸਟ ਅਗਲੇ 10 ਸਾਲਾਂ ਤਕ ਹਰ ਫਿਲਮ ਨੂੰ ਇਸ ਫਿਲਮ ਦੇ ਨਾਲ ਕੰਪੇਅਰ ਕੀਤਾ ਜਾਵੇਗਾ। ਫ਼ਿਲਮ ਪੈਸੇ ਨਾਲ ਨਹੀਂ ਬਲਿਕੀ ਸਖਤ ਮੇਹਨਤ ਦੇ ਨਾਲ ਬਣਦੀਆਂ ਹਨ।
ਇਸ ਤੋਂ ਇਲਾਵਾ ਅੰਬਰਦੀਪ ਨੇ ਇਹ ਵੀ ਕਿਹਾ ਕਿ ਨਰੇਸ਼ ਕਥੂਰੀਆ ਨੇ ਹੁਣ ਫਾਈਨਲੀ ਇੰਸਟਾਗ੍ਰਾਮ 'ਤੇ ਲਾਈਵ ਹੋਣਾ ਸਿੱਖ ਲਿਆ ਹੈ ਤੇ ਹੁਣ ਟੀਮ ਕਦੇ ਵੀ ਲਾਈਵ ਹੋ ਕੇ 'ਜੋੜੀ' ਦੀਆਂ ਸ਼ੂਟਿੰਗਾਂ ਬਾਰੇ ਕਹਾਣੀਆਂ ਦਾ ਖੁਲਾਸਾ ਕਰੇਗੀ ਕਿ ਫਿਲਮ ਬਣਾਉਣ ਵਿੱਚ ਕਿੰਨੀ ਮਿਹਨਤ ਕੀਤੀ ਗਈ, ਕਿਹੜੀਆਂ ਗਲਤੀਆਂ ਹੋਈਆਂ ਤੇ ਉਨ੍ਹਾਂ ਨੂੰ ਕਿਵੇਂ ਸੁਧਾਰਿਆ ਗਿਆ, ਸਭ ਕੁਝ ਸਾਂਝਾ ਕੀਤਾ ਜਾਵੇਗਾ।
ਦਿਲਜੀਤ ਦੋਸਾਂਝ ਤੇ ਨਿਮਰਤ ਖਹਿਰਾ ਦੀ ਫ਼ਿਲਮੀ ਜੋੜੀ ਨੂੰ ਪਰਦੇ 'ਤੇ ਵੇਖਣ ਲਈ ਹਰ ਕੋਈ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਿਹਾ ਹੈ। ਫਿਲਮ 'ਜੋੜੀ' ਕਦੋਂ ਰਿਲੀਜ਼ ਹੋਵੇਗੀ ਇਹ ਅਜੇ ਵੀ ਸਸਪੈਂਸ ਹੈ ਪਰ ਇੱਕ ਗੱਲ ਪੱਕੀ ਹੈ ਕਿ ਇਹ ਫਿਲਮ ਨਿਰਾਸ਼ ਨਹੀਂ ਕਰੇਗੀ।
https://play.google.com/store/
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://apps.apple.com/in/app/
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
