Chaitanya Master: ਫਿਲਮ ਇੰਡਸਟਰੀ ਤੋਂ ਮੰਦਭਾਗੀ ਖਬਰ, ਕਰਜ਼ੇ ਤੋਂ ਤੰਗ ਆ ਕੇ ਪ੍ਰਸਿੱਧ ਕੋਰੀਓਗ੍ਰਾਫਰ ਵੱਲੋਂ ਖੁਦਕੁਸ਼ੀ, ਮਰਨ ਤੋਂ ਪਹਿਲਾਂ ਬਣਾਈ ਵੀਡੀਓ
Chaitanya Master Suicide: ਤੇਲਗੂ ਕੋਰੀਓਗ੍ਰਾਫਰ ਚੈਤੰਨਿਆ ਨੇ ਖੁਦਕੁਸ਼ੀ ਕਰ ਲਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਕੋਰੀਓਗ੍ਰਾਫਰ ਆਪਣਾ ਕਰਜ਼ਾ ਨਾ ਮੋੜ ਸਕਣ ਕਾਰਨ ਕਾਫੀ ਪਰੇਸ਼ਾਨ ਸੀ।
Telugu Choreographer Chaitanya Died: ਤੇਲਗੂ ਕੋਰੀਓਗ੍ਰਾਫਰ ਚੈਤੰਨਿਆ ਨੇ ਐਤਵਾਰ, 30 ਅਪ੍ਰੈਲ ਨੂੰ ਕਥਿਤ ਤੌਰ 'ਤੇ ਖੁਦਕੁਸ਼ੀ ਕਰ ਲਈ। ਦੱਸਿਆ ਜਾ ਰਿਹਾ ਹੈ ਕਿ ਚੈਤੰਨਿਆ ਆਪਣਾ ਕਰਜ਼ਾ ਮੋੜਨ 'ਚ ਸਮਰੱਥ ਨਹੀਂ ਸੀ ਅਤੇ ਇਸ ਕਾਰਨ ਪਰੇਸ਼ਾਨ ਹੋ ਕੇ ਉਸ ਨੇ ਆਂਧਰਾ ਪ੍ਰਦੇਸ਼ ਦੇ ਨੇਲੋਰ 'ਚ ਫਾਹਾ ਲੈ ਲਿਆ। ਮਰਹੂਮ ਕੋਰੀਓਗ੍ਰਾਫਰ ਚੈਤੰਨਿਆ ਨੂੰ ਪ੍ਰਸਿੱਧ ਤੇਲਗੂ ਡਾਂਸ ਸ਼ੋਅ 'ਧੀ' ਵਿੱਚ ਦੇਖਿਆ ਗਿਆ ਸੀ।
ਚੈਤੰਨਿਆ ਨੇ ਖੁਦਕੁਸ਼ੀ ਤੋਂ ਠੀਕ ਪਹਿਲਾਂ ਵੀਡੀਓ ਕੀਤੀ ਸੀ ਸ਼ੇਅਰ
ਇੰਡੀਆ ਟੂਡੇ ਦੀ ਰਿਪੋਰਟ ਮੁਤਾਬਕ ਖੁਦਕੁਸ਼ੀ ਕਰਨ ਤੋਂ ਠੀਕ ਪਹਿਲਾਂ ਚੈਤੰਨਿਆ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ 'ਤੇ ਇਕ ਵੀਡੀਓ ਵੀ ਸ਼ੇਅਰ ਕੀਤੀ ਸੀ। ਵੀਡੀਓ ਵਿੱਚ, ਉਸਨੇ ਖੁਲਾਸਾ ਕੀਤਾ ਕਿ ਉਹ ਆਪਣਾ ਕਰਜ਼ਾ ਨਹੀਂ ਮੋੜ ਸਕਿਆ ਹੈ। ਜਿਸ ਕਰਕੇ ਹੁਣ ਉਹ ਹੋਰ ਦਬਾਅ ਝੱਲ ਨਹੀਂ ਸਕਦਾ ਅਤੇ ਮੌਤ ਦਾ ਰਸਤਾ ਅਖਤਿਆਰ ਕਰ ਰਿਹਾ ਹੈ।
This is unexpected #Chaitanya master, Suicide isn't a solution,u are such a talented soul yet couldn't understand how u could do this. It needs lot of guts to commit suicide,u could've used that courage to solve your problems,Super angry&sad on ur death#Dhee#RipChaitanyaMaster pic.twitter.com/6CpAkNvCn4
— Vamc Krishna (@lyf_a_zindagi) April 30, 2023
ਚੈਤੰਨਿਆ ਨੇ ਵੀਡੀਓ 'ਚ ਮਾਪਿਆਂ ਤੇ ਦੋਸਤਾਂ ਤੋਂ ਮੰਗੀ ਮੁਆਫੀ
ਚੈਤੰਨਿਆ ਨੇ ਵੀਡੀਓ 'ਚ ਕਿਹਾ, ''ਮੇਰੀ ਮਾਂ, ਪਿਤਾ ਅਤੇ ਭੈਣ ਨੇ ਮੇਰਾ ਬਹੁਤ ਵਧੀਆ ਖਿਆਲ ਰੱਖਿਆ ਅਤੇ ਮੈਨੂੰ ਕਦੇ ਵੀ ਕੋਈ ਸਮੱਸਿਆ ਨਹੀਂ ਆਉਣ ਦਿੱਤੀ। ਮੈਂ ਆਪਣੇ ਸਾਰੇ ਦੋਸਤਾਂ ਤੋਂ ਦਿਲੋਂ ਮੁਆਫੀ ਮੰਗਦਾ ਹਾਂ। ਮੈਂ ਬਹੁਤ ਸਾਰੇ ਲੋਕਾਂ ਨੂੰ ਪਰੇਸ਼ਾਨ ਕੀਤਾ ਹੈ ਅਤੇ ਮੈਂ ਸਾਰਿਆਂ ਤੋਂ ਮੁਆਫੀ ਮੰਗਦਾ ਹਾਂ। ਪੈਸਿਆਂ ਦੀ ਵਜ੍ਹਾ ਕਰਕੇ ਦੋਸਤਾਂ ਦੀ ਨਜ਼ਰ 'ਚ ਮੇਰੀ ਈਜੇਮ ਖਰਾਬ ਹੋ ਗਈ। ਵਿਅਕਤੀ ਨੂੰ ਨਾ ਸਿਰਫ਼ ਕਰਜ਼ਾ ਲੈਣ ਦੇ ਯੋਗ ਹੋਣਾ ਚਾਹੀਦਾ ਹੈ, ਸਗੋਂ ਇਸ ਨੂੰ ਚੁਕਾਉਣ ਦੀ ਸਮਰੱਥਾ ਵੀ ਹੋਣੀ ਚਾਹੀਦੀ ਹੈ। ਪਰ ਮੈਂ ਇਹ ਨਹੀਂ ਕਰ ਸਕਿਆ। ਇਸ ਸਮੇਂ ਮੈਂ ਨੇਲੋਰ ਵਿੱਚ ਹਾਂ ਅਤੇ ਇਹ ਮੇਰਾ ਆਖਰੀ ਦਿਨ ਹੈ। ਮੈਂ ਆਪਣੇ ਕਰਜ਼ੇ ਦਾ ਬੋਝ ਨਹੀਂ ਝੱਲ ਸਕਦਾ।"
ਪ੍ਰਸ਼ੰਸਕ ਟਵਿੱਟਰ 'ਤੇ ਚੈਤਨਿਆ ਦੀ ਮੌਤ 'ਤੇ ਕਰ ਰਹੇ ਹਨ ਦੁੱਖ ਪ੍ਰਗਟ
ਇਸ ਦੇ ਨਾਲ ਹੀ ਚੈਤੰਨਿਆ ਦੀ ਮੌਤ ਦੀ ਖਬਰ ਆਉਂਦੇ ਹੀ ਕਈ ਪ੍ਰਸ਼ੰਸਕਾਂ ਨੂੰ ਝਟਕਾ ਲੱਗਾ। ਕੋਰੀਓਗ੍ਰਾਫਰ ਨੂੰ ਅੰਤਿਮ ਸ਼ਰਧਾਂਜਲੀ ਦੇਣ ਲਈ ਪ੍ਰਸ਼ੰਸਕ ਟਵਿੱਟਰ 'ਤੇ ਪੋਸਟ ਕਰ ਰਹੇ ਹਨ।
ਇਹ ਵੀ ਪੜ੍ਹੋ: ਸੁਨੰਦਾ ਸ਼ਰਮਾ ਨਾਲ ਇਹ ਕਿਹੜਾ ਪੰਜਾਬੀ ਸਟਾਰ ਹੈ, ਕੀ ਤੁਸੀਂ ਪਛਾਣਿਆ?
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
