ਛੇੜਛਾੜ ਦਾ ਵਿਰੋਧ ਕਰਨ 'ਤੇ ਫ਼ਾਤਿਮਾ ਸ਼ੇਖ ਨੂੰ ਲੜਕੇ ਨੇ ਮਾਰਿਆ ਪੰਚ, ਬਚਾਉਣ ਲਈ ਪਹੁੰਚੇ ਅਦਾਕਾਰਾ ਦੇ ਪਿਤਾ
ਬਾਲੀਵੁੱਡ ਅਦਾਕਾਰਾ ਤੇ 'ਦੰਗਲ ਗਰਲ' ਫ਼ਾਤਿਮਾ ਸਨਾ ਸ਼ੇਖ ਇਨ੍ਹੀਂ ਦਿਨੀਂ ਕਾਫੀ ਚਰਚਾ 'ਚ ਹੈ। ਹਾਲ ਹੀ 'ਚ ਉਨ੍ਹਾਂ ਦੀ ਨੈੱਟਫਲਿਕਸ 'ਤੇ ਰਿਲੀਜ਼ ਹੋਈ ਆਪਣੀ ਫ਼ਿਲਮ 'ਅਜੀਬ ਦਾਸਤਾਨ' ਵਿੱਚ ਅਦਾਕਾਰੀ ਲਈ ਪ੍ਰਸ਼ੰਸਾ ਕੀਤੀ ਜਾ ਰਹੀ ਹੈ। ਇੱਕ ਤਾਜ਼ਾ ਇੰਟਰਵਿਊ 'ਚ ਅਦਾਕਾਰਾ ਨੇ ਆਪਣੇ ਨਾਲ ਹੋਈ ਛੇੜਛਾੜ ਦੀ ਘਟਨਾ ਦਾ ਖੁਲਾਸਾ ਕੀਤਾ ਹੈ। ਉਨ੍ਹਾਂ ਦੱਸਿਆ ਕਿ ਇੱਕ ਲੜਕੇ ਨੇ ਉਸ ਨੂੰ ਮੁੱਕਾ ਮਾਰਿਆ, ਜਿਸ ਤੋਂ ਬਾਅਦ ਉਨ੍ਹਾਂ ਦੇ ਪਿਤਾ ਨੇ ਉਸ ਲੜਕੇ ਦਾ ਪਿੱਛਾ ਕੀਤਾ।
ਮੁੰਬਈ: ਬਾਲੀਵੁੱਡ ਅਦਾਕਾਰਾ ਤੇ 'ਦੰਗਲ ਗਰਲ' ਫ਼ਾਤਿਮਾ ਸਨਾ ਸ਼ੇਖ ਇਨ੍ਹੀਂ ਦਿਨੀਂ ਕਾਫੀ ਚਰਚਾ 'ਚ ਹੈ। ਹਾਲ ਹੀ 'ਚ ਉਨ੍ਹਾਂ ਦੀ ਨੈੱਟਫਲਿਕਸ 'ਤੇ ਰਿਲੀਜ਼ ਹੋਈ ਆਪਣੀ ਫ਼ਿਲਮ 'ਅਜੀਬ ਦਾਸਤਾਨ' ਵਿੱਚ ਅਦਾਕਾਰੀ ਲਈ ਪ੍ਰਸ਼ੰਸਾ ਕੀਤੀ ਜਾ ਰਹੀ ਹੈ। ਇੱਕ ਤਾਜ਼ਾ ਇੰਟਰਵਿਊ 'ਚ ਅਦਾਕਾਰਾ ਨੇ ਆਪਣੇ ਨਾਲ ਹੋਈ ਛੇੜਛਾੜ ਦੀ ਘਟਨਾ ਦਾ ਖੁਲਾਸਾ ਕੀਤਾ ਹੈ। ਉਨ੍ਹਾਂ ਦੱਸਿਆ ਕਿ ਇੱਕ ਲੜਕੇ ਨੇ ਉਸ ਨੂੰ ਮੁੱਕਾ ਮਾਰਿਆ, ਜਿਸ ਤੋਂ ਬਾਅਦ ਉਨ੍ਹਾਂ ਦੇ ਪਿਤਾ ਨੇ ਉਸ ਲੜਕੇ ਦਾ ਪਿੱਛਾ ਕੀਤਾ।
ਫ਼ਾਤਿਮਾ ਸਨਾ ਸ਼ੇਖ ਨੇ ਛੇੜਛਾੜ ਦੀ ਇਸ ਘਟਨਾ ਨੂੰ ਯਾਦ ਕੀਤਾ। ਉਨ੍ਹਾਂ ਦੱਸਿਆ ਕਿ ਇਕ ਵਾਰ ਜਦੋਂ ਉਹ ਜਿੰਮ ਤੋਂ ਵਰਕਆਊਟ ਕਰਨ ਮਗਰੋਂ ਆਪਣੇ ਘਰ ਜਾ ਰਹੀ ਸੀ ਤਾਂ ਇੱਕ ਲੜਕਾ ਉਸ ਦਾ ਪਿੱਛਾ ਕਰਨ ਲੱਗਿਆ। ਉਸ ਨੇ ਉਸ ਲੜਕੇ ਨੂੰ ਰੋਕਿਆ ਤੇ ਬਾਅਦ 'ਚ ਦੋਵਾਂ ਵਿਚਕਾਰ ਬਹਿਸ ਹੋ ਗਈ। ਲੜਕਾ ਉਸ ਨੂੰ ਮੁੱਕਾ ਮਾਰ ਕੇ ਭੱਜ ਗਿਆ।
ਘੂਰ ਰਿਹਾ ਸੀ ਲੜਕਾ
ਫ਼ਾਤਿਮਾ ਸਨਾ ਸ਼ੇਖ ਨੇ 'ਪਿੰਕਵਿਲਾ' ਨੂੰ ਦਿੱਤੀ ਇੰਟਰਵਿਊ 'ਚ ਕਿਹਾ, "ਮੈਂ ਜਿਮ ਜਾ ਰਹੀ ਸੀ। ਜਿੰਮ ਤੋਂ ਬਾਅਦ ਇੱਕ ਲੜਕਾ ਆਇਆ ਤੇ ਉਹ ਮੈਨੂੰ ਘੂਰ ਰਿਹਾ ਸੀ। ਮੈਂ ਕਿਹਾ, 'ਕਿਉਂ ਘੂਰ ਰਿਹਾ ਹੈ?' ਉਸ ਨੇ ਕਿਹਾ, 'ਘੂਰਾਂਗਾ ਮੇਰੀ ਮਰਜ਼ੀ। ਮੈਂ ਕਿਹਾ, 'ਕੁੱਟ ਖਾਣੀ ਹੈ?' ਉਸ ਨੇ ਕਿਹਾ, 'ਮਾਰ'। ਇੰਨਾ ਕਹਿੰਦੇ ਹੀ ਫ਼ਾਤਿਮਾ ਨੇ ਉਸ ਨੂੰ ਥੱਪੜ ਜੜ੍ਹ ਦਿੱਤਾ। ਥੱਪੜ ਪੈਣ 'ਤੇ ਉਸ ਲੜਕੇ ਨੇ ਵੀ ਫ਼ਾਤਿਮਾ ਨੂੰ ਮੁੱਕਾ ਮਾਰ ਦਿੱਤਾ।"
ਮੁੱਕਾ ਮਾਰ ਕੇ ਭੱਜਿਆ
ਫਾਤਿਮਾ ਨੇ ਦੱਸਿਆ, "ਮੈਂ ਉਸ ਨੂੰ ਥੱਪੜ ਮਾਰਿਆ, ਉਸ ਨੇ ਮੈਨੂੰ ਮੁੱਕਾ ਮਾਰਿਆ। ਮੇਰੀਆਂ ਅੱਖਾਂ ਅੱਗੇ ਹਨ੍ਹੇਰਾ ਛਾ ਗਿਆ। ਮੈਂ ਪਹਿਲਾਂ ਆਪਣੇ ਪਿਤਾ ਨੂੰ ਬੁਲਾਇਆ ਤੇ ਉਨ੍ਹਾਂ ਨੂੰ ਇਸ ਘਟਨਾ ਬਾਰੇ ਦੱਸਿਆ। ਉਹ ਆਪਣੇ ਨਾਲ ਦੋ-ਤਿੰਨ ਲੋਕਾਂ ਨੂੰ ਲੈ ਕੇ ਆਏ ਸਨ। ਮੇਰੇ ਪਾਪਾ, ਮੇਰੇ ਭਰਾ ਤੇ ਉਨ੍ਹਾਂ ਦੇ ਦੋਸਤ ਸਾਰੇ ਲੋਕ ਉਸ ਲੜਕੇ ਦੇ ਪਿੱਛੇ ਭੱਜੇ।"
ਪਿਤਾ ਸਪੋਰਟ ਸਿਸਟਮ
ਫ਼ਾਤਿਮਾ ਨੇ ਇੰਟਰਵਿਊ 'ਚ ਇਹ ਵੀ ਦੱਸਿਆ ਕਿ ਉਨ੍ਹਾਂ ਦੇ ਪਿਤਾ ਸਭ ਤੋਂ ਮਜ਼ਬੂਤ ਸ਼ਖ਼ਸ ਹਨ ਤੇ ਉਨ੍ਹਾਂ ਕੋਲ ਸਭ ਤੋਂ ਮਜ਼ਬੂਤ ਸਪੋਰਟ ਸਿਸਟਮ ਹੈ। ਜ਼ਿਕਰਯੋਗ ਹੈ ਕਿ ਸੋਮਵਾਰ ਨੂੰ ਸੋਸ਼ਲ ਮੀਡੀਆ ਤੋਂ ਬਰੇਕ ਲੈਣ ਦਾ ਐਲਾਨ ਕੀਤਾ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
