Gadar 2 Official Teaser In Cinema: ਆਖਰਕਾਰ ਇੰਤਜ਼ਾਰ ਦੀਆਂ ਘੜੀਆਂ ਖਤਮ ਹੋ ਗਈਆਂ ਹਨ। 'ਗਦਰ 2' ਦਾ ਧਮਾਕੇਦਾਰ ਟੀਜ਼ਰ ਸਾਹਮਣੇ ਆਇਆ ਹੈ। ਹਾਲੇ ਗਦਰ 2 ਦਾ ਟੀਜ਼ਰ ਸਿਰਫ ਸਿਨੇਮਾਘਰਾਂ 'ਚ ਦੇਖਣ ਨੂੰ ਮਿਲ ਰਿਹਾ ਹੈ। ਦੱਸ ਦਈਏ ਕਿ 'ਗਦਰ' ਫਿਲਮ ਦੀ ਸਕ੍ਰੀਨਿੰਗ ਦੌਰਾਨ 'ਗਦਰ 2' ਦਾ ਟੀਜ਼ਰ ਦਿਖਾਇਆ ਗਿਆ ਸੀ। ਟੀਜ਼ਰ ਦੇਖ ਕੇ ਲੋਕਾਂ ਨੇ ਥੀਏਟਰ 'ਚ ਖੂਬ ਸੀਟੀਆਂ ਮਾਰੀਆਂ।


ਬਾਲੀਵੁੱਡ ਸਟਾਰ ਸੰਨੀ ਦਿਓਲ ਅਤੇ ਅਮੀਸ਼ਾ ਪਟੇਲ ਦੀ ਫਿਲਮ ਗਦਰ ਦਾ ਸੀਕਵਲ ਗਦਰ 2 ਦੀ ਚਰਚਾ ਚਾਰੇ ਪਾਸੇ ਹੋ ਰਹੀ ਹੈ। ਸਨੀ ਦਿਓਲ ਅਤੇ ਅਮੀਸ਼ਾ ਪਟੇਲ ਦੀ ਗਦਰ 2 ਦਾ ਟੀਜ਼ਰ ਵੀਡੀਓ ਵੀ ਇੰਟਰਨੈੱਟ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਹਰ ਕੋਈ ਸੰਨੀ ਦਿਓਲ ਦੇ ਲੁੱਕ ਅਤੇ 'ਦਾਮਾਦ ਹੈ ਵੋ ਪਾਕਿਸਤਾਨ ਕਾ'... ਡਾਇਲਾਗ ਦੀ ਗੱਲ ਕਰ ਰਿਹਾ ਹੈ। ਗਦਰ 2 ਦੇ ਟੀਜ਼ਰ ਵੀਡੀਓ ਵਿੱਚ ਕਹਾਣੀ ਸਾਲ 1971 ਤੋਂ ਸ਼ੁਰੂ ਹੁੰਦੀ ਦਿਖਾਈ ਦੇ ਰਹੀ ਹੈ। ਜਿੱਥੇ ਇੱਕ ਪਾਸੇ ਭਾਰਤ-ਪਾਕਿਸਤਾਨ ਵਿਚਾਲੇ ਜੰਗ ਦਾ ਮਾਹੌਲ ਹੈ, ਉੱਥੇ ਹੀ ਦੂਜੇ ਪਾਸੇ ਸੰਨੀ ਦਿਓਲ ਦੇ ਦਮਦਾਰ ਕਿਰਦਾਰ ਦੀ ਝਲਕ ਦੇਖਣ ਨੂੰ ਮਿਲ ਰਹੀ ਹੈ। ਹੁਣ ਫਿਲਮ ਦੇ ਪ੍ਰਸ਼ੰਸਕ ਕਹਾਣੀ ਵਿੱਚ ਟਵਿਸਟ ਐਂਡ ਟਰਨ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।


ਗਦਰ 2 ਦੇ ਟੀਜ਼ਰ ਨੇ ਪਾਈਆਂ ਧਮਾਲਾਂ
'ਗਦਰ 2' ਵੀਡੀਓ ਦੇ ਟੀਜ਼ਰ ਦੀ ਸ਼ੁਰੂਆਤ 'ਚ 17 ਸਾਲ ਬਾਅਦ… ਸਕਰੀਨ 'ਤੇ ਲਿਖਿਆ ਹੈ। ਇਸ ਦੇ ਨਾਲ ਹੀ ਬੈਕਗਰਾਊਂਡ 'ਚ ਇਕ ਔਰਤ ਦੀ ਆਵਾਜ਼ ਸੁਣਾਈ ਦਿੰਦੀ ਹੈ ਜੋ ਕਹਿ ਰਹੀ ਹੈ-'ਦਾਮਾਦ ਹੈ ਵੋ ਪਾਕਿਸਤਾਨ ਕਾ ਇਸ ਨੂੰ ਨਾਰੀਅਲ ਦਿਓ, ਟੀਕਾ ਲਗਵਾ ਦਿਓ, ਨਹੀਂ ਤਾਂ ਇਸ ਵਾਰ ਦਾਜ 'ਚ ਲਾਹੌਰ ਲੈ ਜਾਵੇਗਾ।' ਇਸ ਡਾਇਲਾਗ ਨਾਲ ਕਹਾਣੀ ਪਰਦੇ 'ਤੇ ਲਾਹੌਰ, 1971 ਤੱਕ ਪਹੁੰਚ ਜਾਂਦੀ ਹੈ। ਇਸ ਤੋਂ ਬਾਅਦ ਵਿਜ਼ੂਅਲ 'ਚ ਪਾਕਿਸਤਾਨ, ਲਾਹੌਰ ਦੇ ਦ੍ਰਿਸ਼ ਦਿਖਾਏ ਗਏ ਹਨ, ਜਿੱਥੇ ਨਾਅਰੇਬਾਜ਼ੀ ਹੁੰਦੀ ਨਜ਼ਰ ਆ ਰਹੀ ਹੈ। ਗਦਰ 2 ਦਾ ਟੀਜ਼ਰ ਭਾਰਤ-ਪਾਕਿਸਤਾਨ 1971 ਦੀ ਜੰਗ ਦੇ ਮਾਹੌਲ ਨੂੰ ਦਰਸਾਉਂਦਾ ਹੈ।





ਟੀਜ਼ਰ ਵੀਡੀਓ 'ਚ ਸੰਨੀ ਦਿਓਲ ਦੀ ਐਂਟਰੀ ਹੁੰਦੀ ਹੈ, ਜੋ ਕਾਲੇ ਰੰਗ ਦਾ ਕੁੜਤਾ ਅਤੇ ਕਾਲੀ ਪੱਗ ਪਹਿਨੇ ਨਜ਼ਰ ਆ ਰਹੇ ਹਨ। ਫਿਰ ਸੰਨੀ ਦਿਓਲ ਦੇ ਐਕਸ਼ਨ ਅਵਤਾਰ ਦੀ ਝਲਕ ਦਿਖਾਈ ਦਿੰਦੀ ਹੈ ਅਤੇ ਸਕਰੀਨ 'ਤੇ ਲਿਖਿਆ ਹੁੰਦਾ ਹੈ ਕਿ ਤਾਰਾ ਸਿੰਘ ਵਾਪਸ ਆ ਗਿਆ ਹੈ... ਦੱਸ ਦਈਏ, ਗਦਰ 2 ਦਾ ਧਮਾਕੇਦਾਰ ਟੀਜ਼ਰ ਵੀਡੀਓ ਸਿਨੇਮਾਘਰਾਂ 'ਚ 'ਗਦਰ' ਫਿਲਮ ਦੀ ਸਕ੍ਰੀਨਿੰਗ ਦੌਰਾਨ ਹੀ ਦਿਖਾਇਆ ਗਿਆ ਸੀ। ਅਜੇ ਤੱਕ ਮੇਕਰਸ ਨੇ ਅਧਿਕਾਰਤ ਤੌਰ 'ਤੇ 'ਗਦਰ 2' ਦੇ ਟੀਜ਼ਰ ਨੂੰ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਨਹੀਂ ਕੀਤਾ ਹੈ।


ਗਦਰ 2 ਕਦੋਂ ਰਿਲੀਜ਼ ਹੋਵੇਗੀ?
ਗਦਰ 2 ਦੀ ਰਿਲੀਜ਼ ਤੋਂ ਪਹਿਲਾਂ, ਨਿਰਮਾਤਾਵਾਂ ਨੇ ਗਦਰ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਕੀਤਾ ਹੈ। 22 ਸਾਲਾਂ ਬਾਅਦ ਸੰਨੀ ਦਿਓਲ ਅਤੇ ਅਮੀਸ਼ਾ ਪਟੇਲ ਦੀ ਫਿਲਮ 'ਗਦਰ' ਦਾ ਸੀਕਵਲ 11 ਅਗਸਤ 2023 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਜਾ ਰਿਹਾ ਹੈ। ਟੀਜ਼ਰ ਵੀਡੀਓ ਦੇ ਰਿਲੀਜ਼ ਹੋਣ ਤੋਂ ਬਾਅਦ ਫਿਲਮ ਨੂੰ ਲੈ ਕੇ ਪ੍ਰਸ਼ੰਸਕਾਂ 'ਚ ਜ਼ਬਰਦਸਤ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਹੈ।