Somya Seth Wedding: ਨਵਿਆ ਫੇਮ ਅਭਿਨੇਤਰੀ ਅਤੇ ਗੋਵਿੰਦਾ ਦੀ ਭਤੀਜੀ ਸੌਮਿਆ ਸੇਠ ਦੀ ਜ਼ਿੰਦਗੀ 'ਚ ਖੁਸ਼ੀਆਂ ਦਾ ਦਿਨ ਆਇਆ ਹੈ। ਉਹ ਵਿਆਹ ਦੇ ਬੰਧਨ ਵਿੱਚ ਬੱਝ ਗਈ ਹੈ। ਸੌਮਿਆ ਨੇ ਆਪਣੇ ਲੰਬੇ ਸਮੇਂ ਦੇ ਬੁਆਏਫ੍ਰੈਂਡ ਸ਼ੁਭਮ ਨਾਲ ਅਮਰੀਕਾ ਵਿੱਚ ਵਿਆਹ ਕੀਤਾ ਸੀ। ਉਨ੍ਹਾਂ ਨੇ ਇਕ ਨਿੱਜੀ ਸਮਾਰੋਹ 'ਚ ਵਿਆਹ ਕਰਵਾਇਆ।
ਦੱਸ ਦੇਈਏ ਕਿ ਸੌਮਿਆ ਪਿਛਲੇ 5 ਸਾਲਾਂ ਤੋਂ ਅਮਰੀਕਾ ਵਿੱਚ ਰਹਿ ਰਹੀ ਹੈ। ਸ਼ੁਭਮ ਨਾਲ ਇਹ ਉਸਦਾ ਦੂਜਾ ਵਿਆਹ ਹੈ। ਉਸ ਦੇ ਪਹਿਲੇ ਵਿਆਹ (ਅਰੁਣ ਕਪੂਰ) ਵਿੱਚ ਬਹੁਤ ਉਤਰਾਅ-ਚੜ੍ਹਾਅ ਆਏ। ਤਲਾਕ (2019) ਤੋਂ ਲੈ ਕੇ ਬੱਚੇ ਦੀ ਕਸਟਡੀ ਤੱਕ, ਉਸ ਦੇ ਪਹਿਲੇ ਵਿਆਹ ਵਿੱਚ ਕਈ ਮੁਸ਼ਕਲਾਂ ਆਈਆਂ। ਉਸ ਨੇ ਆਪਣੇ ਪਤੀ 'ਤੇ ਵੀ ਕਈ ਦੋਸ਼ ਲਾਏ ਸਨ। ਇਸ ਵਿਆਹ ਤੋਂ ਉਸ ਦਾ ਇੱਕ ਪੁੱਤਰ ਵੀ ਹੈ। ਹੁਣ ਉਹ ਆਪਣੀ ਜ਼ਿੰਦਗੀ ਵਿਚ ਅੱਗੇ ਵਧ ਗਈ ਹੈ। ਸੌਮਿਆ ਨੂੰ ਆਪਣੀ ਜ਼ਿੰਦਗੀ ਵਿਚ ਪਿਆਰ ਮਿਲਿਆ ਹੈ ਜਿਸ ਨਾਲ ਉਹ ਅੱਗੇ ਵਧੀ ਹੈ।
ਹਲਦੀ-ਮਹਿੰਦੀ ਦੀ ਰਸਮ
ਟਾਈਮਜ਼ ਆਫ ਇੰਡੀਆ ਦੀ ਖਬਰ ਮੁਤਾਬਕ, ਸੌਮਿਆ ਨੇ ਦੱਸਿਆ ਕਿ ਅਸੀਂ ਆਪਣੇ ਮਾਪਿਆਂ ਨੂੰ ਕਿਹਾ ਸੀ ਕਿ ਇੱਕ ਦਿਨ ਹੈ, ਤੁਸੀਂ ਜੋ ਵੀ ਪ੍ਰੀ ਵੈਡਿੰਗ ਫੰਕਸ਼ਨ ਕਰਨਾ ਚਾਹੁੰਦੇ ਹੋ ਕਰ ਸਕਦੇ ਹੋ। ਇਸ ਕਰਕੇ ਉਨ੍ਹਾਂ ਨੇ ਹਲਦੀ ਮਹਿੰਦੀ ਦੀ ਰਸਮ ਕੀਤੀ। ਇਸ ਵਿਆਹ 'ਚ ਕੋਈ ਗੈਸਟ ਸ਼ਾਮਲ ਨਹੀਂ ਹੋਇਆ ਸੀ। ਸਿਰਫ ਜੋ ਸਾਡੇ ਸਭ ਤੋਂ ਕਰੀਬੀ ਹਨ ਉਹ ਹੀ ਇਸ ਵਿਆਹ ਦਾ ਹਿੱਸਾ ਬਣੇ ਸੀ। ਵਿਆਹ ਬਿਲਕੁਲ ਪ੍ਰਾਇਵੇਟ ਸੈਰੇਮਨੀ 'ਚ ਹੋਇਆ ਸੀ।
ਕੌਣ ਹੈ ਸੌਮਿਆ ਦਾ ਪਤੀ?
ਸ਼ੁਭਮ ਚਿਤੌੜਗੜ੍ਹ ਦਾ ਰਹਿਣ ਵਾਲਾ ਹੈ। ਸ਼ੁਭਮ ਦੇ ਪਿਤਾ ਡਾਕਟਰ ਹਨ। ਜਦੋਂ ਕਿ ਸ਼ੁਭਮ ਇੱਕ ਆਰਕੀਟੈਕਟ ਹੈ ਅਤੇ ਵਾਸ਼ਿੰਗਟਨ ਡੀਸੀ ਵਿੱਚ ਕੰਮ ਕਰਦਾ ਹੈ। 2019 ਵਿੱਚ, ਉਹ ਆਪਣੇ ਬੱਚੇ ਲਈ ਰਹਿਣ ਲਈ ਇੱਕ ਵੱਡੀ ਜਗ੍ਹਾ ਲੱਭ ਰਹੀ ਸੀ। "ਮੈਂ ਇੱਕ ਵੱਡੇ ਅਪਾਰਟਮੈਂਟ ਵਿੱਚ ਕਿਰਾਏ 'ਤੇ ਕਮਰਾ ਲੈ ਲਿਆ। ਇੱਥੇ ਮੇਰੀ ਮੁਲਾਕਾਤ ਸ਼ੁਭਮ ਨਾਲ ਹੋਈ। ਅਸੀਂ ਘਅਸੀਂ ਪਹਿਲਾਂ ਗੁਆਂਢੀ ਬਣੇ, ਫਿਰ ਦੋਸਤ ਬਣ ਗਏ ਅਤੇ ਫਿਰ ਸਾਡੀ ਨੇੜਤਾ ਵਧ ਗਈ।"
ਸੌਮਿਆ ਨੂੰ 'ਨਵਿਆ' ਤੋਂ ਪ੍ਰਸਿੱਧੀ ਮਿਲੀ। ਉਹ ਸੀਰੀਅਲ 'ਦਿਲ ਕੀ ਨਜ਼ਰ ਸੇ ਖੂਬਸੂਰਤ', 'ਯੇ ਹੈ ਆਸ਼ਿਕੀ' ਅਤੇ 'ਚੱਕਰਵਰਤੀ ਅਸ਼ੋਕ ਸਮਰਾਟ' ਵਰਗੇ ਸ਼ੋਅਜ਼ ਵਿੱਚ ਨਜ਼ਰ ਆਈ।