ਬੌਲੀਵੁੱਡ ਫ਼ਿਲਮ ਰਾਹੀਂ ਐਕਟਿੰਗ ਕਰੀਅਰ ਦੀ ਸ਼ੁਰੂਆਤ ਕਰਨਗੇ ਗੁਰੂ ਰੰਧਾਵਾ

ਬੌਲੀਵੁੱਡ ਫ਼ਿਲਮ ਨਾਲ ਗੁਰੂ ਰੰਧਾਵਾ ਆਪਣੇ ਐਕਟਿੰਗ ਕਰੀਅਰ ਦੀ ਸ਼ੁਰੂਆਤ ਕਰਨਗੇ। ਗੁਰੂ ਰੰਧਾਵਾ ਦੀ ਇਹ ਪਹਿਲੀ ਫ਼ਿਲਮ ਹੋਏਗੀ। 

guru_randhawa

ਪੰਜਾਬੀ ਗਾਇਕ ਤੇ ਬੌਲੀਵੁੱਡ ਦਾ ਜਾਣਿਆ-ਮਾਣਿਆ ਨਾਮ ਗੁਰੂ ਰੰਧਾਵਾ ਹੁਣ ਵੱਡੇ ਪਰਦੇ 'ਤੇ ਅਦਾਕਾਰੀ ਕਰਦਾ ਨਜ਼ਰ ਆਉਣ ਵਾਲਾ ਹੈ। ਬੌਲੀਵੁੱਡ ਫ਼ਿਲਮ ਨਾਲ ਗੁਰੂ ਰੰਧਾਵਾ ਆਪਣੇ ਐਕਟਿੰਗ ਕਰੀਅਰ ਦੀ ਸ਼ੁਰੂਆਤ ਕਰਨਗੇ। ਗੁਰੂ ਰੰਧਾਵਾ ਦੀ ਇਹ ਪਹਿਲੀ ਫ਼ਿਲਮ ਹੋਏਗੀ। 

 

ਗਾਇਕ ਨੇ 'Endemol Shine India' ਦੀ ਫ਼ਿਲਮ ਸਾਈਨ ਕੀਤੀ ਹੈ। ਗੁਰੂ ਰੰਧਾਵਾ ਲਈ ਪਹਿਲੀ ਫ਼ਿਲਮ 'ਚ ਕੰਮ ਕਰਨਾ ਮੁਸ਼ਕਲ ਨਹੀਂ ਹੋਏਗਾ, ਕਿਉਂਕਿ ਮਿਊਜ਼ਿਕਲ ਲਵ ਸਟੋਰੀ ਲਈ ਗੁਰੂ ਰੰਧਾਵਾ ਨੂੰ ਕਾਸਟ ਕੀਤਾ ਗਿਆ ਹੈ। ਗੁਰੂ ਨੇ ਖੁਦ ਇਸ ਖਬਰ ਦੀ ਪੁਸ਼ਟੀ ਕੀਤੀ ਹੈ।

 

29 ਸਾਲਾਂ ਗਾਇਕ ਗੁਰੂ ਰੰਧਾਵਾ ਨੇ ਕਿਹਾ ਕਿ, "ਫ਼ਿਲਮ 'ਚ ਕੰਮ ਕਰਨ ਲਈ ਇਹ ਬਿਲਕੁਲ ਸਹੀ ਸਮਾਂ ਹੈ।" ਫ਼ਿਲਮ ਨੂੰ ਲੈ ਕੇ ਗੁਰੂ ਰੰਧਾਵਾ ਕਾਫੀ ਉਤਸੁਕ ਹਨ। ਹਾਲਾਂਕਿ ਫ਼ਿਲਮ ਨੂੰ ਡਾਇਰੈਕਟ ਕੌਣ ਕਰੇਗਾ ਤੇ ਗੁਰੂ ਦੀ ਹੀਰੋਇਨ ਕਿਹੜੀ ਹੋਏਗੀ, ਇਸ ਬਾਰੇ ਅਜੇ ਕੋਈ ਜਾਣਕਾਰੀ ਨਹੀਂ ਹੈ। ਫ਼ਿਲਮ 'ਤੇ ਕੰਮ ਜਲਦ ਸ਼ੁਰੂ ਕੀਤਾ ਜਾਏਗਾ।

 

ਗੁਰੂ ਰੰਧਾਵਾ ਆਪਣੇ ਗਾਣਿਆਂ 'ਚ ਖੁਦ ਫਿਚਰਿੰਗ ਕਰਦੇ ਹਨ। ਬੌਲੀਵੁੱਡ ਦੀਆਂ ਕਈ ਅਦਾਕਾਰਾ ਜਿਵੇ ਕਿ, ਨੁਸ਼ਰਤ ਭਰੂਚਾ, ਉਰਵਸ਼ੀ ਰੌਤੇਲਾ, ਸੰਜਨਾ ਸਾਂਘੀ ਤੇ ਨੋਰਾ ਫਤੇਹੀ ਨਾਲ ਗੁਰੂ ਰੰਧਾਵਾ ਗਾਣਿਆਂ 'ਚ ਪਰਫੋਰਮ ਕਰ ਚੁਕੇ ਹਨ। ਪਰ ਪੰਜਾਬ ਤੋਂ ਗਏ ਇਸ ਗਾਇਕ ਨੂੰ ਹੁਣ ਬੌਲੀਵੁੱਡ ਗਾਇਕ ਵਜੋਂ ਵੀ ਜਾਣਿਆ ਜਾਂਦਾ ਹੈ।