Honey Singh: ਜਦੋਂ ਹਨੀ ਸਿੰਘ ਨੂੰ ਬਾਰ ਬਾਰ ਕਾਲ ਕਰ ਰਹੇ ਸੀ ਅਕਸ਼ੇ ਕੁਮਾਰ, ਰੈਪਰ ਕਿਉਂ ਇਗਨੋਰ ਕਰ ਰਿਹਾ ਸੀ ਅਕਸ਼ੇ ਦੀ ਕਾਲ, ਜਾਣੋ ਵਜ੍ਹਾ

Honey Singh On Akshay Kumar: ਹਨੀ ਸਿੰਘ ਨੇ ਖੁਲਾਸਾ ਕੀਤਾ ਕਿ ਜਦੋਂ ਉਹ ਡਿਪ੍ਰੈਸ਼ਨ 'ਚ ਸੀ ਤਾਂ ਅਕਸ਼ੇ ਕੁਮਾਰ ਉਸ ਨੂੰ ਵਾਰ-ਵਾਰ ਗੱਲ ਕਰਨ ਲਈ ਫੋਨ ਕਰ ਰਹੇ ਸਨ।

ਅਕਸ਼ੈ ਕੁਮਾਰ, ਹਨੀ ਸਿੰਘ

Honey Singh On Akshay Kumar: ਮਸ਼ਹੂਰ ਰੈਪਰ ਹਨੀ ਸਿੰਘ ਇਨ੍ਹੀਂ ਦਿਨੀਂ ਆਪਣੀ ਨਵੀਂ ਮਿਊਜ਼ਿਕ ਐਲਬਮ ਹਨੀ 3.0 ਲਈ ਲਾਈਮਲਾਈਟ ਵਿੱਚ ਹੈ। ਉਹ ਆਪਣੀ ਐਲਬਮ ਦਾ ਜ਼ੋਰਦਾਰ ਪ੍ਰਚਾਰ ਕਰ ਰਿਹਾ ਹੈ। ਇਸ ਦੌਰਾਨ ਹਨੀ ਸਿੰਘ ਨੇ ਖੁਲਾਸਾ ਕੀਤਾ ਕਿ ਜਦੋਂ ਉਹ ਮਾਨਸਿਕ ਸਿਹਤ ਸਮੱਸਿਆਵਾਂ ਨਾਲ ਜੂਝ ਰਿਹਾ ਸੀ ਤਾਂ ਬਾਲੀਵੁੱਡ ਦੇ ਕਈ ਸਿਤਾਰਿਆਂ ਨੇ ਉਸ ਦੀ ਮਦਦ ਕੀਤੀ। ਉਸ ਨੇ ਦੱਸਿਆ ਕਿ ਅਕਸ਼ੈ ਕੁਮਾਰ ਉਸ ਨੂੰ ਵਾਰ-ਵਾਰ ਫੋਨ ਕਰ ਰਹੇ ਸੀ, ਜਦਕਿ ਉਸ ਸਮੇਂ ਉਹ ਕਿਸੇ ਨਾਲ ਫੋਨ 'ਤੇ ਗੱਲ ਕਰਨਾ ਪਸੰਦ ਨਹੀਂ ਕਰਦਾ ਸੀ।

ਅਕਸ਼ੈ ਕੁਮਾਰ ਬਾਰ ਬਾਰ ਕਰ ਰਹੇ ਸੀ ਫੋਨ
ਸਿਧਾਰਥ ਕੰਨਨ ਨਾਲ ਇੰਟਰਵਿਊ ਦੌਰਾਨ ਹਨੀ ਸਿੰਘ ਨੇ ਦੱਸਿਆ ਕਿ ਫਿਲਮ ਇੰਡਸਟਰੀ ਦੇ ਕਈ ਸਿਤਾਰੇ ਉਸ ਦੇ ਸੰਪਰਕ 'ਚ ਸਨ, ਜਦੋਂ ਉਨ੍ਹਾਂ ਨੂੰ ਪਤਾ ਲੱਗਾ ਕਿ ਹਨੀ ਸਿੰਘ ਬੀਮਾਰੀ ਨਾਲ ਜੂਝ ਰਿਹਾ ਹੈ। ਉਸ ਨੇ ਕਿਹਾ, 'ਸਾਰੇ ਮੇਰੇ ਨਾਲ ਸੀ। ਮੈਂ ਫ਼ੋਨ 'ਤੇ ਗੱਲ ਨਹੀਂ ਕਰ ਸਕਿਆ, ਪਰ ਮੈਂ ਅਕਸ਼ੈ ਪਾਜੀ ਨਾਲ ਦੋ-ਤਿੰਨ ਵਾਰ ਫ਼ੋਨ 'ਤੇ ਗੱਲ ਕੀਤੀ। ਮੰਮੀ ਨੇ ਮੈਨੂੰ ਪਾਜੀ (ਅਕਸ਼ੇ ਕੁਮਾਰ) ਨਾਲ ਗੱਲ ਕਰਨ ਲਈ ਕਿਹਾ। ਮੇਰੀ ਮੰਮੀ ਨੇ ਕਿਹਾ ਕਿ ਅਕਸ਼ੇ ਤੇਰੇ (ਹਨੀ) ਨਾਲ ਗੱਲ ਕਰਨ ਲਈ ਜ਼ਿੱਦ ਕਰ ਰਹੇ ਹਨ, ਉਹ ਬਿਨਾਂ ਗੱਲ ਕੀਤੇ ਨਹੀਂ ਮੰਨਣਗੇ। ਜਦੋਂ ਮੈਂ ਫੋਨ 'ਤੇ ਉਨ੍ਹਾਂ ਨਾਲ ਗੱਲ ਕੀਤੀ, ਤਾਂ ਪਾਜੀ ਨੇ ਮੈਨੂੰ ਸਮਝਾਇਆ ਕਿ ਸਭ ਠੀਕ ਹੋ ਜਾਵੇਗਾ। ਇਹ ਵੀ ਸੁਝਾਅ ਦਿੱਤਾ ਗਿਆ ਕਿ ਦੱਖਣੀ ਭਾਰਤ ਵਿੱਚ ਇੱਕ ਆਯੁਰਵੇਦ ਪ੍ਰੋਗਰਾਮ ਹੈ, ਇਸ ਵਿੱਚ ਸ਼ਾਮਲ ਹੋਵੋ, ਤੁਹਾਨੂੰ ਇਸ ਤੋਂ ਬਹੁਤ ਮਦਦ ਮਿਲੇਗੀ।

ਹਨੀ ਸਿੰਘ ਨੇ ਅਕਸ਼ੈ ਲਈ ਕਈ ਗੀਤ ਬਣਾਏ
ਦੱਸਣਯੋਗ ਹੈ ਕਿ ਹਨੀ ਸਿੰਘ ਨੇ ਅਕਸ਼ੈ ਕੁਮਾਰ ਦੀ ਫਿਲਮ 'ਬੌਸ' ਲਈ 'ਪਾਰਟੀ ਆਲ ਨਾਈਟ' ਗੀਤ ਤਿਆਰ ਕੀਤਾ ਸੀ। ਇਸ ਤੋਂ ਬਾਅਦ ਦੋਵਾਂ ਨੇ ਫਿਲਮ ਸੈਲਫੀ ਦੇ ਗੀਤ 'ਕੁੜੀ ਚਮਕੀਲੀ' 'ਚ ਇਕੱਠੇ ਕੰਮ ਕੀਤਾ। ਜਦੋਂ ਅਕਸ਼ੇ ਕੁਮਾਰ ਦੀ ਫਿਲਮ ਸੈਲਫੀ ਬਾਕਸ ਆਫਿਸ 'ਤੇ ਫਲਾਪ ਹੋਈ ਤਾਂ ਹਨੀ ਸਿੰਘ ਨੇ ਇਕ ਈਵੈਂਟ 'ਚ ਅਦਾਕਾਰ ਦਾ ਸਾਥ ਦਿੱਤਾ। 

ਹਨੀ ਸਿੰਘ ਦੀ ਜ਼ਿੰਦਗੀ 'ਤੇ ਬਣ ਰਹੀ ਡਾਕਿਊਮੈਂਟਰੀ
ਤੁਹਾਨੂੰ ਦੱਸ ਦੇਈਏ ਕਿ Netflix ਜਲਦ ਹੀ ਹਨੀ ਸਿੰਘ ਦੀ ਜ਼ਿੰਦਗੀ 'ਤੇ ਇੱਕ ਡਾਕੂਮੈਂਟਰੀ ਲੈ ਕੇ ਆ ਰਿਹਾ ਹੈ। ਇਸ ਡਾਕੂਮੈਂਟਰੀ ਦਾ ਐਲਾਨ ਕੁਝ ਦਿਨ ਪਹਿਲਾਂ ਕੀਤਾ ਗਿਆ ਸੀ। ਹਨੀ ਸਿੰਘ ਦੇ ਜੀਵਨ 'ਤੇ ਬਣੀ ਇਸ ਡਾਕੂਮੈਂਟਰੀ ਨੂੰ ਆਸਕਰ ਜੇਤੂ ਗੁਨੀਤ ਮੋਂਗਾ ਨੇ ਬਣਾਇਆ ਹੈ। ਇਸ ਡਾਕੂਮੈਂਟਰੀ 'ਚ ਹਨੀ ਸਿੰਘ ਆਪਣੀ ਜ਼ਿੰਦਗੀ ਦੇ ਕਈ ਪਹਿਲੂਆਂ 'ਤੇ ਗੱਲ ਕਰਦੇ ਨਜ਼ਰ ਆਉਣਗੇ।