ਦੀਪਿਕਾ ਦੇ ਪਿਆਰ 'ਚ ਕਪਿਲ ਸ਼ਰਮਾ ਕਾਕਰੋਚ ਤਕ ਅਡੋਪਟ ਕਰਨ ਨੂੰ ਤਿਆਰ

ਦ ਕਪਿਲ ਸ਼ਰਮਾ ਸ਼ੋਅ (The Kapil Sharma Show) 'ਤੇ ਜਦੋਂ ਵੀ ਕੋਈ ਫੀਮੇਲ ਸਟਾਰ ਆਉਂਦੀ ਹੈ ਤਾਂ ਕਪਿਲ ਸ਼ਰਮਾ ਸਾਰਿਆਂ ਨਾਲ ਫਲਰਟ ਕਰਦੇ ਨਜ਼ਰ ਆਉਂਦੇ ਹਨ ਪਰ ਜਦੋਂ ਵੀ ਦੀਪਿਕਾ ਪਾਦੂਕੋਣ ਸੈੱਟ' ਤੇ ਆਉਂਦੀ ਹੈ ਤਾਂ ਕਪਿਲ ਦੇ ਕੁਝ ਜ਼ਿਆਦਾ ਹੀ ਸੁਰ ਬਦਲ ਜਾਂਦੇ ਹਨ।

ਮੁੰਬਈ: ਦ ਕਪਿਲ ਸ਼ਰਮਾ ਸ਼ੋਅ (The Kapil Sharma Show) 'ਤੇ ਜਦੋਂ ਵੀ ਕੋਈ ਫੀਮੇਲ ਸਟਾਰ ਆਉਂਦੀ ਹੈ ਤਾਂ ਕਪਿਲ ਸ਼ਰਮਾ ਸਾਰਿਆਂ ਨਾਲ ਫਲਰਟ ਕਰਦੇ ਨਜ਼ਰ ਆਉਂਦੇ ਹਨ ਪਰ ਜਦੋਂ ਵੀ ਦੀਪਿਕਾ ਪਾਦੂਕੋਣ ਸੈੱਟ' ਤੇ ਆਉਂਦੀ ਹੈ ਤਾਂ ਕਪਿਲ ਦੇ ਕੁਝ ਜ਼ਿਆਦਾ ਹੀ ਸੁਰ ਬਦਲ ਜਾਂਦੇ ਹਨ। ਹਾਲਾਂਕਿ ਦੀਪਿਕਾ ਵਿਆਹੀ ਹੈ, ਪਰ ਕਪਿਲ ਆਪਣੇ ਦਿਲ ਦੀਆਂ ਭਾਵਨਾਵਾਂ ਜ਼ਾਹਰ ਕਰਨ ਤੋਂ ਕਦੇ ਨਹੀਂ ਝਿਜਕਦਾ। ਜਦੋਂ ਦੀਪਿਕਾ ਪਿਛਲੇ ਸਾਲ ਕਪਿਲ ਦੇ ਸ਼ੋਅ 'ਤੇ ਪਹੁੰਚੀ ਤਾਂ ਉਸ ਦਾ ਕ੍ਰੇਜ਼ ਇੰਨਾ ਸੀ ਕਿ ਕਪਿਲ ਦੀਪਿਕਾ ਲਈ ਕਾਕਰੋਚ ਤਕ ਅਡੋਪਟ ਕਰਨ ਲਈ ਰਾਜ਼ੀ ਹੋ ਗਏ। ਦਰਅਸਲ, ਸ਼ੋਅ 'ਚ ਪਹੁੰਚੀ ਦੀਪਿਕਾ ਤੋਂ ਕੁਝ ਅਫਵਾਹਾਂ ਬਾਰੇ ਪੁੱਛਿਆ ਜਾ ਰਿਹਾ ਸੀ ਜੋ ਉਸ ਬਾਰੇ ਫੈਲੀਆਂ ਹਨ। ਇਸ ਦੌਰਾਨ ਕਪਿਲ ਨੇ ਇੱਕ ਅਫਵਾਹ ਦੱਸੀ ਸੀ ਕਿ ਦੀਪਿਕਾ ਕਾਕਰੋਚ ਨੂੰ ਕਾਫੀ ਪਿਆਰ ਕਰਦੀ ਹੈ ਤੇ ਉਹ ਪਿਆਰ ਨਾਲ ਉਸ ਨੂੰ ਕੋਕੋ ਕਹਿੰਦੀ ਹੈ। ਫਿਰ ਦੀਪਿਕਾ ਨੇ ਇਕ ਮੂੰਹ ਬਣਾਇਆ ਤੇ ਕਪਿਲ ਨੂੰ ਪੁੱਛਿਆ ਕਿ ਉਹ ਇਸ ਬਾਰੇ ਕੀ ਸੋਚਦਾ ਹੈ? ਫਿਰ ਕਪਿਲ ਨੇ ਕਿਹਾ ਕਿ ਉਹ ਕਾਕਰੋਚਾਂ ਨੂੰ ਪਸੰਦ ਤਾਂ ਨਹੀਂ ਕਰਦੇ ਪਰ ਜੇ ਦੀਪਿਕਾ ਪਸੰਦ ਕਰਦੀ ਹੈ ਤਾਂ ਉਹ ਕਾਕਰੋਚ ਨੂੰ ਅਡੋਪਟ ਵੀ ਕਰ ਸਕਦੇ ਹਨ। ਦੀਪਿਕਾ ਜਦੋਂ ਸ਼ੋਅ 'ਤੇ ਪਹੁੰਚੀ ਤਾਂ ਸੈੱਟ 'ਤੇ ਕਾਫੀ ਮਸਤੀ ਹੋਈ। ਇਸ ਦੇ ਨਾਲ ਹੀ ਦੀਪਿਕਾ ਦੇ ਬਾਡੀਗਾਰਡ ਬਾਰੇ ਵੀ ਬਹੁਤ ਸਾਰੀਆਂ ਗੱਲਾਂ ਪਤਾ ਲੱਗੀਆਂ। ਉਸ ਦੇ ਬਾਡੀਗਾਰਡ ਦਾ ਨਾਮ ਜਲਾਲੂਦੀਨ ਹੈ ਜਿਨ੍ਹਾਂ ਨੂੰ ਸਟੇਜ 'ਤੇ ਬੁਲਾਇਆ ਗਿਆ ਸੀ ਤੇ ਕਪਿਲ ਨੇ ਉਸ ਦਾ ਗਲੇ ਮਿਲ ਕੇ ਸਵਾਗਤ ਕੀਤਾ ਸੀ। ਦੀਪਿਕਾ ਪਾਦੂਕੋਣ ਦੇ ਆਉਣ ਵਾਲੇ ਪ੍ਰੋਜੈਕਟ ਦੀ ਗੱਲ ਕਰੀਏ ਤਾਂ ਹਾਲ ਹੀ ਵਿੱਚ ਉਸਦੀ ਤੇ ਰਿਤਿਕ ਰੋਸ਼ਨ ਦੀ ਫਿਲਮ ਫਾਈਟਰ ਦਾ ਐਲਾਨ ਕੀਤਾ ਗਿਆ ਹੈ। ਦੋਵੇਂ ਪਹਿਲੀ ਵਾਰ ਸਕ੍ਰੀਨ ਨੂੰ ਸਾਂਝਾ ਕਰਨਗੇ। ਇਸ ਤੋਂ ਇਲਾਵਾ ਦੀਪਿਕਾ ਬਾਹੂਬਲੀ ਫੇਮ ਪ੍ਰਭਾਸ ਨਾਲ ਵੱਡੇ ਬਜਟ ਦੀ ਫਿਲਮ ਮਹਾਭਾਰਤ ਵਿੱਚ ਵੀ ਨਜ਼ਰ ਆਵੇਗੀ।