ਕ੍ਰਿਕੇਟ ਤੋਂ ਬਾਅਦ ਫ਼ਿਲਮਾਂ 'ਚ ਇਰਫਾਨ ਪਠਾਨ ਦਾ ਡੈਬਿਊ

ਇਕ ਟਾਈਮ 'ਤੇ ਇੰਡੀਅਨ ਕ੍ਰਿਕੇਟ ਟੀਮ ਦੇ ਸਭ ਤੋਂ ਵਧੀਆ ਆਲਰਾਊਂਡਰ ਕਹੇ ਜਾਣ ਵਾਲੇ ਇਰਫਾਨ ਪਠਾਨ ਹੁਣ ਫਿਲਮਾਂ 'ਚ ਡੈਬਿਊ ਕਰਨ ਜਾ ਰਹੇ ਹਨ। ਇਰਫਾਨ ਪਠਾਨ ਕੋਈ ਹਿੰਦੀ ਨਾਲ ਨਹੀਂ ਇਕ ਤਾਮਿਲ ਫਿਲਮ ਨਾਲ ਡੈਬਿਊ ਕਰਨ ਜਾ ਰਹੇ ਹਨ।

ਇਕ ਟਾਈਮ 'ਤੇ ਇੰਡੀਅਨ ਕ੍ਰਿਕੇਟ ਟੀਮ ਦੇ ਸਭ ਤੋਂ ਵਧੀਆ ਆਲਰਾਊਂਡਰ ਕਹੇ ਜਾਣ ਵਾਲੇ ਇਰਫਾਨ ਪਠਾਨ ਹੁਣ ਫਿਲਮਾਂ 'ਚ ਡੈਬਿਊ ਕਰਨ ਜਾ ਰਹੇ ਹਨ। ਇਰਫਾਨ ਪਠਾਨ ਕੋਈ ਹਿੰਦੀ ਨਾਲ ਨਹੀਂ ਇਕ ਤਾਮਿਲ ਫਿਲਮ ਨਾਲ ਡੈਬਿਊ ਕਰਨ ਜਾ ਰਹੇ ਹਨ। ਫਿਲਮ ਦਾ ਐਲਾਨ ਇਰਫਾਨ ਦੇ 36 ਵੇਂ ਜਨਮਦਿਨ 'ਤੇ ਕੀਤਾ ਗਿਆ ਹੈ ਅਤੇ ਫਿਲਮ ਦੀ ਫਰਸਟ ਲੁੱਕ ਨੂੰ ਪੋਸਟਰ ਦੇ ਤੌਰ 'ਤੇ ਰਿਲੀਜ਼ ਕੀਤਾ ਗਿਆ ਹੈ। ਪੋਸਟਰ 'ਚ ਇਰਫਾਨ ਦੀ ਕਮਾਲ ਦੀ ਲੁਕ ਨਜ਼ਰ ਆ ਰਹੀ ਹੈ।

ਇਰਫਾਨ ਖਾਨ ਤੋਂ ਪਹਿਲਾ ਵੀ ਕਈ ਕ੍ਰਿਕਟਰ ਫਿਲਮਾਂ 'ਚ ਨਜ਼ਰ ਆ ਚੁੱਕੇ ਹਨ। 'ਕੋਬਰਾ' ਨਾਮ ਵਾਲੀ ਤਾਮਿਲ ਫਿਲਮ 'ਚ ਇਰਫਾਨ ਪਠਾਨ ਦਾ ਨਾਮ ਅਸਲਾਨ ਯਿਲਮਾਜ਼ ਹੋਵੇਗਾ ਅਤੇ ਇਕ ਫ੍ਰੈਂਚ ਇੰਟਰਪੋਲ ਅਧਿਕਾਰੀ ਦੀ ਭੂਮਿਕਾ ਨਿਭਾਉਣਗੇ। ਰਿਪੋਰਟਸ ਮੁਤਾਬਕ ਫਿਲਮ ਵਿੱਚ ਤਾਮਿਲ ਸੁਪਰਸਟਾਰ ਚਿਆਨ ਵਿਕਰਮ ਵੀ ਨਜ਼ਰ ਆਉਣਗੇ। ਵਿਕਰਮ ਦਾ ਇਸ ਫਿਲਮ 'ਚ ਅਹਿਮ ਕਿਰਦਾਰ ਹੋਵੇਗਾ।

ਰਿਪੋਰਟਸ ਅਨੁਸਾਰ ਚਿਆਨ ਵਿਕਰਮ ਇਸ 'ਚ ਇਕ ਭਾਰਤੀ ਜਾਸੂਸ ਦੀ ਭੂਮਿਕਾ ਅਦਾ ਕਰਨਗੇ ਅਤੇ ਕਈ ਵੱਖ-ਵੱਖ ਰੂਪਾਂ 'ਚ ਦਿਖਾਈ ਦੇਣਗੇ। ਫਿਲਹਾਲ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਹੋ ਚੁਕੀ ਹੈ।  ਇਸ ਫਿਲਮ 'ਚ ਕੇਐਸ ਰਵੀ ਕੁਮਾਰ, ਸ਼੍ਰੀਨਿਧੀ ਸ਼ੈੱਟੀ ਵਰਗੇ ਸਿਤਾਰੇ ਵੀ ਕੰਮ ਕਰਨਗੇ। ਇਸ ਫਿਲਮ ਦੀ ਅਗਲੇ ਸਾਲ ਤਕ ਰਿਲੀਜ਼ ਹੋਣ ਦੀ ਉਮੀਦ ਹੈ।

ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ