Jazzy B: ਜੈਜ਼ੀ ਬੀ ਨੇ ਦੇਬੀ ਮਖਸੂਸਪੁਰੀ ਨੂੰ ਦੇਖ ਸਟੇਜ ‘ਤੇ ਕੀਤਾ ਇਹ ਕੰਮ, ਵੀਡੀਓ ਨੇ ਜਿੱਤਿਆ ਫੈਨਜ਼ ਦਾ ਦਿਲ
Jazzy B Debi Makhsoospuri: ਜੈਜ਼ੀ ਬੀ ਤੇ ਦੇਬੀ ਮਖਸੂਸਪੁਰੀ ਆਪਸ ;ਚ ਮਜ਼ਬੂਤ ਬੌਂਡਿੰਗ ਸ਼ੇਅਰ ਕਰਦੇ ਹਨ। ਇਸ ਦਾ ਸਬੂਤ ਹੈ ਇਹ ਵੀਡੀਓ ਜੋ ਹਾਲ ਹੀ ਸਾਹਮਣੇ ਆਇਆ ਹੈ।
Debi Makhsoospuri Jazzy B: ਪੰਜਾਬੀ ਗਾਇਕ ਜੈਜ਼ੀ ਬੀ ਤੇ ਦੇਬੀ ਮਖਸੂਸਪੁਰੀ ਦੋਵੇਂ ਹੀ ਪੰਜਾਬੀ ਇੰਡਸਟਰੀ ਦੇ ਟੌਪ ਗਾਇਕ ਹਨ। ਦੋਵੇਂ ਹੀ ਆਪਣੇ ਸਮੇਂ ਦੇ ਸਭ ਤੋਂ ਸਫਲ ਗਾਇਕ ਰਹੇ ਹਨ। ਦੋਵਾਂ ਦੇ ਲੱਖਾਂ ਦੀ ਗਿਣਤੀ ‘ਚ ਫੈਨਜ਼ ਹਨ। ਇਸ ਦੇ ਨਾਲ ਨਾਲ ਜੈਜ਼ੀ ਬੀ ਤੇ ਦੇਬੀ ਮਖਸੂਸਪੁਰੀ ਆਪਸ ;ਚ ਮਜ਼ਬੂਤ ਬੌਂਡਿੰਗ ਸ਼ੇਅਰ ਕਰਦੇ ਹਨ। ਇਸ ਦਾ ਸਬੂਤ ਹੈ ਇਹ ਵੀਡੀਓ ਜੋ ਹਾਲ ਹੀ ਸਾਹਮਣੇ ਆਇਆ ਹੈ।
ਦੇਬੀ ਮਖਸੂਸਪੁਰੀ ਨੇ ਖੁਦ ਇਸ ਵੀਡੀਓ ਨੂੰ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਸ਼ੇਅਰ ਕੀਤਾ ਹੈ। ਇਹ ਵੀਡੀਓ ਫੈਨਜ਼ ਦਾ ਖੂਬ ਦਿਲ ਜਿੱਤ ਰਿਹਾ ਹੈ। ਵੀਡੀਓ ‘ਚ ਤੁਸੀਂ ਦੇਖ ਸਕਦੇ ਹੋ ਕਿ ਜੈਜ਼ੀ ਬੀ ਸਟੇਜ ‘ਤੇ ਲਾਈਵ ਪਰਫਾਰਮੈਂਸ ਦੇ ਰਹੇ ਹਨ। ਇਸ ਦੌਰਾਨ ਦੇਬੀ ਉਨ੍ਹਾਂ ਦੇ ਸਟੇਜ ਕੋਲ ਚਲੇ ਜਾਂਦੇ ਹਨ। ਇਸ ਦੌਰਾਨ ਜੈਜ਼ੀ ਬੀ ਪਰਫਾਰਮੈਂਸ ਛੱਡ ਕੇ ਤੁਰੰਤ ਦੇਬੀ ਨੂੰ ਮਿਲਣ ਚਲੇ ਜਾਂਦੇ ਹਨ। ਜੈਜ਼ੀ ਬੀ ਨੇ ਤੁਰੰਤ ਦੇਬੀ ਨੂੰ ਗਲ ਨਾਲ ਲਾ ਉਨ੍ਹਾਂ ਦਾ ਆਦਰ ਸਤਿਕਾਰ ਕੀਤਾ। ਜੈਜ਼ੀ ਬੀ ਦਾ ਇਹ ਅੰਦਾਜ਼ ਫੈਨਜ਼ ਦਾ ਦਿਲ ਜਿੱਤ ਰਿਹਾ ਹੈ। ਇਹੀ ਨਹੀਂ ਦੇਬੀ ਦੀ ਇਸ ਵੀਡੀਓ ‘ਤੇ ਜੈਜ਼ੀ ਬੀ ਨੇ ਬਹੁਤ ਹੀ ਪਿਆਰਾ ਕਮੈਂਟ ਵੀ ਕੀਤਾ।
View this post on Instagram
ਦੇਬੀ ਨੇ ਇਹ ਵੀਡੀਓ ਸ਼ੇਅਰ ਕਰਦਿਆਂ ਕੈਪਸ਼ਨ ‘ਚ ਲਿਖਿਆ, ‘ਲਵ ਯੂ ਬਾਈ ਜੈਜ਼ੀ ਬੀ’। ਉੱਧਰ, ਜੈਜ਼ੀ ਬੀ ਵੀ ਇਸ ਵੀਡੀਓ ‘ਤੇ ਕਮੈਂਟ ਕਰਨ ਤੋਂ ਖੁਦ ਨੂੰ ਰੋਕ ਨਹੀਂ ਸਕੇ। ਉਨ੍ਹਾਂ ਨੇ ਦੇਬੀ ਦੇ ਵੀਡੀਓ ‘ਤੇ ਕਮੈਂਟ ਕੀਤਾ, ‘ਲਵ ਯੂ ਭਾਜੀ।’
ਦੇਬੀ ਤੇ ਜੈਜ਼ੀ ਦੇ ਫੈਨਜ਼ ਨੂੰ ਇਹ ਵੀਡੀਓ ਖੂਬ ਪਸੰਦ ਆ ਰਿਹਾ ਹੈ। ਉਹ ਇਨ੍ਹਾਂ ਦੋਵਾਂ ‘ਤੇ ਖੂਬ ਪਿਆਰ ਲੁਟਾ ਰਹੇ ਹਨ। ਪੜ੍ਹੋ ਇਹ ਕਮੈਂਟਸ:
ਕਾਬਿਲੇਗ਼ੌਰ ਹੈ ਕਿ ਜੈਜ਼ੀ ਬੀ ਇੰਨੀਂ ਦਿਨੀਂ ਕਾਫੀ ਚਰਚਾ ਵਿੱਚ ਹਨ। ਜੈਜ਼ੀ ਬੀ ਦਾ ਟਵਿੱਟਰ ਅਕਾਊਂਟ ਭਾਰਤ ‘ਚ ਬੈਨ ਕਰ ਦਿੱਤਾ ਗਿਆ ਹੈ। ਇਸ ਦੇ ਨਾਲ ਨਾਲ ਉਨ੍ਹਾਂ ਵੱਲੋਂ ਜਲਦ ਭਾਰਤ ਆਉਣ ਦਾ ਐਲਾਨ ਵੀ ਕੀਤਾ ਗਿਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
