DDLJ Remake: ਕੀ 'ਦਿਲਵਾਲੇ ਦੁਲਹਨੀਆ ਲੇ ਜਾਏਂਗੇ' ਦਾ ਰੀਮੇਕ ਬਣਨਾ ਚਾਹੀਦਾ ਹੈ? ਦੇਖੋ ਕੀ ਬੋਲੀ ਕਾਜੋਲ
Kajol On DDLJ Remake: ਬਾਲੀਵੁੱਡ ਅਦਾਕਾਰਾ ਕਾਜੋਲ ਆਪਣੀ ਮਸ਼ਹੂਰ ਫਿਲਮ 'ਦਿਲਵਾਲੇ ਦੁਲਹਨੀਆ ਲੇ ਜਾਏਂਗੇ' ਦਾ ਰੀਮੇਕ ਨਹੀਂ ਚਾਹੁੰਦੀ ਹੈ। ਅਭਿਨੇਤਰੀ ਦਾ ਕਹਿਣਾ ਹੈ ਕਿ ਮੈਜਿਕ ਸਿਰਫ ਇੱਕ ਵਾਰ ਕ੍ਰੀਏਟ ਕੀਤਾ ਜਾ ਸਕਦਾ ਹੈ, ਬਾਰ-ਬਾਰ ਨਹੀਂ।
Kajol On DDLJ Remake: ਕਾਜੋਲ ਬਾਲੀਵੁੱਡ ਦੀ ਸਭ ਤੋਂ ਪ੍ਰਤਿਭਾਸ਼ਾਲੀ ਅਭਿਨੇਤਰੀਆਂ 'ਚੋੰ ਇਕ ਹੈ। ਆਪਣੇ ਕਰੀਅਰ ਵਿੱਚ ਕਾਜੋਲ ਨੇ ਹਿੰਦੀ ਸਿਨੇਮਾ ਨੂੰ ਕਈ ਵੱਡੀਆਂ ਬਲਾਕਬਸਟਰ ਫਿਲਮਾਂ ਦਿੱਤੀਆਂ ਹਨ। ਇਨ੍ਹਾਂ 'ਚ ਆਈਕੋਨਿਕ ਫਿਲਮ 'ਦਿਲਵਾਲੇ ਦੁਲਹਨੀਆ ਲੇ ਜਾਏਂਗੇ' ਵੀ ਸ਼ਾਮਲ ਹੈ। ਰਿਲੀਜ਼ ਦੇ 27 ਸਾਲ ਬਾਅਦ ਵੀ ਇਹ ਫਿਲਮ ਕਈ ਵਾਰ ਰੀ-ਰਿਲੀਜ਼ ਕੀਤਾ ਗਿਆ ਹੈ। ਅੱਜ ਵੀ ਇਸ ਨੂੰ ਲੈ ਕੇ ਫਿਲਮ ਦੇਖਣ ਵਾਲਿਆਂ 'ਚ ਕਾਫੀ ਕ੍ਰੇਜ਼ ਹੈ। ਇਸ ਦੇ ਨਾਲ ਹੀ, ਰੀਮੇਕ ਦੇ ਦੌਰ ਵਿੱਚ, ਕਾਜੋਲ ਨੂੰ ਲੱਗਦਾ ਹੈ ਕਿ ਡੀਡੀਐਲਜੇ ਦਾ ਰੀਮੇਕ ਬਣਾਉਣਾ ਇੱਕ ਚੰਗਾ ਵਿਚਾਰ ਨਹੀਂ ਹੋਵੇਗਾ।
ਦਰਅਸਲ, 'ਦਿਲਵਾਲੇ ਦੁਲਹਨੀਆ ਲੇ ਜਾਏਂਗੇ' ਦੀ ਅਥਾਹ ਪ੍ਰਸਿੱਧੀ ਨੇ ਕੁਝ ਲੋਕਾਂ ਨੂੰ ਇਸ ਦੇ ਰੀਮੇਕ ਲਈ ਪ੍ਰੇਰਿਤ ਕੀਤਾ ਹੈ। ਪਿਛਲੇ ਸਾਲ, ਇੱਕ ਦੱਖਣ ਅਧਾਰਤ ਪੋਰਟਲ ਨੇ ਦਾਅਵਾ ਕੀਤਾ ਸੀ ਕਿ ਅਭਿਨੇਤਾ ਵਿਜੇ ਦੇਵਰਕੋਂਡਾ ਨਿਰਮਾਤਾ ਆਦਿਤਿਆ ਚੋਪੜਾ ਦੇ ਨਾਲ ਡੀਡੀਐਲਜੇ ਫਿਲਮ ਦੇ ਰੀਮੇਕ ਵਿੱਚ ਨਜ਼ਰ ਆਉਣਗੇ। ਪਰ ਯਸ਼ਰਾਜ ਫਿਲਮਜ਼ ਨੇ ਇਸ ਨੂੰ ਰੱਦ ਕਰ ਦਿੱਤਾ।
ਕਾਜੋਲ ਨਹੀਂ ਚਾਹੁੰਦੀ 'DDLJ' ਦਾ ਰੀਮੇਕ
ਰਿਪੋਰਟ ਮੁਤਾਬਕ ਜਦੋਂ ਕਾਜੋਲ ਤੋਂ ਡੀਡੀਐਲਜੇ ਦੇ ਰੀਮੇਕ ਨੂੰ ਲੈ ਕੇ ਵਿਚਾਰਾਂ ਬਾਰੇ ਪੁੱਛਿਆ ਗਿਆ ਤਾਂ ਅਦਾਕਾਰਾ ਨੇ ਕਿਹਾ, ''ਮੇਰੀ ਨਿੱਜੀ ਰਾਏ ਹੈ ਕਿ ਮੈਨੂੰ ਨਹੀਂ ਲੱਗਦਾ ਕਿ 'ਦਿਲਵਾਲੇ ਦੁਲਹਨੀਆ ਲੇ ਜਾਏਂਗੇ' ਵਰਗੀਆਂ ਫਿਲਮਾਂ ਦਾ ਰੀਮੇਕ ਬਣਨਾ ਚਾਹੀਦਾ ਹੈ। ਇਸ ਦੇ ਨਾਲ ਹੀ ਕਾਜੋਲ ਨੇ ਇਹ ਵੀ ਕਿਹਾ ਕਿ 'ਮੈਨੂੰ ਲੱਗਦਾ ਹੈ ਕਿ ਮੈਜਿਕ ਸਿਰਫ ਇੱਕ ਕ੍ਰੀਏਟ ਕੀਤਾ ਜਾ ਸਕਦਾ ਹੈ। ਜੇ ਇਹ ਫਿਲਮ ਦੁਬਾਰਾ ਬਣਦੀ ਹੈ ਤਾਂ ਇਹ ਸਹੀ ਨਹੀਂ ਰਹੇਗਾ।'
ਰੀਮੇਕ ਦੀ ਤੁਲਨਾ ਅਸਲੀ ਨਾਲ ਕੀਤੀ ਜਾਵੇਗੀ: ਕਾਜੋਲ
ਅਭਿਨੇਤਰੀ ਨੇ ਇਹ ਵੀ ਕਿਹਾ ਕਿ ਰੀਮੇਕ ਦੀ ਤੁਲਨਾ ਅਸਲੀ ਨਾਲ ਕੀਤੀ ਜਾਵੇਗੀ ਅਤੇ ਇਹ ਦਰਸ਼ਕਾਂ ਨੂੰ ਨਿਰਾਸ਼ ਕਰੇਗੀ। ਕਾਜੋਲ ਨੇ ਕਿਹਾ, "ਭਾਵੇਂ ਇਸ ਨੂੰ ਕਿੰਨਾ ਵੀ ਵਧੀਆ ਢੰਗ ਨਾਲ ਪੇਸ਼ ਕੀਤਾ ਗਿਆ ਹੋਵੇ ਅਤੇ ਕੀਤਾ ਜਾਵੇ, ਤੁਸੀਂ ਹਮੇਸ਼ਾ ਨਿਰਾਸ਼ ਹੋਵੋਗੇ। ਡੀਡੀਐਲਜੇ ਨੂੰ ਜਦੋਂ ਵੀ ਦੇਖਦੇ ਹਾਂ, ਇੱਕ ਜਾਦੂ ਦਾ ਅਹਿਸਾਸ ਹੁੰਦਾ ਹੈ। ਜਦੋਂ ਤੁਸੀਂ ਉਨ੍ਹਾਂ ਨੂੰ ਪਹਿਲੀ ਵਾਰ ਦੇਖਦੇ ਹੋ, ਤਾਂ ਤੁਸੀਂ ਕੁਝ ਮਹਿਸੂਸ ਕਰਦੇ ਹੋ ਅਤੇ ਕੁਝ ਵੀ ਉਸ ਭਾਵਨਾ ਦੀ ਨਕਲ ਨਹੀਂ ਕਰਦਾ।"
ਕਾਜੋਲ ਵਰਕ ਫਰੰਟ
ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਕਾਜੋਲ ਨੂੰ ਆਖਰੀ ਵਾਰ ਰੇਵਤੀ ਦੁਆਰਾ ਨਿਰਦੇਸ਼ਿਤ 'ਸਲਾਮ ਵੈਂਕੀ' ਵਿੱਚ ਦੇਖਿਆ ਗਿਆ ਸੀ। ਅਦਾਕਾਰਾ ਜਲਦ ਹੀ 'ਦਿ ਗੁੱਡ ਵਾਈਫ' ਅਤੇ 'ਲਸਟ ਸਟੋਰੀਜ਼ 2' 'ਚ ਨਜ਼ਰ ਆਵੇਗੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
