ਕੰਗਨਾ ਰਣੌਤ ਨੇ ਮੁੜ ਪਾਇਆ ਪੁਆੜਾ, ਹੁਣ ਇਨ੍ਹਾਂ ਹਸਤੀਆਂ ਨੂੰ ਕਹਿ ਬੈਠੀ 'ਅੱਤਵਾਦੀ'

ਕੰਗਨਾ ਰਣੌਤ ਨੇ ਮੁੜ ਪੁਆੜਾ ਛੇੜ ਲਿਆ ਲਹੈ। ਇਸ ਵਾਰ ਵਿਵਾਦਾਂ ਦੀ ਰਾਣੀ ਨੇ ਅਦਾਕਾਰਾ ਦੀਪਿਕਾ ਪਾਦੁਕੋਣ, ਸਵਰਾ ਭਾਸਕਰ, ਤਾਪਸੀ ਪਨੂੰ ਤੇ ਅਨੁਰਾਗ ਕਸ਼ਯਪ ਸਣੇ ਉਨ੍ਹਾਂ ਸਿਤਾਰਿਆਂ 'ਤੇ ਗੁੱਸਾ ਕੱਢਿਆ ਹੈ, ਜਿਨ੍ਹਾਂ ਨੇ ਜੇਐਨਯੂ 'ਚ ਹੋਏ ਪ੍ਰਦਰਸ਼ਨ ਦੀ ਹਮਾਇਤ ਕੀਤੀ ਸੀ।

ਚੰਡੀਗੜ੍ਹ: ਕੰਗਨਾ ਰਣੌਤ ਨੇ ਮੁੜ ਪੁਆੜਾ ਛੇੜ ਲਿਆ ਲਹੈ। ਇਸ ਵਾਰ ਵਿਵਾਦਾਂ ਦੀ ਰਾਣੀ ਨੇ ਅਦਾਕਾਰਾ ਦੀਪਿਕਾ ਪਾਦੁਕੋਣ, ਸਵਰਾ ਭਾਸਕਰ, ਤਾਪਸੀ ਪਨੂੰ ਤੇ ਅਨੁਰਾਗ ਕਸ਼ਯਪ ਸਣੇ ਉਨ੍ਹਾਂ ਸਿਤਾਰਿਆਂ 'ਤੇ ਗੁੱਸਾ ਕੱਢਿਆ ਹੈ, ਜਿਨ੍ਹਾਂ ਨੇ ਜੇਐਨਯੂ 'ਚ ਹੋਏ ਪ੍ਰਦਰਸ਼ਨ ਦੀ ਹਮਾਇਤ ਕੀਤੀ ਸੀ।

ਦਰਅਸਲ ਦਿੱਲੀ ਦੰਗਾ ਮਾਮਲੇ 'ਚ ਦਿੱਲੀ ਪੁਲਿਸ ਦੀ ਅਪਰਾਧ ਸ਼ਾਖਾ ਨੇ ਜੇਐਨਯੂ ਦੇ ਸਾਬਕਾ ਵਿਦਿਆਰਥੀ ਨੇਤਾ ਉਮਰ ਖਾਲਿਦ ਖ਼ਿਲਾਫ਼ ਚਾਰਜਸ਼ੀਟ ਦਾਇਰ ਕੀਤੀ ਹੈ। ਅਪਰਾਧ ਸ਼ਾਖਾ ਨੇ ਉਮਰ ਖਾਲਿਦ 'ਤੇ ਦੰਗੇ ਭੜਕਾਉਣ, ਦੰਗਿਆਂ ਦੀ ਸਾਜ਼ਿਸ਼ ਰਚਣ, ਦੇਸ਼ ਵਿਰੋਧੀ ਭਾਸ਼ਣ ਦੇਣ ਤੋਂ ਇਲਾਵਾ ਕਈ ਧਾਰਾਵਾਂ 'ਚ ਲਗਪਗ 100 ਸਫਿਆਂ ਦਾ ਦੋਸ਼ ਪੱਤਰ ਦਾਖ਼ਲ ਕੀਤਾ ਹੈ।

ਇਸ ਨੂੰ ਲੈ ਕੇ ਕੰਗਨਾ ਨੇ ਲਿਖਿਆ, 'Bullydawood ਫ਼ਿਲਮ ਇੰਡਸਟਰੀ ਦਾ ਇੱਕ ਹੋਰ ਭਾਂਡਾ ਫੁੱਟ ਗਿਆ। ਜਿਹੜੇ ਲੋਕਾਂ ਨੇ ਜੇਐਨਯੂ ਦੇ ਵਿਦਿਆਰਥੀਆਂ ਤੇ ਸ਼ਾਹੀਨ ਬਾਗ ਧਰਨੇ ਦਾ ਸਮਰਥਨ ਕੀਤਾ ਸੀ, ਜੋ ਆਪਣੇ ਆਪ ਨੂੰ ਅਦਾਕਾਰ ਤੇ ਅਦਾਕਾਰਾ ਕਹਿੰਦੇ ਹਨ, ਉਹ ਵੀ ਅੱਤਵਾਦੀ ਤੋਂ ਘੱਟ ਨਹੀਂ। ਉਨ੍ਹਾਂ ਨੇ ਦੰਗੇ ਭੜਕਾਉਣ 'ਚ ਸਰਗਰਮ ਭੂਮਿਕਾ ਨਿਭਾਈ ਹੈ। ਜਾਗੋ ਭਾਰਤ ਤੇ ਦੇਖੋ।'

ਇੱਕ ਹੋਰ ਟਵੀਟ 'ਚ ਕੰਗਨਾ ਨੇ ਇੱਕ ਯੂਜ਼ਰ ਨੂੰ ਟੈਗ ਕਰਦਿਆਂ ਲਿਖਿਆ, 'ਹੁਣ ਇਹ ਸਾਬਤ ਹੋ ਚੁੱਕਾ ਹੈ ਕਿ ਜੇਐਨਯੂ ਦੇ ਵਿਦਿਆਰਥੀ ਝੂਠ ਫੈਲਾ ਰਹੇ ਸਨ ਤੇ ਸੀਏਏ ਨੂੰ ਲੈ ਕੇ ਗਲਤ ਜਾਣਕਾਰੀ ਦੇ ਰਹੇ ਸਨ। ਉਨ੍ਹਾਂ ਨੇ ਕਬੂਲ ਕਰ ਲਿਆ ਹੈ ਕਿ ਉਹ ਨਫਰਤ, ਝੂਠ ਤੇ ਅੱਤਵਾਦ ਫੈਲਾਉਣ 'ਚ ਹਿੱਸੇਦਾਰ ਸਨ। ਹੁਣ ਇਹ ਫ਼ਿਲਮੀ ਜੋਕਰ ਕਿਉਂ ਮੁਆਫੀ ਮੰਗਣਗੇ? ਦੰਗਿਆਂ 'ਚ ਗਈਆਂ ਲੋਕਾਂ ਦੀਆਂ ਜਾਨਾਂ ਦੀ ਭਰਪਾਈ ਕਿਵੇਂ ਹੋਵੇਗੀ?'

ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ