ਮੀਡੀਆ ਰਿਪੋਰਟਾਂ ਮੁਤਾਬਕ ਕਪਿਲ ਨੂੰ ਹਾਲੀਵੁੱਡ ਦੀ ਇੱਕ ਵੈਬ ਸੀਰੀਜ਼ ‘ਚ ਕੰਮ ਕਰਨ ਦਾ ਆਫਰ ਮਿਲਿਆ ਹੈ। ਇਸ ਗੱਲ ਦਾ ਖੁਲਾਸਾ ਕਪਿਲ ਦੇ ਦੋਸਤ ਰਾਜੀਵ ਢੀਂਗਰਾ ਨੇ ਕੀਤਾ ਹੈ। ਫਿਲਹਾਲ ਇਸ ਸੀਰੀਜ਼ ਬਾਰੇ ਗੱਲਬਾਤ ਕੀਤੀ ਜਾ ਰਹੀ ਹੈ।
ਇਸ ਸੀਰੀਜ਼ ‘ਚ ਕਪਿਲ ਦੇ ਨਾਲ ਕੋਈ ਹਾਲੀਵੁੱਡ ਐਕਟਰ ਹੀ ਹੋਵੇਗਾ। ਲੜੀ ਵਿੱਚ ਲੋੜੀਂਦੇ ਭਾਰਤੀ ਅਦਾਕਾਰ ਲਈ ਕਪਿਲ ਦੇ ਨਾਂਅ ‘ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ। ਹੁਣ ਦੇਖਣਾ ਇਹ ਹੋਵੇਗਾ ਕਿ ਕਪਿਲ ਸੱਚਮੁੱਚ ਹੀ ਹਾਲੀਵੁੱਡ ਪ੍ਰੋਜੈਕਟ ‘ਚ ਨਜ਼ਰ ਆਉਣਗੇ ਜਾਂ ਨਹੀਂ।
ਹਾਲਾਂਕਿ, ਕਪਿਲ ਇਸ ਵੇਲੇ ਟੀਵੀ ਦੀ ਦੁਨੀਆ ਤੋਂ ਦੂਰ ਹੋ ਕੇ ਆਪਣੀ ਸਿਹਤ ਵੱਲ ਧਿਆਨ ਦੇ ਰਹੇ ਹਨ। ਕਿਉਂਕਿ ਖ਼ਬਰਾਂ ਸਨ ਕਿ ਕਪਿਲ ਸ਼ਰਮਾ ਡਿਪ੍ਰੈਸ਼ਨ ਦਾ ਸ਼ਿਕਾਰ ਹੋ ਗਏ ਹਨ। ਸਮੇਂ-ਸਮੇਂ ‘ਤੇ ਕਪਿਲ ਦੀਆਂ ਤਸਵੀਰਾਂ ਵੀ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੁੰਦੀਆਂ ਰਹਿੰਦੀਆਂ ਹਨ। ਹਾਲ ਹੀ ‘ਚ ਸਾਹਮਣੇ ਆਈਆਂ ਤਸਵੀਰਾਂ ‘ਚ ਕਪਿਲ ਦਾ ਵਜ਼ਨ ਵੀ ਕਾਫੀ ਵਧਿਆ ਹੋਇਆ ਨਜ਼ਰ ਆਇਆ ਹੈ। ਕਪਿਲ ਨੂੰ ਫੈਨਸ ਇੱਕ ਵਾਰ ਫੇਰ ਸਕ੍ਰੀਨ ‘ਤੇ ਦੇਖਣ ਦੀ ਉੜੀਕ ਕਰ ਰਹੇ ਹਨ ਅਤੇ ਲਗਦਾ ਹੈ ਕਿ ਕਪਿਲ ਦੇ ਫੈਨਸ ਦਾ ਸੁਪਨਾ ਜਲਦੀ ਹੀ ਪੂਰਾ ਹੋਣ ਵਾਲਾ ਹੈ।