ਕਪਿਲ ਸ਼ਰਮਾ ਨੂੰ ਆਉਂਦੀ ਸਿੱਧੂ ਦੀ ਯਾਦ, ਅਰਚਨਾ ਪੂਰਨ ਸਿੰਘ ਨੂੰ ਮਾਰਿਆ ਇਹ ਤਾਅਨਾ

ਮੁੰਬਈ: ਦ ਕਪਿਲ ਸ਼ਰਮਾ ਸ਼ੋਅ ਵਿੱਚ ਪਿਛਲੇ ਹਫ਼ਤੇ ਪੰਜਾਬੀ ਗਾਇਕ ਇਕੱਠੇ ਹੋਏ। ਹੰਸ ਰਾਜ ਹੰਸ, ਦਲੇਰ ਮਹਿੰਦੀ ਜਸਬੀਰ ਜੱਸੀ ਤੇ ਮੀਕਾ ਸਿੰਘ ਨੇ ਕਪਿਲ ਦੇ ਸ਼ੋਅ ਵਿੱਚ ਸ਼ਿਰਕਤ ਕੀਤੀ। ਇਸ ਦੌਰਾਨ ਸ਼ੋਅ ਦਾ ਹਿੱਸਾ ਰਹਿ ਚੁੱਕੇ ਨਵਜੋਤ ਸਿੰਘ ਸਿੱਧੂ ਦੀ ਥਾਂ ਅਰਚਨਾ ਪੂਰਨ ਸਿੰਘ ਵਿਖਾਈ ਦਿੱਤੀ। ਸ਼ੋਅ ਵਿੱਚ ਕਪਿਲ ਨੇ ਰਾਜੇਸ਼ ਅਰੋੜਾ ਦਾ ਕਿਰਦਾਰ ਤੇ ਭੇਸ ਵਟਾਇਆ ਹੋਇਆ ਸੀ ਤੇ ਉਹ ਆਪਣੇ ਚੁਟਕਲਿਆਂ ਨਾਲ ਸਭਨਾਂ ਨੂੰ ਲੋਟ ਪੋਟ ਕਰ ਰਹੇ ਸਨ। ਜਦ ਹੀ ਰਾਜੇਸ਼ ਅਰੋੜਾ ਬਣੇ ਕਪਿਲ ਨੇ ਸ਼ੋਅ ਵਿੱਚ ਐਂਟਰੀ ਮਾਰੀ ਤਾਂ ਉਨ੍ਹਾਂ ਅਰਚਨਾ ਪੂਰਨ ਸਿੰਘ ਨੂੰ ਮਰਦ ਕਹਿ ਦਿੱਤਾ।

View this post on Instagram

 

India ke sabse bade singers aur poore India ko TV dikhaane waale, aayein pehli baar ek manch pe! Toh TV Distribution ke diggajon ke saath maza uthaayiye #TheKapilSharmaShow ka! Aaj raat 9:30 baje. @kapilsharma @kikusharda @chandanprabhakar @krushna30 @bharti.laughterqueen @sumonachakravarti @rochellerao @edwardsonnenblick @banijayasia @mikasingh @dalersmehndi

A post shared by Sony Entertainment Television (@sonytvofficial) on Mar 2, 2019 at 8:51pm PST

ਇੰਨਾ ਹੀ ਨਹੀਂ ਆਪਣੀ ਗ਼ਲਤੀ ਸੁਧਾਰਦਿਆਂ ਕਪਿਲ ਸ਼ਰਮਾ ਨੇ ਇਹ ਵੀ ਕਿਹਾ ਕਿ ਇਹ ਔਰਤ ਸਾਡਾ ਸਿੱਧੂ ਖਾ ਗਈ। ਇਸ ਮਗਰੋਂ ਫਿਰ ਤੋਂ ਸ਼ੋਅ ਵਿੱਚ ਸਾਰਿਆਂ ਦਾ ਹਾਸਾ ਨਿੱਕਲ ਜਾਂਦਾ ਹੈ। ਜ਼ਿਕਰਯੋਗ ਹੈ ਕਿ ਪਿਛਲੇ ਕਈ ਐਪੀਸੋਡ ਵਿੱਚ ਸਿੱਧੂ ਦੀ ਥਾਂ 'ਤੇ ਅਰਚਨਾ ਪੂਰਨ ਸਿੰਘ ਆ ਰਹੀ ਹੈ। ਹਾਲਾਂਕਿ, ਇਸ ਬਦਲੀ ਪਿੱਛੇ ਪੁਲਵਾਮਾ ਹਮਲੇ ਸਬੰਧੀ ਸਿੱਧੂ ਦੀ ਬਿਆਨਬਾਜ਼ੀ ਨੂੰ ਕਾਰਨ ਕਿਹਾ ਜਾਂਦਾ ਹੈ, ਪਰ ਉਹ ਪਹਿਲਾਂ ਹੀ ਸ਼ੋਅ ਕਰਨੋਂ ਹੱਟ ਗਏ ਸਨ।