ਕਪਿਲ ਸ਼ਰਮਾ ਦਾ ਸ਼ੋਅ ਛੱਡਣ ਤੋਂ ਬਾਅਦ ਬਿੱਗ ਬੌਸ `ਚ ਨਜ਼ਰ ਆਵੇਗੀ ਸਪਨਾ ਉਰਫ਼ ਕ੍ਰਿਸ਼ਨਾ ਅਭਿਸ਼ੇਕ, ਸਲਮਾਨ ਦੇ ਸ਼ੋਅ ਕਰਨਗੇ ਇਹ ਕੰਮ
The Kapil Sharma Show: ਕ੍ਰਿਸ਼ਨਾ ਅਭਿਸ਼ੇਕ ਨੂੰ ਆਖਰੀ ਵਾਰ ਟੀਵੀ 'ਤੇ ਦਿ ਕਪਿਲ ਸ਼ਰਮਾ ਸ਼ੋਅ ਵਿੱਚ ਦੇਖਿਆ ਗਿਆ ਸੀ। ਹੁਣ ਉਹ ਸਲਮਾਨ ਖਾਨ ਦੇ ਸ਼ੋਅ ਬਿੱਗ ਬੌਸ 16 ਵਿੱਚ ਨਜ਼ਰ ਆਉਣਗੇ
Bigg Boss 16: ਟੀਵੀ ਦਾ ਸਭ ਤੋਂ ਮਸ਼ਹੂਰ ਰਿਐਲਿਟੀ ਸ਼ੋਅ ਬਿੱਗ ਬੌਸ 16 ਅੱਜ ਤੋਂ ਸ਼ੁਰੂ ਹੋਣ ਜਾ ਰਿਹਾ ਹੈ। ਕਈ ਮੁਕਾਬਲੇਬਾਜ਼ ਸਲਮਾਨ ਖਾਨ ਦੇ ਸ਼ੋਅ ਦਾ ਹਿੱਸਾ ਬਣਨ ਲਈ ਤਿਆਰ ਹਨ। ਹਰ ਸਾਲ ਦਰਸ਼ਕ ਇਸ ਸ਼ੋਅ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰਦੇ ਹਨ। ਸਲਮਾਨ ਖਾਨ ਨੇ ਪ੍ਰੋਮੋਜ਼ ਰਾਹੀਂ ਕਈ ਕਨਫਰਮਡ ਕੰਟੈਸਟੈਂਟ ਬਾਰੇ ਦੱਸਿਆ ਹੈ। ਇਸ ਵਾਰ ਕ੍ਰਿਸ਼ਨਾ ਅਭਿਸ਼ੇਕ ਵੀ ਸਲਮਾਨ ਖਾਨ ਦੇ ਸ਼ੋਅ 'ਚ ਨਜ਼ਰ ਆਉਣ ਵਾਲੇ ਹਨ। ਜੀ ਹਾਂ, ਦ ਕਪਿਲ ਸ਼ਰਮਾ ਸ਼ੋਅ ਛੱਡਣ ਤੋਂ ਬਾਅਦ ਕ੍ਰਿਸ਼ਨਾ ਅਭਿਸ਼ੇਕ ਨੇ ਅਧਿਕਾਰਤ ਤੌਰ 'ਤੇ ਬਿੱਗ ਬੌਸ 16 ਸਾਈਨ ਕਰ ਲਿਆ ਹੈ। ਹਾਲਾਂਕਿ ਉਹ ਸ਼ੋਅ 'ਚ ਪ੍ਰਤੀਯੋਗੀ ਦੇ ਰੂਪ 'ਚ ਨਜ਼ਰ ਨਹੀਂ ਆਉਣਗੇ। ਕ੍ਰਿਸ਼ਨਾ ਦਾ ਕੰਮ ਕੁਝ ਹੋਰ ਹੋਣ ਵਾਲਾ ਹੈ। ਕ੍ਰਿਸ਼ਨਾ ਸ਼ੋਅ 'ਚ ਇਕ ਹਿੱਸੇ ਨੂੰ ਹੋਸਟ ਕਰਦੇ ਨਜ਼ਰ ਆਉਣ ਵਾਲੇ ਹਨ। ਦਿ ਕਪਿਲ ਸ਼ਰਮਾ ਸ਼ੋਅ ਛੱਡਣ ਤੋਂ ਬਾਅਦ ਇਹ ਕ੍ਰਿਸ਼ਨਾ ਦਾ ਪਹਿਲਾ ਟੀਵੀ ਪ੍ਰੋਜੈਕਟ ਹੋਣ ਜਾ ਰਿਹਾ ਹੈ।
ਕ੍ਰਿਸ਼ਨਾ ਜਿਸ ਹਿੱਸੇ ਦੀ ਮੇਜ਼ਬਾਨੀ ਕਰਨ ਜਾ ਰਹੇ ਹਨ, ਉਸ ਦਾ ਨਾਂ 'ਬਿਗ ਬਜ਼' (Bigg Buzz) ਹੋਵੇਗਾ। ਇਸ ਸੈਗਮੈਂਟ ਵਿੱਚ, ਉਹ ਹੋਸਟ ਦੀ ਭੂਮਿਕਾ ਵਿੱਚ ਨਜ਼ਰ ਆਉਣਗੇ, ਜੋ ਬਿੱਗ ਬੌਸ 16 ਤੋਂ ਬਾਹਰ ਕੀਤੇ ਗਏ ਪ੍ਰਤੀਯੋਗੀ ਦੀ ਖਿਚਾਈ ਕਰੇਗਾ। ਐਲੀਮਿਨੇਟ ਯਾਨਿ ਬਾਹਰ ਕੱਢੇ ਗਏ ਪ੍ਰਤੀਯੋਗੀਆਂ ਨਾਲ ਕ੍ਰਿਸ਼ਨਾ ਸਵਾਲ ਜਵਾਬ ਕਰਨਗੇ ਤੇ ਨਾਲ ਨਾਲ ਉਨ੍ਹਾਂ ਦੇ ਨਾਲ ਗੇਮਾਂ ਖੇਡਦੇ ਵੀ ਨਜ਼ਰ ਆਉਣਗੇ। ਕਿਹਾ ਜਾ ਰਿਹਾ ਹੈ ਕਿ ਕ੍ਰਿਸ਼ਨਾ ਦਾ ਭਾਗ ਸ਼ੋਅ ਨੂੰ ਹੋਰ ਮਸਾਲੇਦਾਰ ਬਣਾਵੇਗਾ।
ਕ੍ਰਿਸ਼ਨਾ ਈਵੀਕਟਡ ਯਾਨਿ ਬਾਹਰ ਕੱਢੇ ਗਏ ਕੰਟੈਸਟੈਂਟ ਨੂੰ ਕਰਨਗੇ ਪਰੇਸ਼ਾਨ
ਬਿੱਗ ਬੌਸ ਦਾ ਹਿੱਸਾ ਬਣਨ 'ਤੇ ਕ੍ਰਿਸ਼ਨਾ ਅਭਿਸ਼ੇਕ ਨੇ ਕਿਹਾ- ਮੈਂ ਬਹੁਤ ਰੋਮਾਂਚਿਤ ਹਾਂ ਕਿ ਮੈਂ 'ਬਿੱਗ ਬਜ਼' ਦੀ ਮੇਜ਼ਬਾਨੀ ਕਰ ਰਿਹਾ ਹਾਂ, ਜਿੱਥੇ ਮੈਂ ਬਾਹਰ ਕੱਢੇ ਗਏ ਪ੍ਰਤੀਯੋਗੀਆਂ ਦੀ ਕਲਾਸ ਲਗਾਵਾਂਗਾ ਅਤੇ ਦਰਸ਼ਕਾਂ ਨੂੰ ਅੰਦਰ ਦੀਆਂ ਖਬਰਾਂ ਦੱਸਾਂਗਾ। ਘਰ ਦੇ ਅੰਦਰ, ਬਿੱਗ ਬੌਸ ਆਪਣੀ ਲਾਉਣਗੇ ਤੇ ਘਰ ਦੇ ਬਾਹਰ ਮੈਂ। ਸ਼ੋਅ ਦੇ ਨਵੇਂ ਫਾਰਮੈਟ ਨਾਲ ਮੈਂ ਇਸ ਨੂੰ ਵੱਖਰੇ ਪੱਧਰ 'ਤੇ ਲੈ ਜਾਵਾਂਗਾ।
ਬਿੱਗ ਬੌਸ 16 ਦੀ ਗੱਲ ਕਰੀਏ ਤਾਂ ਇਹ ਸੀਜ਼ਨ ਸਰਕਸ ਥੀਮ 'ਤੇ ਹੋਣ ਜਾ ਰਿਹਾ ਹੈ। ਖਬਰਾਂ ਮੁਤਾਬਕ ਬਿੱਗ ਬੌਸ ਖੁਦ ਇਸ ਸ਼ੋਅ ਦਾ ਹਿੱਸਾ ਬਣਨ ਜਾ ਰਹੇ ਹਨ। ਇਸ ਗੱਲ ਦਾ ਖੁਲਾਸਾ ਖੁਦ ਸਲਮਾਨ ਨੇ ਸ਼ੋਅ ਦੇ ਪ੍ਰੋਮੋ 'ਚ ਕੀਤਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
