Major Box Office collection: ਦਰਸ਼ਕਾਂ ਨੂੰ ਪਸੰਦ ਆ ਰਹੀ ਮੇਜਰ, ਫਿਲਮ ਨੇ ਪਹਿਲੇ ਦਿਨ ਕਮਾਏ ਏਨੇ ਕਰੋੜ ਰੁਪਏ
ਫੌਜ ਦੀ ਬਹਾਦਰੀ 'ਤੇ ਬਣੀ ਇਸ ਫਿਲਮ ਨੂੰ ਲੈ ਕੇ ਲੋਕਾਂ 'ਚ ਪਹਿਲਾਂ ਹੀ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਸੀ ਅਤੇ ਹੁਣ ਫਿਲਮ ਦੇ ਰਿਲੀਜ਼ ਹੋਣ ਤੋਂ ਬਾਅਦ ਹੋਰ ਵੀ ਪਿਆਰ ਮਿਲ ਰਿਹਾ ਹੈ।
Major Box Office collection: ਦੱਖਣ ਦੇ ਸੁਪਰਸਟਾਰ ਅਦੀਵੀ ਸੇਸ਼ ਦੀ ਫਿਲਮ ਮੇਜਰ ਸ਼ੁੱਕਰਵਾਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋ ਗਈ ਹੈ। ਇਸ ਫਿਲਮ ਦੀ ਕਹਾਣੀ ਮੁੰਬਈ ਹਮਲੇ 'ਚ ਸ਼ਹੀਦ ਹੋਏ ਮੇਜਰ ਸੰਦੀਪ ਉਨੀਕ੍ਰਿਸ਼ਨਨ 'ਤੇ ਆਧਾਰਿਤ ਹੈ। ਅਦਿਵੀ ਸੇਸ਼ ਦੀ ਮੇਜਰ ਨੂੰ ਬਾਕਸ ਆਫਿਸ 'ਤੇ ਚੰਗਾ ਹੁੰਗਾਰਾ ਮਿਲ ਰਿਹਾ ਹੈ।
ਫੌਜ ਦੀ ਬਹਾਦਰੀ 'ਤੇ ਬਣੀ ਇਸ ਫਿਲਮ ਨੂੰ ਲੈ ਕੇ ਲੋਕਾਂ 'ਚ ਪਹਿਲਾਂ ਹੀ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਸੀ ਅਤੇ ਹੁਣ ਫਿਲਮ ਦੇ ਰਿਲੀਜ਼ ਹੋਣ ਤੋਂ ਬਾਅਦ ਹੋਰ ਵੀ ਪਿਆਰ ਮਿਲ ਰਿਹਾ ਹੈ। ਜੇਕਰ ਸ਼ੁਰੂਆਤੀ ਅੰਕੜਿਆਂ 'ਤੇ ਨਜ਼ਰ ਮਾਰੀਏ ਤਾਂ ਮੇਜਰ ਨੇ ਹਿੰਦੀ ਬੈਲਟ 'ਚ ਹੁਣ ਤੱਕ 13.4 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਜਦਕਿ ਤਰਨ ਆਦਰਸ਼ ਮੁਤਾਬਕ ਫਿਲਮ ਨੇ ਅਮਰੀਕਾ 'ਚ ਕਰੀਬ 2.10 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ।
ਫਿਲਮ ਦਾ ਨਿਰਦੇਸ਼ਨ ਸ਼ਸ਼ੀ ਕਿਰਨ ਟਿੱਕਾ ਕਰ ਰਹੇ ਹਨ। ਇਹ ਫਿਲਮ ਮੇਜਰ ਮੁੰਬਈ ਹਮਲੇ 'ਚ ਸ਼ਹੀਦ ਹੋਏ ਭਾਰਤੀ ਫੌਜ ਅਧਿਕਾਰੀ ਸੰਦੀਪ ਉਨੀਕ੍ਰਿਸ਼ਨਨ ਦੀ ਬਾਇਓਪਿਕ 'ਤੇ ਆਧਾਰਿਤ ਹੈ। ਫਿਲਮ ਦੀ ਕਹਾਣੀ ਮੇਜਰ ਸੰਦੀਪ ਦੀ ਅਥਾਹ ਹਿੰਮਤ ਅਤੇ ਬਹਾਦਰੀ 'ਤੇ ਆਧਾਰਿਤ ਹੈ। ਫਿਲਮ 'ਚ ਮੇਜਰ ਦੇ ਬਚਪਨ ਦੇ ਪਿਆਰ ਦੀ ਦੇਸ਼ ਲਈ ਯੋਗਦਾਨ ਦੀ ਪੂਰੀ ਕਹਾਣੀ ਦਿਖਾਈ ਗਈ ਹੈ।ਇਸ ਦੇ ਨਾਲ ਹੀ ਫਿਲਮ 'ਚ 26/11 ਦੇ ਅੱਤਵਾਦੀ ਹਮਲੇ ਦੀ ਕਹਾਣੀ ਨੂੰ ਵੀ ਵਧੀਆ ਤਰੀਕੇ ਨਾਲ ਦਰਸਾਇਆ ਗਿਆ ਹੈ।
ਮੇਜਰ ਵਿੱਚ ਅਦੀਵੀ ਦੇ ਨਾਲ ਸ਼ੋਭਿਤਾ ਧੂਲੀਪਾਲ ਅਤੇ ਸਾਈ ਮਾਂਜਰੇਕਰ ਨੇ ਮੁੱਖ ਕਿਰਦਾਰ ਨਿਭਾਏ ਹਨ। ਇਸ ਦੇ ਨਾਲ ਹੀ ਮੇਜਰ ਦੇ ਪਿਤਾ ਦਾ ਕਿਰਦਾਰ ਪ੍ਰਕਾਸ਼ ਰਾਜ ਨੇ ਨਿਭਾਇਆ ਹੈ। ਫਿਲਮ ਦਾ ਨਿਰਮਾਣ GMB ਐਂਟਰਟੇਨਮੈਂਟ ਅਤੇ ਪਲੱਸ ਯੈੱਸ ਮੂਵੀਜ਼ ਦੁਆਰਾ ਸੋਨੀ ਪਿਕਚਰ ਫਿਲਮਜ਼ ਇੰਡੀਆ ਦੇ ਸਹਿਯੋਗ ਨਾਲ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ ਇਸ ਫਿਲਮ ਨੂੰ ਸਾਊਥ ਦੇ ਸੁਪਰਸਟਾਰ ਮਹੇਸ਼ ਬਾਬੂ ਨੇ ਪ੍ਰੋਡਿਊਸ ਕੀਤਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
