62 ਐਵਾਰਡ ਜੇਤੂ ਕ੍ਰਾਈਮ ਥ੍ਰਿਲਰ ਫ਼ਿਲਮ 'ਸਕਾਟਲੈਂਡ' Oscars 'ਚ, ਹਾਲੀਵੁੱਡ ਫ਼ਿਲਮਾਂ ਨੂੰ ਦੇਵੇਗੀ ਟੱਕਰ

ਫ਼ਿਲਮ ਇੰਡਸਟਰੀ ਦੇ ਸਭ ਤੋਂ ਮਸ਼ਹੂਰ ਐਵਾਰਡਸ ਦੀ ਲਿਸਟ ਆ ਗਈ ਹੈ। ਜਿੱਥੇ ਬਾਲੀਵੁੱਡ ਫ਼ਿਲਮ 'ਗਲੀ ਬੁਆਏ' ਆਸਕਰ ਦੀ ਦੌੜ ਤੋਂ ਬਾਹਰ ਹੋ ਗਈ ਹੈ, ਉੱਥੇ ਹੀ ਫ਼ਿਲਮ ਨਿਰਮਾਤਾ ਮਨੀਸ਼ ਵਤਸਲੇ ਦੀ ਫ਼ਿਲਮ 'ਸਕਾਟਲੈਂਡ' ਇਸ ਵਾਰ ਬੈਸਟ ਫੀਚਰ ਫ਼ਿਲਮ ਦੀ ਕੈਟਾਗਿਰੀ 'ਚ ਸ਼ਾਮਲ ਹੋਈ ਹੈ।

ਮੁੰਬਈ: ਫ਼ਿਲਮ ਇੰਡਸਟਰੀ ਦੇ ਸਭ ਤੋਂ ਮਸ਼ਹੂਰ ਐਵਾਰਡਸ ਦੀ ਲਿਸਟ ਆ ਗਈ ਹੈ। ਜਿੱਥੇ ਬਾਲੀਵੁੱਡ ਫ਼ਿਲਮ 'ਗਲੀ ਬੁਆਏ' ਆਸਕਰ ਦੀ ਦੌੜ ਤੋਂ ਬਾਹਰ ਹੋ ਗਈ ਹੈ, ਉੱਥੇ ਹੀ ਫ਼ਿਲਮ ਨਿਰਮਾਤਾ ਮਨੀਸ਼ ਵਤਸਲੇ ਦੀ ਫ਼ਿਲਮ 'ਸਕਾਟਲੈਂਡ' ਇਸ ਵਾਰ ਬੈਸਟ ਫੀਚਰ ਫ਼ਿਲਮ ਦੀ ਕੈਟਾਗਿਰੀ 'ਚ ਸ਼ਾਮਲ ਹੋਈ ਹੈ। ਆਸਕਰ ਤੋਂ ਪਹਿਲਾਂ ਇਸ ਫ਼ਿਲਮ ਨੂੰ 62 ਐਵਾਰਡਸ ਮਿਲ ਚੁੱਕੇ ਹਨ। ਫ਼ਿਲਮ ਤੋਂ ਹਰ ਕਿਸੇ ਨੂੰ ਬਹੁਤ ਉਮੀਦਾਂ ਹਨ। ਅਜਿਹੀ ਸਥਿਤੀ 'ਚ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ 62 ਪੁਰਸਕਾਰ ਜਿੱਤ ਚੁੱਕੀ ਇਹ ਫ਼ਿਲਮ ਆਸਕਰ ਜਿੱਤ ਸਕਦੀ ਹੈ ਜਾਂ ਨਹੀਂ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਫ਼ਿਲਮ ਕ੍ਰਾਈਮ ਥ੍ਰਿਲਰ ਹੈ। ਫ਼ਿਲਮ ਦੀ ਕਹਾਣੀ ਦੀ ਗੱਲ ਕਰੀਏ ਤਾਂ ਇਸ ਦੀ ਕਹਾਣੀ ਲੜਕੀਆਂ ਦੇ ਬਲਾਤਕਾਰ ਤੇ ਕਤਲ 'ਤੇ ਅਧਾਰਤ ਹੈ। ਫ਼ਿਲਮ ਸੱਚੀਆਂ ਘਟਨਾਵਾਂ ਤੋਂ ਪ੍ਰੇਰਿਤ ਹੈ। ਫ਼ਿਲਮ 'ਚ ਦੱਸਿਆ ਗਿਆ ਹੈ ਕਿ ਕਿਵੇਂ ਬਲਾਤਕਾਰ ਪੀੜਤ ਲੜਕੀ ਦਾ ਪਿਤਾ ਆਪਣੀ ਧੀ ਨੂੰ ਇਨਸਾਫ ਦਿਵਾਉਣ ਲਈ ਕਾਨੂੰਨ ਨੂੰ ਆਪਣੇ ਹੱਥਾਂ 'ਚ ਲੈਂਦਾ ਹੈ। ਫ਼ਿਲਮ 'ਚ ਐਡਮ ਸੈਣੀ, ਖੁਸ਼ਬੂ ਪੁਰੋਹਿਤ, ਮਨੀਸ਼ ਵਤਸਾਲਯ, ਚੇਤਨ ਪੰਡਿਤ ਤੇ ਦਯਾ ਸ਼ੰਕਰ ਪਾਂਡੇ ਮੁੱਖ ਭੂਮਿਕਾਵਾਂ 'ਚ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਐਡਮ ਸੈਣੀ ਇਸ ਫ਼ਿਲਮ ਲਈ ਪਹਿਲਾਂ ਹੀ ਸੱਤ ਬੈਸਟ ਐਕਟਰ ਪੁਰਸਕਾਰ ਜਿੱਤ ਚੁੱਕੇ ਹਨ। ਜਿੱਥੇ ਫ਼ਿਲਮ ਦੀ ਕਹਾਣੀ ਐਡਮ ਨੇ ਲਿਖੀ ਹੈ, ਸਕ੍ਰੀਨ ਪਲੇਅ ਤੇ ਸੰਵਾਦ ਪਿਯੂਸ਼ ਪ੍ਰਿਅੰਕ ਨੇ ਲਿਖੇ ਹਨ।