ਮੋਦੀ ਦੀ ਬਾਈਓਪਿਕ ਬਣਾਉਣ ਵਾਲਿਆਂ ਦਾ 'ਝੂਠ' ਬੇਪਰਦ

ਮੁੰਬਈ: ਪੀਐਮ ਮੋਦੀ ਦੀ ਬਾਈਓਪਿਕ ਨੂੰ ਲੈ ਕੇ ਸ਼ੁਰੂ ਹੋਏ ਵਿਵਾਦ ‘ਚ ਹੁਣ ਮੇਕਰਸ ਦਾ ਬਿਆਨ ਸਾਹਮਣੇ ਆਇਆ ਹੈ। ਫ਼ਿਲਮ ‘ਚ ਕ੍ਰੈਡਿਟਸ ‘ਚ ਲੇਖਕ-ਗੀਤਕਾਰ ਜਾਵੇਦ ਅਖ਼ਤਰ ਅਤੇ ਸਮੀਰ ਦਾ ਨਾਂਅ ਸ਼ਾਮਲ ਕਰ ਦਿੱਤਾ ਗਿਆ ਸੀ। ਅਖ਼ਤਰ ਵੱਲੋਂ ਇਤਰਾਜ਼ ਜ਼ਾਹਰ ਕੀਤੇ ਜਾਣ ਮਗਰੋਂ ਫ਼ਿਲਮੇਕਰਸ ਨੇ ਆਪਣਾ ਪੱਖ ਰੱਖਿਆ ਹੈ।

Am shocked to find my name on the poster of this film. Have not written any songs for it ! pic.twitter.com/tIeg2vMpVG

— Javed Akhtar (@Javedakhtarjadu) March 22, 2019

ਫ਼ਿਲਮ ਪ੍ਰਡਿਊਸਰ ਸੰਦੀਪ ਸਿੰਘ ਨੇ ਟਵੀਟ ਕਰਦੇ ਹੋਏ ਕਿਹਾ ਕਿ ਉਨ੍ਹਾਂ ਨੇ ਜਾਵੇਦ ਅਖ਼ਤਰ ਦੇ ਲਿਖੇ ਹੋਏ ਕੁਝ ਪੁਰਾਣੇ ਗੀਤਾਂ ਨੂੰ ਇਸ ਫ਼ਿਲਮ ‘ਚ ਇਸਤੇਮਾਲ ਕੀਤਾ ਹੈ ਜਿਸ ਕਰਕੇ ਉਨ੍ਹਾਂ ਨੇ ਕ੍ਰੈਡਿਟਸ ‘ਚ ਜਾਵੇਦ ਅਖ਼ਤਰ ਦਾ ਨਾਂਅ ਪਾਇਆ ਹੈ।

We have taken the songs  'Ishwar Allah' from the film '1947:Earth' and the song 'Suno Gaur Se Duniya Walon' from the film 'Dus' in our film, thus we have given the due credits to respective lyricists Javed Sahab and Sameer Ji. @TSeries is our Music partner. @ModiTheFilm2019

— Sandip Ssingh (@sandip_Ssingh) March 23, 2019

ਜਾਵੇਦ ਨੇ ਸ਼ੁੱਕਰਵਾਰ ਨੂੰ ਕਿਹਾ ਸੀ ਕਿ ਉਨ੍ਹਾਂ ਨੇ ਵਿਵੇਕ ਓਬਰਾਏ ਦੀ ਫ਼ਿਲਮ ‘ਪੀਐਮ ਨਰੇਂਦਰ ਮੋਦੀ’ ਲਈ ਕੋਈ ਗੀਤ ਨਹੀਂ ਲਿਖੀਆ। ਉਨ੍ਹਾਂ ਕਿਹਾ ਕਿ ਉਹ ਫ਼ਿਲਮ ਦੇ ਟ੍ਰੇਲਰ ‘ਚ ਆਪਣਾ ਨਾਂਅ ਦੇਖ ਹੈਰਾਨ ਹਨ। ਵਿਵੇਕ ਨੇ ਫ਼ਿਲਮ ‘ਚ ਮੋਦੀ ਦਾ ਰੋਲ ਕੀਤਾ ਹੈ। ਇਸ ‘ਚ ਬੋਮਨ ਇਰਾਨੀ, ਦਰਸ਼ਨ ਕੁਮਾਰ, ਵਹੀਦਾ ਰਹਿਮਾਨ, ਮਨੋਜ ਜੋਸ਼ੀ ਅਤ ਬਰਖਾ ਬਿਸ਼ਟ-ਸੇਨਗੁਪਤਾ ਮੁੱਖ ਭੂਮਿਕਾ ‘ਚ ਹਨ। ਫ਼ਿਲਮ 5 ਅਪ੍ਰੈਲ ਨੂੰ ਰਿਲੀਜ਼ ਹੋ ਰਹੀ ਹੈ।