ਚੋਣਾਂ ਦੇ ਮੇਲੇ 'ਚ ਮੋਦੀ ਦੀ ਫਿਲਮ, ਸਿਆਸੀ ਲਾਹੇ ਦੀ ਕੋਸ਼ਿਸ਼?

ਮੁੰਬਈ: ਬਾਲੀਵੁੱਡ ‘ਚ ਇਨ੍ਹੀਂ ਦਿਨੀਂ ਬਾਇਓਪਿਕ ਦਾ ਦੌਰ ਚੱਲ ਰਿਹਾ ਹੈ। ਹਾਲ ਹੀ ‘ਚ ਭਾਰਤ ਦੇ ਸਾਬਕਾ ਪ੍ਰਧਾਨ ਮੰਤਰੀ ਡਾ. ਮਨਮੋਹਨ ਸਿੰਘ ‘ਤੇ ਫ਼ਿਲਮ ਆਈ ਸੀ ਜਿਸ ‘ਚ ਲੀਡ ਰੋਲ ਅਨੁਪਮ ਖੇਰ ਨੇ ਕੀਤਾ ਸੀ। ਹੁਣ ਜਲਦੀ ਹੀ ਨਰੇਂਦਰ ਮੋਦੀ ਦੀ ਬਾਇਓਪਿਕ ਦੇਖਣ ਦਾ ਮੌਕਾ ਮਿਲੇਗਾ। ਇਸ ਫ਼ਿਲਮ ‘ਚ ਲੀਡ ਰੋਲ ਵਿਵੇਕ ਓਬਰਾਏ ਕਰ ਰਹੇ ਹਨ ਜਿਸ ਦਾ ਫਸਟ ਲੁੱਕ ਕੁਝ ਦਿਨ ਪਹਿਲਾਂ ਹੀ ਆਇਆ ਸੀ। ਫ਼ਿਲਮ ਦੀ ਸ਼ੂਟਿੰਗ ਜ਼ੋਰਾਂ ‘ਤੇ ਚੱਲ ਰਹੀ ਹੈ। ਬੀਤੇ ਦਿਨੀਂ ਫ਼ਿਲਮ ਦੀ ਸ਼ੂਟਿੰਗ ਉੱਤਰਾਖੰਡ ‘ਚ ਹੋ ਰਹੀ ਸੀ। ਹੁਣ ਫ਼ਿਲਮ ਦੀ ਰਿਲੀਜ਼ ਡੇਟ ਦਾ ਐਲਾਨ ਹੋ ਗਿਆ ਹੈ। ਜੀ ਹਾਂ, ਫ਼ਿਲਮ 12 ਅਪ੍ਰੈਲ ਯਾਨੀ ਚੋਣਾਂ ਸ਼ੁਰੂ ਹੋਣ ਤੋਂ ਇੱਕ ਦਿਨ ਬਾਅਦ ਰਿਲੀਜ਼ ਹੋ ਰਹੀ ਹੈ। ਇਸ ਦੀ ਜਾਣਕਾਰੀ ਟ੍ਰੇਡ ਐਨਾਲਿਸਟ ਤਰਨ ਆਦਰਸ਼ ਨੇ ਵੀ ਟਵੀਟ ਕਰਕੇ ਦਿੱਤੀ ਹੈ।

Release date finalised... #PMNarendraModi to release on 12 April 2019... Stars Vivek Anand Oberoi in the title role... Directed by Omung Kumar... Produced by Sandip Ssingh, Anand Pandit and Suresh Oberoi.

— taran adarsh (@taran_adarsh) March 15, 2019

ਜੇਕਰ ਦੇਖਿਆ ਜਾਵੇ ਤਾਂ ਫ਼ਿਲਮ ਦਾ ਚੋਣਾਂ ਸਮੇਂ ਰਿਲੀਜ਼ ਕੀਤਾ ਜਾਣਾ ਇੱਕ ਤਰ੍ਹਾਂ ਨਾਲ ਮੋਦੀ ਦਾ ਪ੍ਰਚਾਰ ਹੀ ਹੈ ਜੋ ਚੋਣ ਜ਼ਾਬਤਾ ਦੀ ਇੱਕ ਤਰ੍ਹਾਂ ਨਾਲ ਉਲੰਘਣਾ ਵੀ ਹੈ। ਫ਼ਿਲਮ ਨੂੰ ਐਨ ਚੋਣਾਂ ਸਮੇਂ ਰਿਲੀਜ਼ ਕਰ ਪਾਰਟੀ ਸਿਆਸੀ ਲਾਹਾ ਲੈਣ ਦਾ ਮੌਕਾ ਨਹੀਂ ਛੱਡਣਾ ਚਾਹੁੰਦੀ।