![ABP Premium](https://cdn.abplive.com/imagebank/Premium-ad-Icon.png)
Amrit Maan ਦੀ 'ਬੱਬਰ' ਨਾਲ ਧੂਮ, ਜਲਦ ਆ ਰਹੀ ਐਕਸ਼ਨ-ਡਰਾਮਾ ਫਿਲਮ
ਦਰਅਸਲ ਅੰਮ੍ਰਿਤ ਮਾਨ ਸਟਾਰਰ ਫ਼ਿਲਮ 'ਬੱਬਰ' ਕਈ ਦਿਨਾਂ ਤੋਂ ਚਰਚਾ ਵਿੱਚ ਹੈ। ਪਤਾ ਲੱਗਾ ਹੈ ਕਿ ਅੰਮ੍ਰਿਤ ਮਾਨ ਦੀ ਇਸ ਫ਼ਿਲਮ ਦਾ ਪਹਿਲਾਂ ਨਾਂ 'ਹਾਕਮ' ਰੱਖਣ ਦਾ ਫ਼ੈਸਲਾ ਕੀਤਾ ਗਿਆ ਸੀ।
![Amrit Maan ਦੀ 'ਬੱਬਰ' ਨਾਲ ਧੂਮ, ਜਲਦ ਆ ਰਹੀ ਐਕਸ਼ਨ-ਡਰਾਮਾ ਫਿਲਮ Amrit Maan starrer film 'Babbar' released in theaters on March 11, 2022 Amrit Maan ਦੀ 'ਬੱਬਰ' ਨਾਲ ਧੂਮ, ਜਲਦ ਆ ਰਹੀ ਐਕਸ਼ਨ-ਡਰਾਮਾ ਫਿਲਮ](https://feeds.abplive.com/onecms/images/uploaded-images/2021/11/25/074a09e8e36dac666ec1e7dbf99cfbda_original.jpeg?impolicy=abp_cdn&imwidth=1200&height=675)
ਚੰਡੀਗੜ੍ਹ: ਅੰਮ੍ਰਿਤ ਮਾਨ ਆਪਣੀ ਨਵੀਂ ਫਿਲਮ ਨਾਲ ਧੂਮ ਮਚਾਉਣ ਆ ਰਹੇ ਹਨ। ਫ਼ਿਲਮ ਦਾ ਟਾਈਟਲ 'ਬੱਬਰ' ਹੋਏਗਾ। ਪਹਿਲਾਂ ਚਰਚਾ ਸੀ ਕਿ ਫਿਲਮ ਦਾ ਟਾਈਟਲ 'ਹਾਕਮ' ਹੋਏਗਾ ਪਰ ਹੁਣ ਸਾਫ ਹੋ ਗਿਆ ਹੈ ਕਿ ਅੰਮ੍ਰਿਤ ਮਾਨ ਫਿਲਮ 'ਬੱਬਰ' ਵਿੱਚ ਆਪਣਾ ਜਜ਼ਬਾ ਵਿਖਾਉਣਗੇ। ਅੰਮ੍ਰਿਤ ਮਾਨ ਦੇ ਪ੍ਰਸੰਸਕਾਂ ਨੂੰ ਫਿਲਮ ਦਾ ਨਾਂ 'ਬੱਬਰ' ਕਾਫੀ ਪਸੰਦ ਆਇਆ ਹੈ।
View this post on Instagram
ਦਰਅਸਲ ਅੰਮ੍ਰਿਤ ਮਾਨ ਸਟਾਰਰ ਫ਼ਿਲਮ 'ਬੱਬਰ' ਕਈ ਦਿਨਾਂ ਤੋਂ ਚਰਚਾ ਵਿੱਚ ਹੈ। ਪਹਿਲਾਂ ਸੰਗੀਤ ਨਿਰਦੇਸ਼ਕ ਦੇਸੀ ਕਰਿਊ ਨਾਲ ਕਲਾਕਾਰ ਦੇ ਸਹਿਯੋਗ ਕਾਰਨ ਤੇ ਫਿਰ ਇਸ ਦੇ ਟਾਈਟਲ ਕਰਕੇ। ਪਤਾ ਲੱਗਾ ਹੈ ਕਿ ਅੰਮ੍ਰਿਤ ਮਾਨ ਦੀ ਇਸ ਫ਼ਿਲਮ ਦਾ ਪਹਿਲਾਂ ਨਾਂ 'ਹਾਕਮ' ਰੱਖਣ ਦਾ ਫ਼ੈਸਲਾ ਕੀਤਾ ਗਿਆ ਸੀ ਪਰ ਬਾਅਦ 'ਚ ਨਿਰਮਾਤਾਵਾਂ ਨੇ ਫ਼ਿਲਮ ਦਾ ਨਾਂ ਬਦਲ ਕੇ 'ਬੱਬਰ' ਰੱਖਣ ਦਾ ਫ਼ੈਸਲਾ ਕੀਤਾ।
ਦ ਬੰਬ ਬੀਟਸ ਤੇ ਦੇਸੀ ਕਰਿਊ ਦਾ ਇਹ ਇੱਕਠਿਆਂ ਪਹਿਲਾ ਪ੍ਰੋਡਕਸ਼ਨ ਪ੍ਰਾਜੈਕਟ ਹੈ, ਜੋ 11 ਮਾਰਚ, 2022 ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗਾ। ਅਮਰ ਹੁੰਦਲ ਵੱਲੋਂ ਡਾਇਰੈਕਟ ਤੇ ਲਿਖੀ ਗਈ ਇਸ ਫ਼ਿਲਮ 'ਚ ਅੰਮ੍ਰਿਤ ਮਾਨ ਲੀਡ ਰੋਲ 'ਚ ਨਜ਼ਰ ਆਉਣਗੇ। ਹਾਲ ਹੀ 'ਚ ਰਿਲੀਜ਼ ਹੋਈ 'ਵਾਰਨਿੰਗ' ਵੀ ਇਸ ਸਮੇਂ ਬਾਕਸ ਆਫਿਸ 'ਤੇ ਜਾਦੂ ਚਲਾ ਰਹੀ ਹੈ।
'ਬੱਬਰ' ਇੱਕ ਐਕਸ਼ਨ-ਡਰਾਮਾ ਫ਼ਿਲਮ ਹੋਵੇਗੀ, ਇਸ ਦਾ ਅੰਦਾਜ਼ਾ ਅਦਾਕਾਰ ਵੱਲੋਂ ਸਾਂਝੇ ਕੀਤੇ ਗਏ ਫ਼ਿਲਮ ਦੇ ਪੋਸਟਰ ਤੋਂ ਲੱਗਦਾ ਹੈ। ਅੰਮ੍ਰਿਤ ਮਾਨ ਦੇ ਕਿਰਦਾਰ ਦੀ ਤਾਜ਼ਾ ਝਲਕ ਉਸ ਵੱਲੋਂ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਸਾਂਝੀ ਕੀਤੀ ਤਾਜ਼ਾ ਪੋਸਟ 'ਚ ਵੀ ਦੇਖੀ ਜਾ ਸਕਦੀ ਹੈ।
ਅੰਮ੍ਰਿਤ ਮਾਨ ਇਸ ਤੋਂ ਪਹਿਲਾਂ 'ਚੰਨਾ ਮੇਰਿਆ', 'ਲੌਂਗ ਲਾਚੀ' ਤੇ 'ਆਟੇ ਦੀ ਚਿੜੀ' ਵਰਗੀਆਂ ਫ਼ਿਲਮਾਂ 'ਚ ਬਤੌਰ ਅਦਾਕਾਰ ਕੰਮ ਕਰ ਚੁੱਕੇ ਹਨ। ਬੇਸ਼ੱਕ ਅਦਾਕਾਰੀ ਨਾਲੋਂ ਅ੍ਰੰਮਿਤ ਮਾਨ ਨੂੰ ਗਾਇਕੀ ਕਰਕੇ ਜ਼ਿਆਦਾ ਪ੍ਰਸਿੱਧੀ ਮਿਲੀ ਹੈ ਪਰ ਉਨ੍ਹਾਂ ਦੀ ਅਦਾਕਾਰੀ ਵਿੱਚ ਵੀ ਨਿਖਾਰ ਆ ਰਿਹਾ ਹੈ। ਉਨ੍ਹਾਂ ਦੇ ਫੈਨਸ ਨੂੰ ਉਮੀਦ ਹੈ ਕਿ ਫਿਲਮ 'ਬੱਬਰ' ਜ਼ਰੂਰ ਧੂਮ ਮਚਾਏਗੀ।
ਇਹ ਵੀ ਪੜ੍ਹੋ: Kirron Kher Health: ਕੈਂਸਰ ਨੂੰ ਹਰਾ ਕੇ ਕੰਮ 'ਤੇ ਪਰਤੀ ਕਿਰਨ ਖੇਰ, ਸ਼ਿਲਪਾ ਸ਼ੈਟੀ ਨੇ ਪਾਈ ਵੀਡੀਓ
ਪੰਜਾਬੀ ‘ਚ ਤਾਜ਼ਾ ਖ਼ਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)