Deep Sidhu ਨੇ ਜੇਲ੍ਹ ਤੋਂ ਆਉਂਦੇ ਹੀ ਕੀਤਾ ਆਪਣੇ ਪਿਆਰ ਦਾ ਕੀਤਾ ਖੁਲਾਸਾ

ਜੇਲ੍ਹ ਚੋਂ ਆਉਣ ਤੋਂ ਬਾਅਦ ਦੀਪ ਨੇ ਇੱਕ ਤਸਵੀਰ ਆਪਣੇ ਫੈਨਸ ਨਾਲ ਸ਼ੇਅਰ ਕੀਤੀ ਹੈ। ਜਿਸ ਨੂੰ ਵੇਖ ਕੇ ਦੀਪ ਸਿੱਧੂ ਦੇ ਫੈਨਸ ਕਾਫ਼ੀ ਖੁਸ਼ ਹੋਏ ਹਨ।

deep_sidhu_love

ਚੰਡੀਗੜ੍ਹ: ਪੰਜਾਬੀ ਅਦਾਕਾਰ ਦੀਪ ਸਿੱਧੂ ਜਿਨ੍ਹਾਂ ਨੂੰ ਕੁਝ ਦਿਨਾਂ ਪਹਿਲਾਂ ਹੀ ਜੇਲ੍ਹ ਚੋਂ ਰਿਹਾਈ ਮਿਲੀ ਹੈ, ਉਨ੍ਹਾਂ ਨੇ ਹੁਣ ਆਪਣੇ ਫੈਨਸ ਨੂੰ ਇੱਕ ਹੋਰ ਸਰਪ੍ਰਾਈਜ਼ ਦਿੱਤਾ ਹੈ। ਦੱਸ ਦਈਏ ਕਿ ਦੀਪ ਸਿੱਧੂ ਨੇ ਹਾਲ ਹੀ 'ਚ ਕਿਸਾਨ ਅੰਦੋਲਨ ਦੌਰਾਨ ਟ੍ਰੈਕਟਰ ਰੈਲੀ ਦੌਰਾਨ ਹੋਈ ਲਾਲ ਕਿਲ੍ਹਾ ਹਿੰਸਾ ਮਾਮਲੇ 'ਚ ਦਿੱਲੀ ਪੁਲਿਸ ਨੇ ਗ੍ਰਿਫ਼ਤਾਰ ਕੀਤਾ ਸੀ। ਹੁਣ ਦੀਪ ਕੁਝ ਸ਼ਰਤਾਂ ਦੇ ਆਧਾਰ 'ਤੇ ਜੇਲ੍ਹ ਤੋਂ ਬਾਹਰ ਹਨ।

ਜੇਲ੍ਹ ਚੋਂ ਆਉਣ ਤੋਂ ਬਾਅਦ ਦੀਪ ਨੇ ਇੱਕ ਤਸਵੀਰ ਆਪਣੇ ਫੈਨਸ ਨਾਲ ਸ਼ੇਅਰ ਕੀਤੀ ਹੈ। ਜਿਸ ਨੂੰ ਵੇਖ ਕੇ ਦੀਪ ਸਿੱਧੂ ਦੇ ਫੈਨਸ ਕਾਫ਼ੀ ਖੁਸ਼ ਹੋਏ ਹਨ। ਦੀਪ ਦੇ ਨਾਲ ਇਸ ਤਸਵੀਰ 'ਚ ਦੀਪ ਦੀ ਖਾਸ ਦੋਸਤ ਰੀਨਾ ਰਾਏ ਹੈ। ਹੁਣ ਤੁਸੀਂ ਸੋਚ ਰਹੇ ਹੋਣੇ ਕੀ ਇਹ ਕੌਣ ਤਾਂ ਦੱਸ ਦਈਏ ਕਿ ਰੀਨਾ ਰਾਏ ਉਹੀ ਖਾਸ ਦੋਸਤ ਹੈ ਜੋ ਦੀਪ ਸਿੱਧੂ ਦੀਆਂ ਹਿੰਸਾ ਮਗਰੋਂ ਦੀਆਂ ਵੀਡੀਓਜ਼ ਨੂੰ ਪੋਸਟ ਕਰਦੀ ਸੀ।

ਹੁਣ ਰੀਨਾ ਨਾਲ ਪਿਆਰ ਦਾ ਇਜ਼ਹਾਰ ਕਰਦਿਆ ਦੀਪ ਨੇ ਪਿਆਰ ਭਰੀ ਪੋਸਟ ਪਾਈ ਹੈ। ਦੀਪ ਸਿੱਧੂ ਦਾ ਆਪਣੀ ਇਸ ਖਾਸ ਦੋਸਤ ਰੀਨਾ ਰਾਏ ਬਾਰੇ ਕਹਿਣਾ ਹੈ ਕਿ ਜਦੋਂ ਪੂਰਾ ਸੰਸਾਰ ਮੇਰੇ ਖਿਲਾਫ ਸੀ ਤਾਂ ਉਸ ਵੇਲੇ ਤੂੰ ਮੇਰੇ ਨਾਲ ਸੀ ਅਤੇ ਮੈਨੂੰ ਪ੍ਰੋਟੈਕਟ ਕੀਤਾ ਸੀ।

ਉਨ੍ਹਾਂ ਨੇ ਅੱਗੇ ਲਿਖੀਆ, "ਤੂੰ ਮੈਨੂੰ ਤਾਕਤ ਅਤੇ ਹੌਂਸਲਾ ਦਿੱਤਾ, ਤੇ ਮੇਰੇ ਲਈ ਦੁਆ ਕੀਤੀ। ਪਰ ਜੋ ਚੀਜ਼ ਸੱਚਮੁੱਚ ਮੇਰੇ ਦਿਲ ਨੂੰ ਟੱਚ ਕਰ ਗਈ, ਉਹ ਇਹ ਸੀ ਕਿ ਜਦੋਂ ਤੂੰ ਆਪਣੀ ਜ਼ਿੰਦਗੀ ਮੇਰੇ ਲਈ ਰੋਕ ਲਈ। ਤੇਰੇ ਪਿਆਰ ਅਤੇ ਸਪੋਟ ਨੂੰ ਮੈਂ ਬਿਆਨ ਨਹੀਂ ਕਰ ਸਕਦਾ, ਮੈਂ ਸਿਰਫ ਇੰਨਾ ਕਹਿਣਾ ਚਾਹੁੰਦਾ ਹਾਂ ਕਿ I Love You ਰੀਨਾ…"

ਦੀਪ ਸਿੱਧੂ ਨੇ ਪਹਿਲੀ ਵਾਰ ਆਪਣੇ ਪਿਆਰ ਦਾ ਇਜ਼ਹਾਰ ਕੁਝ ਇਸ ਤਰੀਕੇ ਨਾਲ ਕੀਤਾ ਹੈ, ਪਹਿਲੀ ਵਾਰ ਆਪਣੇ ਪਿਆਰ ਬਾਰੇ ਦਸਦੇ ਹੋਏ ਦੀਪ ਨੇ ਆਪਣੇ ਫੈਨਜ਼ ਨੂੰ ਵੀ ਕਾਫੀ ਸਰਪ੍ਰਾਈਜ਼ ਕਰ ਦਿੱਤਾ। ਦੱਸ ਦਈਏ ਸਾਲ 2018 ਵਿਚ ਆਈ ਪੰਜਾਬੀ ਫਿਲਮ 'ਰੰਗ ਪੰਜਾਬ' ਵਿਚ ਦੀਪ ਸਿੱਧੂ ਅਤੇ ਰੀਨਾ ਰਾਏ ਇਕੱਠੇ ਕੰਮ ਵੀ ਕਰ ਚੁੱਕੇ ਹਨ। ਦੋਵਾਂ ਬਾਰੇ ਖ਼ਬਰਾਂ ਤਾਂ ਇਹ ਵੀ ਹਨ ਕਿ ਦੀਪ ਤੇ ਰੀਨਾ ਦਾ ਵਿਆਹ ਵੀ ਹੋ ਚੁੱਕਿਆ ਹੈ।

ਇਹ ਵੀ ਪੜ੍ਹੋ: Manpreet Badal ਨੇ ਕੀਤਾ ਬਠਿੰਡਾ ਦੇ ਹਸਪਤਾਲਾਂ ਦਾ ਦੌਰਾ, ਮਰੀਜ਼ਾਂ ਦੇ ਪਰਿਵਾਰਕ ਮੈਂਬਰਾਂ ਨੇ ਪਾਇਆ ਘੇਰਾ

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904