Good news for Sidhu Moosewala's Pakistani fans, Singer announces live shows in Lahore and Islamabad
ਚੰਡੀਗੜ੍ਹ: ਸਿੱਧੂ ਮੂਸੇਵਾਲਾ ਦਾ ਹਾਲ ਹੀ ਵਿੱਚ ਦੁਬਈ ਸ਼ੋਅ ਹੋਇਆ ਸੀ, ਇਸ ਦੌਰਾਨ ਉਸ ਦੇ ਕੁਝ ਫੈਨਜ਼ ਨੇ ਸਿੰਗਰ ਤੋਂ ਇੱਕ ਖਾਸ ਮੰਗ ਕੀਤੀ ਸੀ। ਦੱਸ ਦਈਏ ਕਿ ਸਿੱਧੂ ਮੂਸੇਵਾਲਾ ਆਪਣੇ ਫੈਨਸ ਦੀ ਇਸ ਮੰਗ ਨੂੰ ਮੰਨਣ ਤੋਂ ਇਨਕਾਰ ਨਹੀਂ ਕਰ ਸਕਿਆ। ਇੱਕ ਪਾਸੇ ਜਿੱਥੇ ਪੰਜਾਬ ਵਿਧਾਨ ਸਭਾ ਚੋਣਾਂ ਤੋਂ ਬਾਅਦ ਸਿੱਧੂ ਦਾ ਇਹ ਪਹਿਲਾ ਜਨਤਕ ਸ਼ੋਅ ਸੀ, ਉੱਥੇ ਹੀ ਇਸ ਵਿੱਚ ਕਈ ਵੱਡੇ ਐਲਾਨ ਵੀ ਹੋਏ। ਸਿੱਧੂ ਮੂਸੇਵਾਲਾ ਨੇ ਸ਼ੋਅ ਦੌਰਾਨ ਪਾਕਿਸਤਾਨ ਵਿੱਚ ਇਸਲਾਮਾਬਾਦ ਤੇ ਲਾਹੌਰ 'ਚ ਲਾਈਵ ਸ਼ੋਅ ਕਰਨ ਦਾ ਐਲਾਨ ਕੀਤਾ।
ਸਿੱਧੂ ਨੇ ਸਭ ਤੋਂ ਪਹਿਲਾਂ ਭੀੜ ਤੋਂ ਪੁੱਛਿਆ ਕਿ ਉਨ੍ਹਾਂ ਦਾ ਸ਼ੋਅ ਦੇਖਣ ਪਾਕਿਸਤਾਨ ਤੋਂ ਕਿੰਨੇ ਲੋਕ ਆਏ। ਉਸ ਨੇ ਫਿਰ ਕਿਹਾ ਕਿ ਉਸ ਨੂੰ ਪਾਕਿਸਤਾਨ ਦੇ ਲੋਕਾਂ ਤੋਂ ਆਪਣੇ ਦੇਸ਼ ਵਿਚ ਸੰਗੀਤ ਸਮਾਰੋਹ ਕਰਨ ਲਈ ਕਈ ਸੁਨੇਹੇ ਮਿਲੇ ਹਨ। ਉਨ੍ਹਾਂ ਦੀਆਂ ਮੰਗਾਂ ਨੂੰ ਸੁਣਦੇ ਹੋਏ, ਸਿੱਧੂ ਨੇ ਉਸ ਦੇ ਸ਼ੋਅ ਦਾ ਐਲਾਨ ਕੀਤਾ ਜਿਸ ਦੀ ਉਡੀਕ ਸਿੱਧੂ ਦੇ ਪਾਕਿਸਤਾਨ 'ਚ ਵੱਸਦੇ ਫੈਨਸ ਲਈ ਕਿਸੇ ਤੋਹਫੇ ਤੋਂ ਘੱਟ ਨਹੀਂ ਹੈ।
ਉਨ੍ਹਾਂ ਨੇ ਸਟੇਜ ਤੋਂ ਐਲਾਨ ਕੀਤਾ ਕਿ ਪਹਿਲਾ ਲਾਈਵ ਸ਼ੋਅ ਲਾਹੌਰ ਤੇ ਦੂਜਾ ਇਸਲਾਮਾਬਾਦ ਵਿੱਚ ਹੋਵੇਗਾ। ਉਸ ਨੇ ਸਾਰੇ ਪ੍ਰਸ਼ੰਸਕਾਂ ਨਾਲ ਵਾਅਦਾ ਵੀ ਕੀਤਾ ਕਿ ਲਾਈਵ ਸ਼ੋਅ ਇਸ ਸਾਲ 2022 ਵਿੱਚ ਜ਼ਰੂਰ ਕੀਤਾ ਜਾਵੇਗਾ। ਸਿੱਧੂ ਮੂਸੇਵਾਲਾ ਦੇ ਪਾਕਿਸਤਾਨੀ ਪ੍ਰਸ਼ੰਸਕਾਂ ਲਈ ਇਸ ਤੋਂ ਵੱਡੀ ਖੁਸ਼ਖਬਰੀ ਨਹੀਂ ਹੋ ਸਕਦੀ ਸੀ ਤੇ ਸਿੱਧੂ ਦੇ ਐਲਾਨ ਤੋਂ ਬਾਅਦ ਭੀੜ ਨੇ ਤਾੜੀਆਂ ਮਾਰ ਆਪਣੀ ਖੁਸ਼ੀ ਦਾ ਇਜ਼ਹਾਰ ਕੀਤਾ।
ਦੱਸ ਦਈਏ ਕਿ ਪਾਕਿਸਤਾਨ ਵਿੱਚ ਸਿੱਧੂ ਮੂਸੇਵਾਲਾ ਦੀ ਬਹੁਤ ਵੱਡੀ ਫੈਨ ਫੋਲੋਇੰਗ ਹੈ। ਭਾਸ਼ਾ ਨੂੰ ਸਮਝਣ ਵਿੱਚ ਅਸਾਨੀ ਕਾਰਨ, ਪਾਕਿਸਤਾਨੀ ਸਰੋਤਿਆਂ ਦਾ ਇੱਕ ਵੱਡਾ ਹਿੱਸਾ ਅਸਲ ਵਿੱਚ ਪੰਜਾਬੀ ਗੀਤਾਂ ਨੂੰ ਸਮਝਦਾ ਹੈ ਤੇ ਇਸ ਕਾਰਨ ਪੰਜਾਬੀ ਗਾਇਕਾਂ ਨੂੰ ਆਪਣੇ ਦੇਸ਼ ਵਿੱਚ ਲਾਈਵ ਸ਼ੋਅ ਕਰਨ ਲਈ ਹਮੇਸ਼ਾਂ ਉਤਸ਼ਾਹਤ ਰਹਿੰਦੇ ਹਨ।
ਇਹ ਵੀ ਪੜ੍ਹੋ: RR vs SRH: ਪੂਰੇ ਮੈਚ 'ਚ ਕਾਵਿਆ ਮਾਰਨ ਦਾ ਦਬਦਬਾ, ਪ੍ਰਸ਼ੰਸਕ ਪੋਸਟਰ ਲੈ ਕੇ ਆਏ, ਬਟਲਰ ਆਊਟ ਹੋਏ ਤਾਂ ਦਿੱਤਾ ਅਜਿਹਾ ਰਿਐਕਸ਼ਨ