Jyoti Nooran On Kunal Passi: ਪੰਜਾਬੀ ਸੂਫੀ ਗਾਇਕਾ ਜੋਤੀ ਨੂਰਾਂ ਦੀ ਵਿਆਹੁਤਾ ਜ਼ਿੰਦਗੀ ਦਾ ਵਿਵਾਦ ਸੁਲਝਣ ਦਾ ਨਾਂਅ ਹੀ ਨਹੀਂ ਲੈ ਰਿਹਾ। ਇੱਕ ਤੋਂ ਬਾਅਦ ਇੱਕ ਜੋਤੀ ਨੂਰਾਂ ਪਤੀ ਕੁਨਾਲ ਪਾਸੀ ਖਿਲਾਫ ਖੁਲਾਸੇ ਕਰ ਰਹੀ ਹੈ। ਦੱਸ ਦੇਈਏ ਕਿ ਆਪਣੇ ਯੂਕੇ ਸ਼ੋਅ ਤੋਂ ਬਾਅਦ ਜੋਤੀ ਨੂਰਾਂ ਫਿਰ ਤੋਂ ਆਪਣੇ ਪਤੀ ਕੁਨਾਲ ਉੱਪਰ ਵੱਡੇ ਦੋਸ਼ ਲਗਾ ਰਹੀ ਹੈ। ਜਿਸ ਦਾ ਖੁਲਾਸਾ ਉਹ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ਇੰਸਟਾਗ੍ਰਾਮ ਉੱਪਰ ਔਡੀਓ ਕਲਿੱਪ ਸ਼ੇਅਰ ਕਰ ਰਹੀ ਹੈ। ਇਸ ਦੇ ਨਾਲ ਹੀ ਪਾਸੀ ਨੇ ਉਸ ਨਾਲ ਕਿਹੜਾ-ਕਿਹੜਾ ਧੋਖਾ ਕੀਤਾ ਇਸ ਬਾਰੇ ਸਭ ਕੁਝ ਦੱਸਿਆ ਹੈ। ਤੁਸੀ ਵੀ ਵੇਖੋ ਜੋਤੀ ਦੀਆਂ ਇਹ ਔਡੀਓ ਕਪਿੱਲਸ...
1...
ਦੱਸ ਦੇਈਏ ਕਿ ਜੋਤੀ ਨੂਰਾਂ ਦੀ ਵਿਆਹੁਤਾ ਜ਼ਿੰਦਗੀ ਵਿੱਚ ਲੰਬੇ ਸਮੇਂ ਤੋਂ ਵਿਵਾਦ ਚੱਲ ਰਿਹਾ ਹੈ। ਹਾਲਾਂਕਿ ਇੱਕ ਸਮੇਂ ਵਿੱਚ ਦੋਵਾਂ ਦਾ ਸਮਝੌਤਾ ਵੀ ਹੋ ਗਿਆ ਸੀ। ਪਰ ਗਾਇਕਾ ਨੇ ਉਸ ਨੂੰ ਧੱਕੇ ਨਾਲ ਹੋਇਆ ਸਮਝੌਤਾ ਕਿਹਾ ਸੀ।
ਕਾਬਿਲੇਗੌਰ ਹੈ ਕਿ ਜਿੱਥੇ ਕੁਨਾਲ ਪਾਸੀ ਪੂਰੀ ਤਰ੍ਹਾਂ ਨਾਲ ਜੋਤੀ ਨੂਰਾਂ ਦੇ ਖਿਲਾਫ ਬੋਲ ਰਿਹਾ ਹੈ। ਉੱਥੇ ਹੀ ਗਾਇਕਾ ਦਾ ਪਰਿਵਾਰ ਕੁਨਾਲ ਪਾਸੀ ਨਾਲ ਆਪਣੇ ਰਿਸ਼ਤੇ ਸੁਧਾਰ ਰਿਹਾ ਹੈ। ਜੋਤੀ ਨੂਰਾਂ ਨੇ ਲਾਈਵ ਆ ਖੁਲਾਸਾ ਕੀਤਾ ਸੀ ਕਿ ਕੁਨਾਲ ਦਾ ਮੇਰੇ ਨਾਲ ਤਲਾਕ ਦਾ ਮਾਮਲਾ ਚੱਲ ਰਿਹਾ ਹੈ, ਬਾਵਜੂਦ ਇਸਦੇ ਉਨ੍ਹਾਂ ਦਾ ਪਰਿਵਾਰ ਕੁਨਾਲ ਨੂੰ ਘਰ ਬੁਲਾ-ਬੁਲਾ ਚਾਹ ਪਾਣੀ ਪੁੱਛ ਰਹੇ ਹਨ।
ਜੋਤੀ ਨੂਰਾਂ ਅਤੇ ਕੁਨਾਲ ਪਾਸੀ ਵਿਚਕਾਰ ਮਾਮਲਾ ਇੰਨਾ ਵਿਗੜ ਚੁੱਕਾ ਹੈ ਕਿ ਹੁਣ ਦੋਵੇਂ ਇੱਕ ਤੋਂ ਬਾਅਦ ਇੱਕ ਸੋਸ਼ਲ ਮੀਡੀਆ ਪੋਸਟ ਕਰ ਆਪਣੀ ਭੜਾਸ ਕੱਢ ਰਹੇ ਹਨ।