Roopi Gill And Nirmal Rishi Announced New Punjabi Movie Arzoi
ਚੰਡੀਗੜ੍ਹ: ਹਰ ਦਿਨ ਬੀਤਣ ਨਾਲ ਬਹੁਤ ਸਾਰੀਆਂ ਪੰਜਾਬੀ ਫਿਲਮਾਂ ਦਾ ਐਲਾਨ ਹੋ ਰਿਹਾ ਹੈ ਤੇ ਜਲਦੀ ਹੀ ਰਿਲੀਜ਼ ਹੋਣ ਲਈ ਬੋਰਡ 'ਤੇ ਆ ਰਹੀਆਂ ਹਨ। ਇਸ ਦੇ ਨਾਲ ਹੀ ਹੁਣ ਦੇਸ਼ 'ਚ ਕੋਰੋਨਾ ਕੇਸਾਂ 'ਚ ਭਾਰੀ ਕਮੀ ਆਉਣ ਦੇ ਨਾਲ ਹੀ ਇੱਕ ਵਾਰ ਫਿਰ ਤੋਂ ਰੌਣਕ ਵੇਖਣ ਨੂੰ ਮਿਲ ਰਹੀ ਹੈ। ਅਜਿਹੇ 'ਚ ਇੱਕ ਹੋਰ ਪੰਜਾਬੀ ਫਿਲਮ ਦਾ ਐਲਾਨ ਹੋ ਗਿਆ ਹੈ। ਜੀ ਹਾਂ, ਇਸ ਫਿਲਮ ਦਾ ਨਾਂ ਹੈ ਅਰਜ਼ੋਈ ਜਿਸ 'ਚ ਪੰਜਾਬੀ ਇੰਡਸਟਰੀ ਦੇ ਦੋ ਸ਼ਾਨਦਾਰ ਤੇ ਬਹੁਤ ਪਿਆਰੇ ਕਲਾਕਾਰ ਰੂਪੀ ਗਿੱਲ ਦੇ ਨਾਲ ਨਿਰਮਲ ਰਿਸ਼ੀ ਲੀਡ ਰੋਲ 'ਚ ਨਜ਼ਰ ਆਉਣਗੇ।
ਦੱਸ ਦਈਏ ਕਿ ਅਰਜ਼ੋਈ ਦਾ ਅਰਥ ਹੈ ‘ਅਰਦਾਸ’ ਜਾਂ ‘ਨਾਨਕ ਅੱਗੇ ਨਿਮਰ ਬੇਨਤੀ’।ਫਿਲਮ ਦਾ ਟਾਈਟਲ ਆਪਣੇ ਆਪ ਵਿੱਚ ਬਹੁਤ ਪਿਆਰਾ ਹੈ, ਜਿਸ ਕਰਕੇ ਫਿਲਮ ਬਾਰੇ ਹੋਰ ਜਾਣਨ ਦੀ ਉਤਸੁਕਤਾ ਹੋਰ ਵੱਧ ਗਈ ਹੈ। ਫਿਲਮ ਅਰਜ਼ੋਈ ਦਾ ਨਿਰਦੇਸ਼ਨ ਡੋਰਬੇਨ ਦੇ ਨਿਰਦੇਸ਼ਕ ਈਸ਼ਾਨ ਚੋਪੜਾ ਕਰਨਗੇ, ਜਿਨ੍ਹਾਂ ਨੇ ਇਸ ਦਾ ਐਲਾਨ ਕਰਦੇ ਹੋਏ ਕਿਹਾ ਕਿ ਇਹ ਫਿਲਮ ਹਰ ਕਿਸੇ ਦੇ ਦਿਲ ਦੇ ਨੇੜੇ ਰਹੇਗੀ।
ਅਰਜ਼ੋਈ ਨੂੰ ਓਮਜੀ ਸਟਾਰ ਸਟੂਡੀਓਜ਼ ਦੇ ਅਧੀਨ ਪੇਸ਼ ਕੀਤਾ ਜਾਵੇਗਾ ਅਤੇ ਸ਼ਬੀਲ ਸ਼ਮਸ਼ੇਰ ਸਿੰਘ, ਜੱਸ ਧਾਮੀ, ਆਸ਼ੂ ਮੁਨੀਸ਼ ਸਾਹਨੀ ਅਤੇ ਸੁਖਮਨਪ੍ਰੀਤ ਸਿੰਘ ਇਸ ਨੂੰ ਪ੍ਰੋਡਿਊਸ ਕਰਨਗੇ। ਟੀਮ ਵੱਲੋਂ ਜਾਰੀ ਕੀਤੇ ਗਏ ਮੋਸ਼ਨ ਪੋਸਟਰ ਵਿੱਚ ਇੱਕ ਪਾਸੇ ਭਾਰਤ ਦਾ ਪ੍ਰਸਿੱਧ ਇੰਡੀਆ ਗੇਟ ਹੈ ਤੇ ਦੂਜੇ ਪਾਸੇ ਲੰਡਨ ਦਾ ਮਸ਼ਹੂਰ ਲੰਡਨ ਬ੍ਰਿਜ ਹੈ।
ਰੂਪੀ ਤੇ ਨਿਰਮਲ ਦੀ ਗੱਲ ਕਰੀਏ ਤਾਂ ਰੂਪੀ ਗਿੱਲ (Roopi Gill) ਨੂੰ ਆਖਰੀ ਲਾਇਏ ਜੇ ਯਾਰਿਆਂ ਅਤੇ ਨਿੱਕਾ ਜ਼ੈਲਦਾਰ 3 ਵਰਗੀਆਂ ਫਿਲਮਾਂ ਵਿੱਚ ਨਿਰਮਲ ਰਿਸ਼ੀ (Nirmal Rishi) ਨੂੰ ਦੇਖਿਆ ਗਿਆ ਸੀ। ਦੋਵੇਂ ਨਿਰਮਲ ਰਿਸ਼ੀ ਅਤੇ ਰੂਪੀ ਗਿੱਲ 'ਵੱਡਾ ਕਲਾਕਾਰ' ਤੋਂ ਬਾਅਦ ਦੂਜੀ ਵਾਰ ਮੁੜ ਸਕ੍ਰੀਨ ਸ਼ੇਅਰ ਕਰਨ ਲਈ ਤਿਆਰ ਹਨ, ਜੋ ਮੁੱਖ ਅਦਾਕਾਰਾ ਵਜੋਂ ਰੂਪੀ ਦੀ ਦੂਜੀ ਫਿਲਮ ਸੀ। ਅਰਜ਼ੋਈ ਦੀ ਸ਼ੂਟਿੰਗ ਜਲਦੀ ਹੀ ਸ਼ੁਰੂ ਹੋਣ ਵਾਲੀ ਹੈ ਤੇ ਪ੍ਰਸ਼ੰਸਕ ਪਹਿਲਾਂ ਹੀ ਇਸ ਫਿਲਮ ਨੂੰ ਸਿਨੇਮਾਘਰਾਂ ਵਿੱਚ ਦੇਖਣ ਲਈ ਉਤਸ਼ਾਹਿਤ ਹਨ।