(Source: ECI/ABP News)
Prakash Raj: ਚੰਦਰਯਾਨ 3 ਦਾ ਮਜ਼ਾਕ ਉਡਾਉਣ 'ਤੇ ਟਰੋਲ ਹੋਏ ਪ੍ਰਕਾਸ਼ ਰਾਜ, ਹੁਣ ਐਕਟਰ ਨੇ ਦਿੱਤੀ ਸਫਾਈ, ਬੋਲੇ- 'ਮਜ਼ਾਕ ਕਰ ਰਿਹਾ ਸੀ...'
Prakash Raj Clarifies Moon Mission Cartoon: ਪ੍ਰਕਾਸ਼ ਰਾਜ ਨੇ ਟਵਿੱਟਰ 'ਤੇ ਇੱਕ ਚਾਹ ਵੇਚਣ ਵਾਲੇ ਦੀ ਵੈਸਟ ਅਤੇ ਲੁੰਗੀ ਪਹਿਨੇ ਇੱਕ ਕਾਰਟੂਨ ਫੋਟੋ ਕੀਤੀ ਸੀ ਅਤੇ ਭਾਰਤੀ ਚੰਦਰਮਾ ਮਿਸ਼ਨ ਦਾ ਮਜ਼ਾਕ ਉਡਾਇਆ ਸੀ।
Prakash Raj Clarifies Moon Mission Cartoon: ਪ੍ਰਕਾਸ਼ ਰਾਜ ਨੇ ਇੰਡੀਅਨ ਮੂਨ ਮਿਸ਼ਨ 'ਤੇ ਵਿਅੰਗ ਕੱਸਦੇ ਹੋਏ ਇੱਕ ਪੋਸਟ ਪਾਈ ਸੀ, ਜਿਸ ਲਈ ਲੋਕ ਉਨ੍ਹਾਂ ਨੂੰ ਸੋਸ਼ਲ ਮੀਡੀਆ 'ਤੇ ਟਰੋਲ ਕਰ ਰਹੇ ਹਨ। ਲੋਕਾਂ ਨੇ ਉਸ ਨੂੰ ਸਫਲਤਾ ਵਿਰੋਧੀ (ਐਂਟੀ ਸਕਸੈੱਸ) ਕਹਿ ਕੇ ਟ੍ਰੋਲ ਕਰਨਾ ਸ਼ੁਰੂ ਕਰ ਦਿੱਤਾ, ਜਿਸ ਤੋਂ ਬਾਅਦ ਹੁਣ ਅਦਾਕਾਰ ਨੇ ਆਪਣੀ ਪੋਸਟ 'ਤੇ ਸਫਾਈ ਦਿੰਦੇ ਹੋਏ ਕਿਹਾ ਹੈ ਕਿ ਉਹ ਸਿਰਫ ਮਜ਼ਾਕ ਕਰ ਰਹੇ ਸਨ।
ਦਰਅਸਲ, ਪ੍ਰਕਾਸ਼ ਰਾਜ ਨੇ ਟਵਿੱਟਰ 'ਤੇ ਵੈਸਟ ਅਤੇ ਲੁੰਗੀ ਪਹਿਨੇ ਚਾਹ ਵੇਚਣ ਵਾਲੇ ਦੀ ਕਾਰਟੂਨ ਫੋਟੋ ਪਾਈ ਸੀ ਅਤੇ ਇਸ ਦੇ ਨਾਲ ਉਨ੍ਹਾਂ ਲਿਖਿਆ- 'ਚੰਨ ਤੋਂ ਪਹਿਲੀ ਤਸਵੀਰ ਵਿਕਰਮ ਲੈਂਡਰ ਦੀ ਆ ਰਹੀ ਹੈ... ਵਾਹ... #justasking...' ਹੁਣ ਉਨ੍ਹਾਂ ਨੇ ਇਸ ਪੋਸਟ 'ਤੇ ਸਪੱਸ਼ਟੀਕਰਨ ਦਿੰਦੇ ਹੋਏ ਟ੍ਰੋਲ ਕਰਨ ਵਾਲਿਆਂ ਨੂੰ ਕਰਾਰਾ ਜਵਾਬ ਦਿੱਤਾ ਹੈ।
Hate sees only Hate.. i was referring to a joke of #Armstrong times .. celebrating our kerala Chaiwala .. which Chaiwala did the TROLLS see ?? .. if you dont get a joke then the joke is on you .. GROW UP #justasking https://t.co/NFHkqJy532
— Prakash Raj (@prakashraaj) August 21, 2023
'ਜੇ ਤੁਹਾਨੂੰ ਮਜ਼ਾਕ ਦੀ ਸਮਝ ਨਹੀਂ ਆਈ...'
ਆਪਣੀ ਪੁਰਾਣੀ ਪੋਸਟ ਨੂੰ ਰੀਪੋਸਟ ਕਰਦੇ ਹੋਏ ਪ੍ਰਕਾਸ਼ ਰਾਜ ਨੇ ਲਿਖਿਆ- 'ਨਫ਼ਰਤ ਸਿਰਫ ਨਫ਼ਰਤ ਨੂੰ ਵੇਖਦੀ ਹੈ... ਮੈਂ ਆਰਮਸਟ੍ਰਾਂਗ ਟਾਈਮਜ਼ ਦੇ ਇੱਕ ਮਜ਼ਾਕ ਦਾ ਹਵਾਲਾ ਦੇ ਰਿਹਾ ਸੀ... ਸਾਡੇ ਕੇਰਲਾ ਚਾਈਵਾਲਾ ਦਾ ਜਸ਼ਨ ਮਨਾ ਰਿਹਾ ਸੀ... ਟਰੋਲਰਜ਼ ਨੇ ਕਿਹੜਾ ਚਾਹਵਾਲਾ ਦੇਖਿਆ? ਜੇ ਤੁਸੀਂ ਮਜ਼ਾਕ ਨਹੀਂ ਸਮਝਦੇ ਤਾਂ ਮਜ਼ਾਕ ਤੁਹਾਡੇ 'ਤੇ ਹੈ.. ਵੱਡੇ ਹੋ ਜਾਓ... #JustAsking...'
ਪ੍ਰਕਾਸ਼ ਨੂੰ ਸੋਸ਼ਲ ਮੀਡੀਆ 'ਤੇ ਕੀਤਾ ਗਿਆ ਸੀ ਟ੍ਰੋਲ
ਦੱਸ ਦੇਈਏ ਕਿ ਪ੍ਰਕਾਸ਼ ਰਾਜ ਦੀ ਪਹਿਲੀ ਪੋਸਟ ਨੂੰ ਲੋਕਾਂ ਨੇ ਸ਼ਰਮਨਾਕ ਅਤੇ ਸਿਆਸੀ ਦੱਸਿਆ ਸੀ। ਇਕ ਵਿਅਕਤੀ ਨੇ ਲਿਖਿਆ, 'ਸ਼੍ਰੀਮਾਨ ਪ੍ਰਕਾਸ਼ਰਾਜ ਸਾਡੇ ਵਿਗਿਆਨੀਆਂ ਦਾ ਅਪਮਾਨ ਕਰ ਰਹੇ ਹਨ, ਸਾਡੇ ਇਸਰੋ ਦਾ ਮਜ਼ਾਕ ਉਡਾ ਰਹੇ ਹਨ। ਉਸ ਨੂੰ ਪੁੱਛਿਆ ਜਾਣਾ ਚਾਹੀਦਾ ਹੈ ਕਿ ਉਹ ਇਹ ਕਿਸ ਲਈ ਕਰ ਰਿਹਾ ਹੈ? ਸ਼ਰਮਨਾਕ...'
ਲੋਕਾਂ ਨੇ ਦੂਜੀ ਪੋਸਟ ਦੀ ਵੀ ਕੀਤੀ ਆਲੋਚਨਾ
ਪ੍ਰਕਾਸ਼ ਰਾਜ ਨੇ ਭਾਵੇਂ ਆਪਣੀ ਪੋਸਟ 'ਤੇ ਆਪਣਾ ਸਟੈਂਡ ਸਾਫ਼ ਕਰ ਦਿੱਤਾ ਹੈ ਪਰ ਸੋਸ਼ਲ ਮੀਡੀਆ ਯੂਜ਼ਰਸ ਨੇ ਉਨ੍ਹਾਂ ਨੂੰ ਟਰੋਲ ਕਰਨਾ ਬੰਦ ਨਹੀਂ ਕੀਤਾ। ਉਨ੍ਹਾਂ ਦੇ ਸਪੱਸ਼ਟੀਕਰਨ 'ਤੇ ਇਕ ਯੂਜ਼ਰ ਨੇ ਟਿੱਪਣੀ ਕੀਤੀ- ''ਹੁਣ ਤੁਸੀਂ ਲੋਕਾਂ ਦੇ ਰਿਐਕਸ਼ਨ ਦੇਖ ਕੇ ਸਭ ਕੁੱਝ ਘੁਮਾ ਦਿੰਦੇ ਹੋ। ਚੰਗਾ ਮਜ਼ਾਕ ਪ੍ਰਕਾਸ਼।' ਇਸ ਦੇ ਨਾਲ ਹੀ ਇਕ ਹੋਰ ਵਿਅਕਤੀ ਨੇ ਲਿਖਿਆ- 'ਤੁਹਾਨੂੰ ਸਪੱਸ਼ਟੀਕਰਨ ਦੇਣ ਦੀ ਲੋੜ ਕਿਉਂ ਮਹਿਸੂਸ ਹੋਈ? ਕੀ ਤੁਹਾਨੂੰ ਪਰੇਸ਼ਾਨੀ ਹੋ ਰਹੀ ਹੈ?'
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
