ਸਲਮਾਨ ਤੋਂ ਇਲਾਵਾ ਪ੍ਰਿਅੰਕਾ ਨੇ ਇਨ੍ਹਾਂ ਨੂੰ ਦਿੱਤਾ ਵਿਆਹ ਦਾ ਸੱਦਾ

ਮੁੰਬਈ: ਸਾਲ ਦੇ ਆਖਰੀ ਦੋ ਮਹੀਨੇ ਰਹਿ ਗਏ ਹਨ। ਹਰ ਕੋਈ ਕੁਝ ਖਾਸ ਕਰਨ ਦੀ ਪੂਰੀ ਤਿਆਰੀ ਕਰ ਰਿਹਾ ਹੈ। ਫੇਰ ਬਾਲੀਵੁੱਡ ਇਸ ‘ਚ ਪਿੱਛੇ ਕਿਵੇਂ ਰਹਿ ਸਕਦਾ ਹੈ। ਇਹ ਸਾਲ ਜਾਂਦੇ-ਜਾਂਦੇ ਬਾਲੀਵੁੱਡ ਦੇ ਤਿੰਨ ਵੱਡੇ ਵਿਆਹ ਦੀਪਿਕਾ-ਰਣਵੀਰ, ਪ੍ਰਿਅੰਕਾ-ਨਿੱਕ ਜੋਨਸ ਤੇ ਕਪਿਲ ਸ਼ਰਮਾ-ਗਿੰਨੀ ਚਤੁਰਥ ਜਿਹੇ ਇਵੈਂਟ ਦੇ ਕੇ ਜਾ ਰਿਹਾ ਹੈ। ਦੀਪਿਕਾ-ਰਣਵੀਰ ਦੇ ਨਾਲ ਪ੍ਰਿਅੰਕਾ ਤੇ ਨਿੱਕ ਦਾ ਵਿਆਹ ਵੀ ਲਗਾਤਾਰ ਸੁਰਖੀਆਂ ‘ਚ ਹਨ। ਹਾਲ ਹੀ ‘ਚ ਪ੍ਰਿਅੰਕਾ ਦਾ ਬ੍ਰਾਈਡਲ ਸ਼ਾਵਰ ਨਿਊਯਾਰਕ ‘ਚ ਹੋਇਆ ਜਿੱਥੇ ਹਾਲੀਵੁੱਡ ਦੇ ਕਈ ਸਟਾਰਸ ਮੌਜੂਦ ਸੀ। ਹੁਣ ਵਾਰੀ ਹੈ ਵਿਆਹ ਦੇ ਮਹਿਮਾਨਾਂ ਦੀ ਜਿਸ ਦੀ ਲਿਸਟ ਸਾਹਮਣੇ ਆਈ ਹੈ। ਹੁਣ ਤੁਸੀਂ ਵੀ ਸੋਚ ਰਹੇ ਹੋਣੇ ਹੋ ਕਿ ਪ੍ਰਿਅੰਕਾ ਦੇ ਵਿਆਹ ‘ਚ ਆਖਰ ਕੌਣ-ਕੌਣ ਨਜ਼ਰ ਆਉਣ ਵਾਲਾ ਹੈ ਤਾਂ ਇਸ ਦਾ ਜਵਾਬ ਹੈ ਸਭ। ਜੀ ਹਾਂ, ਦੇਸੀ ਗਰਲ ਦੇ ਵਿਆਹ ‘ਚ ਕਪੂਰ ਖਾਨਦਾਨ ਤੋਂ ਲੈ ਕੇ ਖ਼ਾਨ ਸੁਪਰ ਸਟਾਰਸ ਤਕ ਸਭ ਆ ਰਹੇ ਹਨ। ਪਿਅ੍ਰੰਕਾ ਨੇ ਆਪਣੇ ਵਿਆਹ ਦਾ ਸੱਦਾ ਸਲਮਾਨ ਖ਼ਾਨ ਨੂੰ ਵੀ ਭੇਜਿਆ ਹੈ। ਸਲਮਾਨ ਦੇ ਨਾਲ ਇਹ ਇਨਵੀਟੇਸ਼ਨ ਪੂਰੀ ਖ਼ਾਨ ਫੈਮਿਲੀ ਲਈ ਹੈ। ਮਿਲੀ ਜਾਣਕਾਰੀ ਮੁਤਾਬਕ ਇਸ ਤੋਂ ਇਲਾਵਾ ਪੀਸੀ ਦੇ ਵਿਆਹ ‘ਚ ਰਣਬੀਰ ਕਪੂਰ, ਕੈਟਰੀਨਾ ਕੈਫ, ਫਰਹਾਨ ਅਖ਼ਤਰ, ਆਲਿਆ ਭੱਟ, ਸਿਧਾਰਥ ਮਲਹੋਤਰਾ ਜਿਹੇ ਹੋਰ ਵੀ ਕਈਂ ਵੱਡੇ ਸਟਾਰਸ ਆਉਣਗੇ। ਆਪਣੇ ਵਿਆਹ ‘ਚ ਪ੍ਰਿਅੰਕਾ ਡਿਜ਼ਾਇਨਰ ਸਬਿਆਸਾਚੀ ਦਾ ਡਿਜ਼ਾਇਨ ਕੀਤਾ ਲਹਿੰਗਾ ਪਾਵੇਗੀ।