Sargun Mehta Shares Viral Video Of Woman Who Made Video Before Commintting Suicide: ਬੀਤੇ ਦਿਨੀਂ ਸੋਸ਼ਲ ਮੀਡੀਆ `ਤੇ ਇੱਕ ਅਜਿਹੀ ਵੀਡੀਓ ਵਾਇਰਲ ਹੋਈ, ਜਿਸ ਨੇ ਪੂਰੀ ਦੁਨੀਆ ਨੂੰ ਹਿਲਾ ਕੇ ਰੱਖ ਦਿਤਾ। ਇਹ ਵੀਡੀਓ ਸੀ ਇੱਕ ਲਾਚਾਰ ਤੇ ਬੇਵੱਸ ਔਰਤ ਦੀ। ਜਿਸ ਨਾਲ ਪਿਛਲੇ 8 ਸਾਲਾਂ ਤੋਂ ਉਸ ਦਾ ਪਤੀ ਕੁੱਟਮਾਰ ਕਰਦਾ ਆ ਰਿਹਾ ਸੀ। ਸੱਸ ਸਹੁਰੇ ਦਿਨ ਰਾਤ ਤਾਹਨੇ ਮਾਰ ਰਹੇ ਸੀ। ਆਖਰ ਉਸ ਔਰਤ ਨੇ ਇਸ ਸਭ ਤੋਂ ਤੰਗ ਆ ਕੇ ਖੁਦਕੁਸ਼ੀ ਕਰ ਲਈ। ਖੁਦਕੁਸ਼ੀ ਕਰਨ ਤੋਂ ਪਹਿਲਾਂ ਉਸ ਨੇ ਵੀਡੀਓ ਬਣਾ ਕੇ ਆਪਣੀ ਹੱਡਬੀਤੀ ਸਾਰਿਆਂ ਨਾਲ ਸਾਂਝੀ ਕੀਤੀ।
ਇਹ ਵੀਡੀਓ ਇੰਟਰਨੈੱਟ ਤੇ ਵਾਇਰਲ ਹੋ ਗਈ ਹੈ। ਇਸ ਵੀਡੀਓ ਨੂੰ ਪੰਜਾਬੀ ਅਦਾਕਾਰਾ ਸਰਗੁਣ ਮਹਿਤਾ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ `ਤੇ ਸ਼ੇਅਰ ਕੀਤਾ ਹੈ। ਸਰਗੁਣ ਨੇ ਕਿਹਾ ਕਿ ਇਹ ਵੀਡੀਓ ਨੇ ਉਸ ਨੂੰ ਅੰਦਰ ਤੱਕ ਤੋੜ ਦਿਤਾ ਹੈ। ਇਹ ਵੀਡੀਓ ਅਦਾਕਾਰਾ ਨੇ ਆਪਣੇ ਇੰਸਟਾਗ੍ਰਾਮ `ਤੇ ਸ਼ੇਅਰ ਕੀਤਾ। ਇਸ ਦੇ ਨਾਲ ਸਰਗੁਣ ਨੇ ਇੱਕ ਲੰਬਾ ਚੌੜਾ ਨੋਟ ਵੀ ਲਿਖਿਆ। ਸਰਗੁਣ ਨੇ ਲਿਖਿਆ, "ਜਦੋਂ ਹਿੰਸਾ ਸ਼ੁਰੂ ਹੋਣ ਲੱਗੇ, ਉਦੋਂ ਹੀ ਔਰਤ ਪਿੱਛੇ ਹਟ ਜਾਣਾ ਚਾਹੀਦਾ ਹੈ। ਕਿਸੇ ਨੂੰ ਇਹ ਸਭ ਨਹੀਂ ਸਹਿਣਾ ਚਾਹੀਦਾ। ਜੇ ਤੁਹਾਡਾ ਪਰਿਵਾਰ ਤੁਹਾਨੂੰ ਸਪੋਰਟ ਨਾ ਕਰੇ ਤਾਂ ਪੁਲਿਸ ਨੂੰ ਦੱਸੋ, ਜਾਂ ਕੁੱਝ ਵੀ ਕਰੋ। ਸੋਸ਼ਲ ਮੀਡੀਆ `ਤੇ ਵੀਡੀਓ ਬਣਾਓ, ਪਰ ਖੁਦਕੁਸ਼ੀ ਵਰਗਾ ਕਦਮ ਨਾ ਚੁੱਕੋ।"
ਸਰਗੁਣ ਨੇ ਅੱਗੇ ਲਿਖਿਆ, "ਕਿਸੇ ਵੀ ਔਰਤ ਨਾਲ ਇਹ ਨਹੀਂ ਹੋਣਾ ਚਾਹੀਦਾ। ਉਸ ਵਿਚਾਰੀ ਔਰਤ ਦਾ ਬੱਸ ਆ ਹੀ ਕਸੂਰ ਸੀ ਕਿ ਉਸ ਦੀਆਂ ਦੋ ਬੇਟੀਆਂ ਸਨ, ਉਸ ਨੂੰ ਜੇ ਬੇਟਾ ਨਹੀਂ ਹੋਇਆ ਤਾਂ ਇਸ `ਚ ਉਸ ਦਾ ਕੀ ਕਸੂਰ?"
"ਮੈਨੂੰ ਸਮਝ ਨਹੀਂ ਲੱਗ ਰਿਹਾ ਆਖਰ ਅਸੀਂ ਕਿਹੜੇ ਯੁੱਗ `ਚ ਜੀ ਰਹੇ ਹਾਂ। ਮੈਂ ਉਮੀਦ ਕਰਦੀ ਹਾਂ ਕਿ ਦੋਸ਼ੀ ਪਤੀ ਨੂੰ ਗ੍ਰਿਫ਼ਤਾਰ ਕਰਕੇ ਸਖ਼ਤ ਤੋਂ ਸਖ਼ਤ ਸਜ਼ਾ ਦਿਤੀ ਜਾਵੇ। ਮੈਂ ਇਸ ਔਰਤ ਨਾਲ ਹੋਈ ਧੱਕੇਸ਼ਾਹੀ ਦੀਆਂ ਰਿਕਾਰਡਿੰਗਜ਼ ਵੀ ਸੁਣੀਆਂ ਹਨ। ਕਿਸ ਤਰ੍ਹਾਂ ਉਹ ਆਦਮੀ ਉਸ ਨੂੰ ਮਾਰਦਾ ਸੀ, ਕਿਵੇਂ ਉਸ ਨੂੰ ਗਾਲਾਂ ਕੱਢਦਾ ਸੀ। ਬੱਸ ਹੁਣ ਬਹੁਤ ਹੋ ਗਿਆ। ਹੁਣ ਔਰਤਾਂ ਹੋਰ ਨਹੀਂ ਝੱਲਣਗੀਆਂ।"