Diljit Dosanjh: ਦਿਲਜੀਤ ਦੋਸਾਂਝ ਹਾਲੀਵੁੱਡ ਸਿੰਗਰ ਫੈਰਲ ਵਿਲੀਅਮਜ਼ ਨਾਲ ਕਰਨ ਜਾ ਰਹੇ ਕੋਲੈਬ? ਲੁਈ ਵਿਟੌਨ ਨਾਲ ਵੀ ਜੁੜ ਰਿਹਾ ਨਾਂ
Diljit Dosanjh Louis Vuitton: ਦਿਲਜੀਤ ਦੋਸਾਂਝ ਜਲਦ ਹੀ ਹਾਲੀਵੁੱਡ ਪ੍ਰੋਜੈਕਟ ਕਰ ਸਕਦੇ ਹਨ। ਖਬਰਾਂ ਆ ਰਹੀਆਂ ਹਨ ਕਿ ਦਿਲਜੀਤ ਅਮਰੀਕਨ ਸਿੰਗਰ-ਰੈਪਰ ਫੈਰੇਲ ਵਿਲੀਅਮਜ਼ ਤੇ ਕੌਮਾਂਤਰੀ ਫੈਸ਼ਨ ਬਰਾਂਡ ਲੁਈ ਵਿਟੌਨ ਦੇ ਨਾਲ ਕੋਲੈਬ ਕਰ ਸਕਦੇ ਹਨ
Diljit Dosanjh To Collab With Pharrell Williams And Louis Vuitton?: ਪੰਜਾਬੀ ਸਿੰਗਰ ਤੇ ਐਕਟਰ ਦਿਲਜੀਤ ਦੋਸਾਂਝ ਦੇ ਦੇਸ਼ ਦੁਨੀਆ 'ਚ ਲੱਖਾਂ ਫੈਨਜ਼ ਹਨ। ਦਿਲਜੀਤ ਨੇ ਆਪਣੇ ਟੈਲੇਂਟ ਨਾਲ ਬਾਲੀਵੁੱਡ ਤੱਕ ਨਾਮ ਕਮਾਇਆ ਹੈ। ਹੁਣ ਦਿਲਜੀਤ ਦੋਸਾਂਝ ਜਲਦ ਹੀ ਹਾਲੀਵੁੱਡ ਪ੍ਰੋਜੈਕਟ ਕਰ ਸਕਦੇ ਹਨ। ਦਰਅਸਲ, ਇਹ ਖਬਰਾਂ ਆ ਰਹੀਆਂ ਹਨ ਕਿ ਦਿਲਜੀਤ ਦੋਸਾਂਝ ਜਲਦ ਹੀ ਅਮਰੀਕਨ ਸਿੰਗਰ ਤੇ ਰੈਪਰ ਫੈਰੇਲ ਵਿਲੀਅਮਜ਼ ਤੇ ਕੌਮਾਂਤਰੀ ਫੈਸ਼ਨ ਬਰਾਂਡ ਲੁਈ ਵਿਟੌਨ ਦੇ ਨਾਲ ਕੋਲੈਬ ਕਰ ਸਕਦੇ ਹਨ।
ਜੇ ਇਹ ਖਬਰਾਂ ਸੱਚ ਹਨ ਤਾਂ ਦਿਲਜੀਤ ਦੇ ਲਈ ਇਹ ਕਾਫੀ ਵੱਡਾ ਮੌਕਾ ਹੋਵੇਗਾ। ਦੱਸ ਦਈਏ ਕਿ ਇਹ ਜਾਣਕਾਰੀ ਬਰਿੱਟ ਏਸ਼ੀਆ ਚੈਨਲ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸ਼ੇਅਰ ਕੀਤੀ ਹੈ। ਬਰਿੱਟ ਏਸ਼ੀਆ ਦੀ ਖਬਰ ਮੁਤਾਬਕ ਲੁਈ ਵਿਟੌਨ ਨੇ ਜਦੋਂ ਸਿੰਗਰ ਫੈਰੇਲ ਵਿਲੀਅਮਜ਼ ਨੂੰ ਆਪਣੀ ਕੰਪਨੀ ਦਾ ਕ੍ਰਿਏਟਿਵ ਡਾਇਰੈਕਟਰ ਬਣਾਉਣ ਦਾ ਐਲਾਨ ਕੀਤਾ, ਤਾਂ ਦਿਲਜੀਤ ਨੇ ਇਹ ਪੋਸਟ ਨੂੰ ਆਪਣੇ ਇੰਸਟਾਗ੍ਰਾਮ ਦੀ ਸਟੋਰੀ 'ਤੇ ਸ਼ੇਅਰ ਕੀਤਾ। ਇਸ ਤੋਂ ਬਾਅਦ ਫੈਨਜ਼ ਵਿੱਚ ਇਹ ਚਰਚਾ ਸ਼ੁਰੂ ਹੋ ਗਈ ਕਿ ਕੀ ਦਿਲਜੀਤ ਤੇ ਲੁਈ ਵਿਟੌਨ ਕੋਲੈਬ ਕਰਨ ਜਾ ਰਹੇ ਹਨ? ਚਰਚਾਵਾਂ ਤੇਜ਼ ਹੋਣ ਤੋਂ ਬਾਅਦ ਹੀ ਦਿਲਜੀਤ ਨੇ ਤੁਰੰਤ ਹੀ ਇਸ ਪੋਸਟ ਨੂੰ ਡਿਲੀਟ ਵੀ ਕਰ ਦਿੱਤਾ ਸੀ।
View this post on Instagram
ਕਾਬਿਲੇਗ਼ੌਰ ਹੈ ਕਿ ਦਿਲਜੀਤ ਦੋਸਾਂਝ ਇੰਨੀਂ ਦਿਨੀਂ ਅਮਰ ਸਿੰਘ ਚਮਕੀਲਾ ਦੀ ਬਾਇਓਪਿਕ 'ਚ ਬਿਜ਼ੀ ਹਨ। ਉਹ ਸੰਗਰੂਰ 'ਚ ਫਿਲਮ ਦੀ ਸ਼ੂਟਿੰਗ ਕਰ ਰਹੇ ਹਨ। ਇਸ ਦੌਰਾਨ ਦਿਲਜੀਤ ਲਗਾਤਾਰ ਸੁਰਖੀਆਂ 'ਚ ਬਣੇ ਹੋਏ ਹਨ। ਹਰ ਦਿਨ ਦਿਲਜੀਤ ਦੀਆਂ ਚਮਕੀਲਾ ਦੇ ਸੈੱਟ ਤੋਂ ਨਵੀਆਂ ਤਸਵੀਰਾਂ ਤੇ ਵੀਡੀਓਜ਼ ਸਾਹਮਣੇ ਆਉਂਦੀਆਂ ਰਹਿੰਦੀਆਂ ਹਨ। ਦਿਲਜੀਤ ਦਾ ਚਮਕੀਲਾ ਲੁੱਕ ਕਾਫੀ ਜ਼ਿਆਦਾ ਵਾਇਰਲ ਹੋ ਰਿਹਾ ਹੈ । ਰਿਪੋਰਟਾਂ ਮੁਤਾਬਕ ਬਾਲੀਵੁਡ ਅਦਾਕਾਰਾ ਪਰੀਨਿਤੀ ਚੋਪੜਾ ਇਸ ਫਿਲਮ ਚ ਅਮਰਜੋਤ ਦਾ ਕਿਰਦਾਰ ਨਿਭਾਉਂਦੀ ਹੋਈ ਨਜ਼ਰ ਆਉਣ ਵਾਲੀ ਹੈ ।
ਇਹ ਵੀ ਪੜ੍ਹੋ: ਜੈਜ਼ੀ ਬੀ ਦੀ ਕਾਮਯਾਬੀ ਦਾ ਕੀ ਹੈ ਰਾਜ਼, ਗਾਇਕ ਨੇ ਵੀਡੀਓ ਸ਼ੇਅਰ ਕਰ ਦੱਸਿਆ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
