Parmish Verma Pics: ਪੰਜਾਬੀ ਕਲਾਕਾਰਾਂ ਦੀ ਪੂਰੀ ਦੁਨੀਆ 'ਚ ਫੈਨ ਫਾਲੋਇੰਗ ਹੈ। ਫੈਨਜ਼ ਆਪਣੇ ਚਹੇਤੇ ਪੰਜਾਬੀ ਕਲਾਕਾਰਾਂ ਦੀ ਇੱਕ ਝਲਕ ਪਾਉਣ ਲਈ ਬੇਤਾਬ ਰਹਿੰਦੇ ਹਨ। ਪਰ ਕਈ ਵਾਰ ਸੈਲੇਬਸ ਵੀ ਫੈਨਜ਼ ਨੂੰ ਦੇਖ ਕੇ ਅਜਿਹਾ ਰਿਐਕਸ਼ਨ ਦਿੰਦੇ ਹਨ, ਜਿਸ ਦੀ ਚਾਰੇ ਪਾਸੇ ਚਰਚਾ ਹੋ ਜਾਂਦੀ ਹੈ।
ਇਹ ਵੀ ਪੜ੍ਹੋ: ਆਦਿਤਿਆ ਪ੍ਰਤੀਕ ਸਿਸੋਦੀਆ ਕਿਵੇਂ ਬਣਿਆ ਰੈਪਰ ਬਾਦਸ਼ਾਹ? ਨਾਂ ਦਾ ਸ਼ਾਹਰੁਖ ਖਾਨ ਨਾਲ ਹੈ ਕਨੈਕਸ਼ਨ
ਅਜਿਹਾ ਹੀ ਕੁੱਝ ਪਰਮੀਸ਼ ਵਰਮਾ ਨਾਲ ਹੋਇਆ ਹੈ। ਉਹ ਪੰਜਾਬੀ ਇੰਡਸਟਰੀ ਦੇ ਟੌਪ ਗਾਇਕਾਂ ਵਿੱਚੋਂ ਇੱਕ ਤਾਂ ਹੈ ਹੀ, ਨਾਲ ਹੀ ਉਹ ਆਪਣੇ ਡਾਊਨ ਟੂ ਅਰਥ ਸੁਭਾਅ ਕਰਕੇ ਵੀ ਜਾਣਿਆ ਜਾਂਦਾ ਹੈ। ਹਾਲ ਹੀ 'ਚ ਪਰਮੀਸ਼ ਆਪਣੀ ਇੱਕ ਸੋਸ਼ਲ ਮੀਡੀਆ ਪੋਸਟ ਕਰਕੇ ਚਰਚਾ ਵਿੱਚ ਆ ਗਿਆ ਹੈ।
ਗਾਇਕ ਨੇ ਕੁੱਝ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀਆਂ ਹਨ, ਜਿਨ੍ਹਾਂ ਵਿੱਚ ਉਹ ਆਪਣੀ ਇੱਕ ਫੀਮੇਲ ਫੈਨ ਨੂੰ ਮਿਲਦਾ ਹੋਇਆ ਨਜ਼ਰ ਆ ਰਿਹਾ ਹੈ। ਇਹ ਫੀਮੇਲ ਫੈਨ ਪਰਮੀਸ਼ ਨੂੰ ਦੇਖ ਕੇ ਕਾਫੀ ਭਾਵੁਕ ਹੋ ਜਾਂਦੀ ਹੈ। ਇਸ ਤੋਂ ਬਾਅਦ ਪਰਮੀਸ਼ ਨੇ ਉਸ ਨੂੰ ਨਾ ਸਿਰਫ ਗਲ ਨਾਲ ਲਗਾਇਆ, ਸਗੋਂ ਉਸ ਦੇ ਅੱਗੇ ਗੋਡਿਆਂ ਭਾਰ ਬਹਿ ਕੇ ਸਿਰ ਵੀ ਝੁਕਾ ਲਿਆ। ਪਰਮੀਸ਼ ਦਾ ਫੈਨ ਨਾਲ ਇਹ ਡਾਊਨ ਟੂ ਅਰਥ ਸੁਭਾਅ ਲੋਕਾਂ ਦਾ ਦਿਲ ਜਿੱਤ ਰਿਹਾ ਹੈ।
ਕਿਉਂ ਝੁਕਾਇਆ ਫੈਨ ਦੇ ਸਾਹਮਣੇ ਸਿਰ?
ਹੁਣ ਤੁਸੀਂ ਸੋਚ ਰਹੇ ਹੋਵੋਗੇ ਕਿ ਪਰਮੀਸ਼ ਵਰਮਾ ਨੇ ਆਪਣੀ ਫੈਨ ਸਾਹਮਣੇ ਸਿਰ ਕਿਉਂ ਝੁਕਾਇਆ? ਇਸ ਦੀ ਵਜ੍ਹਾ ਗਾਇਕ ਨੇ ਖੁਦ ਸੋਸ਼ਲ ਮੀਡੀਆ 'ਤੇ ਦੱਸੀ ਹੈ। ਇਨ੍ਹਾਂ ਤਸਵੀਰਾਂ ਨੂੰ ਸ਼ੇਅਰ ਕਰਦਿਆਂ ਪਰਮੀਸ਼ ਨੇ ਕੈਪਸ਼ਨ 'ਚ ਕਿਹਾ, 'ਫੈਨਜ਼ ਆਪਣੇ ਮਨਪਸੰਦ ਕਲਾਕਾਰਾਂ ਨੂੰ ਮਿਲਦੇ ਹਨ, ਪਰ ਮੈਂ ਆਪਣੇ ਰੱਬ ਨੂੰ ਮਿਲਦਾ ਹਾਂ। ਜੇ ਤੁਸੀਂ ਸਭ (ਫੈਨਜ਼) ਨਾ ਹੁੰਦੇ ਤਾਂ ਮੈਂ ਕਦੇ ਵੀ ਇੱਥੇ ਤੱਕ ਨਹੀਂ ਪਹੁੰਚਣਾ ਸੀ। ਜੋ ਕੁੱਝ ਮੈਂ 6 ਸਾਲਾਂ 'ਚ ਹਾਸਲ ਕੀਤਾ ਇਹ ਸਾਰੀਆਂ ਯਾਦਾਂ ਤੁਹਾਡੀ ਹੀ ਦੇਣ ਹੈ।' ਦੇਖੋ ਪਰਮੀਸ਼ ਦੀ ਇਹ ਪੋਸਟ:
ਕਾਬਿਲੇਗ਼ੌਰ ਹੈ ਕਿ ਪਰਮੀਸ਼ ਵਰਮਾ ਹਾਲ ਹੀ 'ਚ ਕਾਫੀ ਜ਼ਿਆਦਾ ਸੁਰਖੀਆਂ 'ਚ ਰਿਹਾ ਸੀ। ਉਸ ਨੇ ਹਾਲ ਹੀ 'ਚ ਸ਼ਾਨਦਾਰ ਮਰਸਡੀਜ਼ ਦੀ ਜੀ ਵੈਗਨ ਕਾਰ ਖਰੀਦੀ ਸੀ। ਇਸ ਕਾਰ ਦੀ ਕੀਮਤ ਲਗਭਗ ਢਾਈ ਕਰੋੜ ਸੀ। ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਪਰਮੀਸ਼ ਦਾ ਹਾਲ ਹੀ 'ਚ ਗਾਣਾ 'ਨੋ ਰੀਜ਼ਨ' ਰਿਲੀਜ਼ ਹੋਇਆ ਸੀ। ਜਿਸ ਨੂੰ ਲੋਕਾਂ ਦਾ ਖੂਬ ਪਿਆਰ ਮਿਲਿਆ ਸੀ।