Kaka New Song: ਪੰਜਾਬੀ ਸਿੰਗਰ ਕਾਕਾ ਦੇ ਅਗਲੇ ਗੀਤ `ਸੱਚ ਚਾਹੀਦਾ` ਦਾ ਟੀਜ਼ਰ ਰਿਲੀਜ਼, ਦੇਖੋ ਵੀਡੀਓ
Kaka New Song: ਪੰਜਾਬੀ ਸਿੰਗਰ ਨੇ ਆਪਣੇ ਇੱਕ ਹੋਰ ਗੀਤ ਦੇ ਵੀਡੀਓ ਦਾ ਐਲਾਨ ਕਰ ਦਿਤਾ ਹੈ। ਇਹ ਗੀਤ ਹੈ `ਸੱਚ ਚਾਹੀਦਾ। ਇਸ ਗੀਤ ਦੀ ਆਡੀਓ ਪਹਿਲਾਂ ਰਿਲੀਜ਼ ਕੀਤੀ ਗਈ ਸੀ, ਪਰ ਹੁਣ ਕਾਕਾ ਨੇ ਇਸ ਗੀਤ ਦੀ ਵੀਡੀਓ ਰਿਲੀਜ਼ ਕਰਨ ਦਾ ਐਲਾਨ ਕੀਤਾ ਹੈ
Punjabi SInger Kaka New Song: ਪੰਜਾਬੀ ਸਿੰਗਰ ਕਾਕਾ ਇੰਨੀਂ ਦਿਨੀਂ ਲਗਾਤਾਰ ਸੁਰਖੀਆਂ `ਚ ਬਣੇ ਹੋਏ ਹਨ। ਉਨ੍ਹਾਂ ਦਾ ਗਾਣਾ `ਮਿੱਟੀ ਦੇ ਟਿੱਬੇ` ਸੁਪਰਹਿੱਟ ਹੋ ਚੁੱਕਿਆ ਹੈ ਅਤੇ ਹਾਲੇ ਤੱਕ ਟਰੈਂਡਿੰਗ `ਚ ਚੱਲ ਰਿਹਾ ਹੈ। ਇਸ ਨੂੰ ਹੁਣ ਤੱਕ 28 ਮਿਲੀਅਨ ਯਾਨਿ 2 ਕਰੋੜ 80 ਲੱਖ ਲੋਕ ਦੇਖ ਚੁੱਕੇ ਹਨ। ਇਸ ਗੀਤ ਨੂੰ ਉਨ੍ਹਾਂ ਦੇ ਫ਼ੈਨਜ਼ ਹੀ ਨਹੀਂ ਹਰ ਮਿਊਜ਼ਿਕ ਲਵਰ ਖੂਬ ਪਸੰਦ ਕਰ ਰਿਹਾ ਹੈ। ਇਸ ਦੇ ਨਾਲ ਹੀ ਕਾਕਾ ਆਪਣੇ ਕੈਨੇਡਾ ਟੂਰ ਕਰਕੇ ਵੀ ਖੂਬ ਸੁਰਖੀਆਂ ਬਟੋਰ ਰਹੇ ਹਨ।
ਹੁਣ ਕਾਕਾ ਇੱਕ ਵਾਰ ਫ਼ਿਰ ਤੋਂ ਲਾਈਮ ਲਾਈਟ ਵਿੱਚ ਆ ਗਏ ਹਨ। ਜੀ ਹਾਂ ਪੰਜਾਬੀ ਸਿੰਗਰ ਨੇ ਆਪਣੇ ਇੱਕ ਹੋਰ ਗੀਤ ਦੇ ਅਧਿਕਾਰਤ ਵੀਡੀਓ ਦਾ ਐਲਾਨ ਕਰ ਦਿਤਾ ਹੈ। ਇਹ ਗੀਤ ਹੈ `ਸੱਚ ਚਾਹੀਦਾ।` ਹਾਲਾਂਕਿ ਇਸ ਗੀਤ ਦੀ ਆਡੀਓ ਪਹਿਲਾਂ ਰਿਲੀਜ਼ ਕੀਤੀ ਗਈ ਸੀ, ਪਰ ਹੁਣ ਕਾਕਾ ਨੇ ਇਸ ਗੀਤ ਦੀ ਵੀਡੀਓ ਰਿਲੀਜ਼ ਕਰਨ ਦਾ ਐਲਾਨ ਕੀਤਾ ਹੈ। ਇਸ ਗੀਤ ਦਾ ਟੀਜ਼ਰ ਰਿਲੀਜ਼ ਹੋ ਚੁੱਕਿਆ ਹੈ, 40 ਸਕਿੰਟਾਂ ਦਾ ਟੀਜ਼ਰ ਦੇਖ ਇੰਜ ਲਗਦਾ ਹੈ ਕਿ ਕਾਕਾ ਦਾ ਇਹ ਗਾਣਾ ਵੀ ਜ਼ਬਰਦਸਤ ਹਿੱਟ ਹੋਣ ਵਾਲਾ ਹੈ। ਦੇਖੋ ਟੀਜ਼ਰ:
View this post on Instagram
ਇਸ ਗੀਤ ਦੇ ਟੀਜ਼ਰ ਨੂੰ ਕਾਕਾ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ `ਤੇ ਰਿਲੀਜ਼ ਕੀਤਾ ਹੈ। ਇਸ ਗਾਣੇ ਦਾ ਐਲਾਨ ਕਰਦਿਆਂ ਉਨ੍ਹਾਂ ਨੇ ਕੈਪਸ਼ਨ `ਚ ਲਿਖਿਆ, "ਕਦੇ ਕਦੇ ਪਿਆਰ `ਚ ਸਿਰਫ਼ ਸੱਚ ਚਾਹੀਦਾ ਹੁੰਦਾ। ਹੋਰ ਕੁੱਝ ਨਹੀਂ, ਕੁੱਝ ਜ਼ਿਆਦਾ ਨਹੀਂ।" ਦੱਸ ਦਈਏ ਕਿ ਇਸ ਗੀਤ ਨੂੰ ਕਾਕਾ ਦੇ ਆਪਣੇ ਅਧਿਕਾਰਤ ਯੂਟਿਊਬ ਚੈਨਲ `ਤੇ ਰਿਲੀਜ਼ ਕੀਤਾ ਜਾਵੇਗਾ।
ਇਸ ਗੀਤ ਨੂੰ ਆਵਾਜ਼ ਤੇ ਸੰਗੀਤ ਖੁਦ ਕਾਕਾ ਨੇ ਦਿਤਾ ਹੈ। ਇਸ ਗੀਤ ਦੇ ਬੋਲ ਵੀ ਕਾਕਾ ਦੇ ਹਨ। ਇਸ ਗੀਤ `ਚ ਮਾਡਲ ਸ਼ਿਵਾਨੀ ਨਰਿਆਲ ਲੀਡ ਰੋਲ ਕਰਦੀ ਨਜ਼ਰ ਆਵੇਗੀ। ਇਸ ਗੀਤ ਨੂੰ ਕਾਕਾ ਜੀ ਰਿਕਾਰਡਜ਼ ਦੇ ਬੈਨਰ ਹੇਠ ਰਿਲੀਜ਼ ਕੀਤਾ ਜਾ ਰਿਹਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
