Parmish Verma Daughter: ਪਰਮੀਸ਼ ਵਰਮਾ ਦੇ ਘਰ ਹਾਲ ਹੀ `ਚ ਉਨ੍ਹਾਂ ਦੀ ਧੀ ਸਦਾ ਨੇ ਜਨਮ ਲਿਆ ਹੈ। ਸਦਾ ਦੇ ਆਪਣੀ ਜ਼ਿੰਦਗੀ `ਚ ਆਉਣ ਨਾਲ ਸਿਰਫ਼ ਪਰਮੀਸ਼ ਹੀ ਨਹੀਂ, ਉਨ੍ਹਾਂ ਦਾ ਪੂਰਾ ਪਰਿਵਾਰ ਬੇਹੱਦ ਖੁਸ਼ ਹੈ। ਪਿਛਲੇ ਦਿਨੀਂ ਪਰਮੀਸ਼ ਦੇ ਮੰਮੀ ਡੈਡੀ ਆਪਣੀ ਪੋਤੀ ਨੂੰ ਦੇਖਣ ਲਈ ਕੈਨੇਡਾ ਪਹੁੰਚੇ ਸੀ। ਹੁਣ ਪਰਮੀਸ਼ ਵਰਮਾ ਦਾ ਛੋਟਾ ਭਰਾ ਵੀ ਕੈਨੇਡਾ ਪਹੁੰਚ ੁਗਿਆ ਹੈ, ਜਿਸ ਦੀਆਂ ਤਸਵੀਰਾਂ ਗਾਇਕ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਤੇ ਸ਼ੇਅਰ ਕੀਤੀਆਂ ਹਨ।
ਪਰਮੀਸ਼ ਵਰਮਾ ਨੇ ਤਸਵੀਰ ਸ਼ੇਅਰ ਕਰਦਿਆਂ ਕੈਪਸ਼ਨ `ਚ ਲਿਖਿਆ, "ਚਾਚਾ ਮੀਟਸ ਸਦਾ।" ਜਿਸ ਦਾ ਮਤਲਬ ਹੈ ਕਿ ਚਾਚਾ ਆਪਣੀ ਭਤੀਜੀ ਸਦਾ ਨੂੰ ਮਿਲਦੇ ਹੋਏ। ਦਰਅਸਲ, ਪਰਮੀਸ਼ ਨੇ ਇਸ ਦੀ ਵੀਡੀਓ ਆਪਣੇ ਇੰਸਟਾਗ੍ਰਾਮ ਦੀ ਸਟੋਰੀ ਤੇ ਸ਼ੇਅਰ ਕੀਤੀ ਹੈ, ਜਿਸ ਵਿੱਚ ਪਰਮੀਸ਼ ਦੇ ਭਰਾ ਸੁਖਮਨ ਵਰਮਾ ਯਾਨਿ ਸਦਾ ਦੇ ਚਾਚਾ ਆਪਣੀ ਭਤੀਜੀ ਨੂੰ ਖਿਡਾਉਂਦੇ ਨਜ਼ਰ ਆ ਰਹੇ ਹਨ।
ਦਸ ਦਈਏ ਕਿ ਪਰਮੀਸ਼ ਵਰਮਾ ਨੇ 30 ਸਤੰਬਰ ਨੂੰ ਸੋਸ਼ਲ ਮੀਡੀਆ ਤੇ ਪੋਸਟ ਸ਼ੇਅਰ ਕਰ ਖੁਸ਼ਖਬਰੀ ਫ਼ੈਨਜ਼ ਨਾਲ ਸਾਂਝੀ ਕੀਤੀ ਸੀ ਕਿ ਉਨ੍ਹਾਂ ਦੇ ਘਰ ਬੇਟੀ ਸਦਾ ਨੇ ਜਨਮ ਲਿਆ ਹੈ। ਇਸ ਤੋਂ ਬਾਅਦ ਪਰਮੀਸ਼ ਨੇ ਧੀ ਦਾ ਸਵਾਗਤ ਪੂਰੀ ਧੂਮਧਾਮ ਤੇ ਬੈਂਡ ਵਾਜੇ ਦੇ ਨਾਲ ਕੀਤਾ।
ਇਸ ਦੇ ਨਾਲ ਨਾਲ ਪਰਮੀਸ਼ ਸ਼ੈਰੀ ਮਾਨ ਨਾਲ ਵਿਵਾਦ ਨੂੰ ਲੈਕੇ ਵੀ ਸੁਰਖੀਆਂ `ਚ ਰਹੇ ਹਨ। ਬੀਤੇ ਦਿਨ ਸ਼ੈਰੀ ਮਾਨ ਨੇ ਇੱਕ ਨਿੱਜੀ ਚੈਨਲ ਨੂੰ ਇੰਟਰਵਿਊ ਦਿਤਾ ਸੀ, ਜਿਸ ਵਿੱਚ ਉਨ੍ਹਾਂ ਨੇ ਪਰਮੀਸ਼ ਵਰਮਾ ਨੇ ਤਿੱਖੇ ਨਿਸ਼ਾਨੇ ਲਾਏ ਸੀ। ਮਾਨ ਨੇ ਕਿਹਾ ਸੀ ਕਿ ਇੰਡਸਟਰੀ `ਚ ਕੋਈ ਦੋਸਤ ਨੀ ਹੁੰਦਾ, ਇੱਥੇ ਰਿਸ਼ਤੇ ਬੱਸ ਲੈਣ ਦੇਣ ਦੇ ਨੇ। ਖੈਰ ਹਾਲੇ ਤੱਕ ਪਰਮੀਸ਼ ਦਾ ਇਸ ਤੇ ਕੋਈ ਜਵਾਬ ਨਹੀਂ ਆਇਆ ਹੈ।