ਫਿਰ ਚੱਲੇਗਾ 'ਰੱਬ ਦਾ ਰੇਡੀਓ', ਤਰਸੇਮ ਜੱਸੜ ਤੇ ਸਿੰਮੀ ਚਾਹਲ ਦਾ ਕਮਾਲ

ਚੰਡੀਗੜ੍ਹ: ਓਮਜੀ ਪ੍ਰੋਡਕਸ਼ਨ ਨੇ ਆਪਣੇ ਇੰਸਟਾਗ੍ਰਾਮ ਪੇਜ ‘ਤੇ ‘ਰੱਬ ਦਾ ਰੇਡੀਓ 2’ ਦੀ ਸ਼ੂਟਿੰਗ ਸ਼ੁਰੂ ਹੋਣ ਦੀ ਜਾਣਕਾਰੀ ਦਿੱਤੀ ਹੈ। ‘ਰੱਬ ਦਾ ਰੇਡੀਓ’ ਲੋਕਾਂ ਨੂੰ ਕਾਫੀ ਪਸੰਦ ਆਈ ਸੀ ਤੇ ਬਾਕਸ ਆਫਿਸ ‘ਤੇ ਵੀ ਫ਼ਿਲਮ ਨੇ ਚੰਗਾ ਪ੍ਰਦਰਸ਼ਨ ਕੀਤਾ ਸੀ। ਇਸ ਫ਼ਿਲਮ ‘ਚ ਗਾਇਕ ਤਰਸੇਮ ਜੱਸੜ ਤੇ ਖੂਬਸੂਰਤ ਐਕਟ੍ਰੈੱਸ ਸਿੰਮੀ ਚਾਹਲ ਲੀਡ ਰੋਲ `ਚ ਨਜ਼ਰ ਆਏ ਸੀ। ‘ਰੱਬ ਦਾ ਰੇਡੀਓ 2’ ‘ਚ ਵੀ ਤਰਸੇਮ ਜੱਸੜ ਤੇ ਸਿੰਮੀ ਚਾਹਲ ਹੀ ਲੀਡ ਰੋਲ ਨਿਭਾਅ ਰਹੇ ਹਨ। ਇਸ ਬਾਰੇ ਕੁਝ ਦਿਨ ਪਹਿਲਾਂ ਸਿੰਮੀ ਚਾਹਲ ਨੇ ਕਿਹਾ ਸੀ ਕਿ ‘ਰੱਬ ਦਾ ਰੇਡੀਓ 2’ ਦਾ ਸ਼ੂਟ ਸ਼ੁਰੂ ਹੋ ਚੁੱਕਿਆ ਹੈ। ਅੱਜ ਓਮਜੀ ਪ੍ਰੋਡਕਸ਼ਨ ਵੱਲੋਂ ਫਿਲਮ ਦੇ ਪਹਿਲੇ ਸੀਨ ਦੇ ਕਲਿਪ ਦੀ ਤਸਵੀਰ ਸ਼ੇਅਰ ਕਰ ਪੱਕੀ ਮੋਹਰ ਲਾ ਦਿੱਤੀ ਹੈ। ਇਹ ਫਿਲਮ ਵਿਹਲੀ ਜਨਤਾ ਰਿਕਾਰਡਸ ਵੱਲੋਂ ਪੇਸ਼ ਕੀਤੀ ਗਈ ਸੀ ਪਰ ਹੁਣ ਓਮਜੀ ਪ੍ਰੋਡਕਸ਼ਨ ਦਾ ਵੀ ਸਾਥ ਮਿਲ ਰਿਹਾ ਹੈ।

View this post on Instagram

 

Proud and humbled to produce sequel of the most loved film of 2017, Rabb Da Radio. A big thanks to Vehli Janta Films for making us a part of this masterpiece of Punjabi Cinema. #RabbDaRadio2 @tarsemjassar #ManpreetJohal @simichahal9 #JassGrewal #Sharanjit #OmjeeGroup #AshuMunishSahni #AniketKawade

A post shared by Omjeegroup (@omjeegroup) on Dec 3, 2018 at 12:50am PST

‘ਰੱਬ ਦਾ ਰੇਡੀਓ 2’ ਦੇ ਡਾਇਰੈਕਸ਼ਨ ਤਰਨਵੀਰ ਸਿੰਘ ਜਗਪਾਲ ਹੈਰੀ ਭੱਟੀ ਹੋਰਾਂ ਵੱਲੋਂ ਕੀਤਾ ਜਾਣਾ ਹੈ। ‘ਰੱਬ ਦਾ ਰੇਡੀਓ’ ਦੀ ਸਫਲਤਾ ਦੀ ਗੱਲ ਕਰੀਏ ਤਾਂ ਫਿਲਮ ਨੇ 10 ਵੱਖ-ਵੱਖ ਤਰ੍ਹਾਂ ਦੇ ਫਿਲਮ ਐਵਾਰਡ ਜਿੱਤੇ ਹਨ ਤੇ ਤਕਰੀਬਨ 49 ਵਾਰ ਨੌਮੀਨੇਟ ਹੋਈ ਸੀ। ਫਿਲਮ ਨੇ ਵੱਡੇ ਪਰਦੇ ਤੇ ਕੁੱਲ 16 ਕਰੋੜ ਦੀ ਵੱਡੀ ਕਮਾਈ ਕੀਤੀ ਸੀ। ਹੁਣ ‘ਰੱਬ ਦਾ ਰੇਡੀਓ 2’ ਦੀ ਰਿਲੀਜ਼ ਡੇਟ ਬਾਰੇ ਅਜੇ ਕੋਈ ਖੁਲਾਸਾ ਨਹੀਂ ਕੀਤਾ ਗਿਆ ਹੈ ਪਰ ਅਗਲੇ ਸਾਲ ਯਾਨੀ 2019 ‘ਚ ਹੀ ਰਿਲੀਜ਼ ਕੀਤੀ ਜਾ ਸਕਦੀ ਹੈ।