ਰਣਬੀਰ ਕਪੂਰ ਨੇ ਪਤਨੀ ਆਲੀਆ ਭੱਟ ਦੇ ਵਧੇ ਭਾਰ ਦਾ ਉਡਾਇਆ ਮਜ਼ਾਕ, ਟਰੋਲ ਹੋਣ ਤੋਂ ਬਾਅਦ ਮੰਗੀ ਮੁਆਫ਼ੀ

Ranbir Kapoor Apologizes To Alia Bhatt: ਰਣਬੀਰ ਕਪੂਰ ਨੇ ਲਾਈਵ ਚੈਟ ਦੌਰਾਨ ਪਤਨੀ ਆਲੀਆ ਭੱਟ ਦੀ ਗਰਭਵਤੀ ਸਰੀਰ 'ਤੇ ਟਿੱਪਣੀ ਕੀਤੀ ਸੀ, ਜਿਸ ਕਾਰਨ ਉਨ੍ਹਾਂ ਨੂੰ ਸੋਸ਼ਲ ਮੀਡੀਆ 'ਤੇ ਕਾਫੀ ਟ੍ਰੋਲਿੰਗ ਦਾ ਸਾਹਮਣਾ ਕਰਨਾ ਪਿਆ ਸੀ।

ਰਣਬੀਰ ਕਪੂਰ, ਆਲੀਆ ਭੱਟ

Ranbir Kapoor Alia Bhatt: ਰਣਬੀਰ ਕਪੂਰ ਤੇ ਆਲੀਆ ਭੱਟ ਜਲਦ ਹੀ ਮੰਮੀ ਡੈਡੀ ਬਣਨ ਜਾ ਰਹੇ ਹਨ। ਆਲੀਆ ਭੱਟ ਪ੍ਰੈਗਨੈਂਟ ਹੈ, ਤੇ ਜ਼ਾਹਰ ਹੈ ਕਿ ਹਰ ਔਰਤ ਦਾ ਪ੍ਰੈਗਨੈਂਸੀ ਦੌਰਾਨ ਵਜ਼ਨ ਵਧ ਜਾਂਦਾ ਹੈ। ਅਜਿਹੇ `ਚ ਰਣਬੀਰ ਕਪੂਰ ਨੇ ਆਪਣੀ ਪਤਨੀ ਦੇ ਵਧੇ ਹੋਏ ਵਜ਼ਨ ਦਾ ਮਜ਼ਾਕ ਉਡਾ ਦਿਤਾ ਸੀ। ਜਿਸ ਨੂੰ ਲੈਕੇ ਉਨ੍ਹਾਂ ਨੂੰ (ਰਣਬੀਰ) ਖੂਬ ਟਰੋਲ ਕੀਤਾ ਗਿਆ। ਪਰ ਹੁਣ ਰਣਬੀਰ ਨੇ ਆਪਣੀ ਗ਼ਲਤੀ ਮੰਨਦੇ ਹੋਏ ਆਪਣੀ ਟਿੱਪਣੀ ਵਾਪਸ ਲਈ ਤੇ ਨਾਲ ਹੀ ਆਲੀਆ ਦਾ ਮਜ਼ਾਕ ਉਡਾਉਣ ਲਈ ਮੁਆਫ਼ੀ ਵੀ ਮੰਗੀ।

ਰਣਬੀਰ ਕਪੂਰ ਨੇ ਸਪੱਸ਼ਟੀਕਰਨ ਦਿੱਤਾ
ਮੀਡੀਆ ਨਾਲ ਗੱਲਬਾਤ ਦੌਰਾਨ ਰਣਬੀਰ ਤੋਂ ਪੁੱਛਿਆ ਗਿਆ ਕਿ ਕੀ ਉਹ ਆਪਣੀ ਟਿੱਪਣੀ ਬਾਰੇ ਸਪੱਸ਼ਟੀਕਰਨ ਦੇਣਾ ਚਾਹੁੰਦੇ ਹਨ? ਕਿਉਂਕਿ ਲੋਕ ਉਨ੍ਹਾਂ ਤੋਂ ਨਾਰਾਜ਼ ਹਨ। ਉਨ੍ਹਾਂ ਨੇ ਤੁਰੰਤ ਮੁਆਫੀ ਮੰਗੀ ਅਤੇ ਇਹ ਵੀ ਮੰਨਿਆ ਕਿ ਉਨ੍ਹਾਂ ਨੇ ਕਿਸੇ ਬੁਰੇ ਮਕਸਦ ਨਾਲ ਇਹ ਟਿੱਪਣੀ ਨਹੀਂ ਕੀਤੀ ਸੀ। ਰਣਬੀਰ ਨੇ ਕਿਹਾ, "ਹਾਂ, ਬੇਸ਼ੱਕ। ਸਭ ਤੋਂ ਪਹਿਲਾਂ ਮੈਂ ਇਹ ਕਹਿਣਾ ਚਹਾਂਗਾ ਕਿ ਮੈਂ ਆਪਣੀ ਪਤਨੀ ਨੂੰ ਬੇਹੱਦ ਪਿਆਰ ਕਰਦਾਂ ਹਾਂ। ਮੈਂ ਉਨ੍ਹਾਂ ਨਾਲ ਸਿਰਫ਼ ਪਿਆਰ ਭਰੇ ਲਹਿਜ਼ੇ ਵਿੱਚ ਮਜ਼ਾਕ ਕੀਤਾ ਸੀ। ਮੈਨੂੰ ਨਹੀਂ ਪਤਾ ਸੀ ਕਿ ਇਹ ਮਜ਼ਾਕ ਸੀਰੀਅਸ ਰੂਪ ਲੈ ਲਵੇਗਾ। ਮੈਂ ਕਿਸੇ ਨੂੰ ਕਿਹਾ ਕਿ ਮੈਂ ਜੇਕਰ ਮੈਂ ਤੁਹਾਨੂੰ ਠੇਸ ਪਹੁੰਚਾਈ ਹੈ ਤਾਂ ਸੱਚਮੁੱਚ ਮਾਫੀ ਮੰਗਣਾ ਚਾਹੁੰਦਾ ਹਾਂ। ਇਹ ਮੇਰਾ ਇਰਾਦਾ ਨਹੀਂ ਸੀ। ਇਸ ਲਈ ਮੈਂ ਉਨ੍ਹਾਂ ਤੋਂ ਮੁਆਫੀ ਮੰਗਣਾ ਚਾਹੁੰਦਾ ਹਾਂ ਜੋ ਨਾਰਾਜ਼ ਹੋਏ ਹਨ। ਮੈਂ ਇਸ ਬਾਰੇ ਆਲੀਆ ਨਾਲ ਗੱਲ ਕੀਤੀ ਅਤੇ ਉਹ ਸੱਚਮੁੱਚ ਹੱਸ ਪਈ ਅਤੇ ਉਸ ਨੇ ਕੋਈ ਇਤਰਾਜ਼ ਨਹੀਂ ਕੀਤਾ। ਪਰ ਮੈਂ ਇਹ ਵੀ ਕਬੂਲ ਕਰਨਾ ਚਹਾਂਗਾ ਕਿ ਮੇਰਾ ਸੈਂਸ ਆਫ਼ ਹਿਊਮਰ ਬੇਹੱਦ ਖਰਾਬ ਹੈ। ਕਈ ਦਫ਼ਾ ਇੰਜ ਹੋ ਜਾਂਦਾ ਹੈ ਕਿ ਮੇਰਾ ਮਜ਼ਾਕ ਮੇਰੇ `ਤੇ ਹੀ ਪੁੱਠਾ ਪੈ ਜਾਂਦਾ ਹੈ। ਇਸ ਲਈ ਜੇਕਰ ਮੈਂ ਇਸ ਨਾਲ ਕਿਸੇ ਨੂੰ ਠੇਸ ਪਹੁੰਚਾਈ ਹੈ ਤਾਂ ਮੈਂ ਮਾਫੀ ਚਾਹੁੰਦਾ ਹਾਂ।"

ਰਣਬੀਰ ਕਪੂਰ ਨੇ ਇਹ ਬਿਆਨ ਦਿੱਤਾ ਹੈ
ਯੂਟਿਊਬ 'ਤੇ ਲਾਈਵ ਸੈਸ਼ਨ ਦੌਰਾਨ, ਰਣਬੀਰ ਨੇ ਆਲੀਆ ਨੂੰ ਬੌਡੀ ਸ਼ੇਮ (ਯਾਨਿ ਵਧੇ ਭਾਰ ਦਾ ਮਜ਼ਾਕ ਉਡਾਉਣਾ) ਕੀਤਾ। ਪ੍ਰਮੋਸ਼ਨਲ ਲਾਈਵ ਚੈਟ ਦੌਰਾਨ, ਆਲੀਆ ਨੇ ਪ੍ਰਮੋਸ਼ਨ ਬਾਰੇ ਕਿਹਾ ਕਿ ਜੇਕਰ ਤੁਸੀਂ ਇਹ ਸਵਾਲ ਪੁੱਛ ਰਹੇ ਹੋ ਕਿ ਅਸੀਂ ਹਰ ਜਗ੍ਹਾ ਫੈਲੋਕਿਉਂ ਨਹੀਂ ਹਾਂ, ਤਾਂ ਸਾਡਾ ਧਿਆਨ ਹੈ ਅਤੇ ਅਸੀਂ ਇਹ ਵੀ ਕਰਾਂਗੇ..." ਇਸ ਦੌਰਾਨ ਰਣਬੀਰ ਨੇ ਇਹ ਕਹਿੰਦੇ ਹੋਏ ਰੋਕਿਆ, " ਮੈਂ ਦੇਖ ਸਕਦਾ ਹਾਂ ਕਿ ਕੋਈ ਹੋਰ ਅਸਫਲ ਹੋ ਰਿਹਾ ਹੈ।" ਰਣਬੀਰ ਦਾ ਇਹ ਜਵਾਬ ਸੁਣ ਕੇ ਆਲੀਆ ਹੈਰਾਨ ਰਹਿ ਜਾਂਦੀ ਹੈ ਅਤੇ ਆਪਣੇ ਬੇਬੀ ਬੰਪ ਵੱਲ ਦੇਖਦੀ ਹੈ ਅਤੇ ਫਿਰ ਹੈਰਾਨੀ ਨਾਲ ਰਣਬੀਰ ਵੱਲ ਦੇਖਦੀ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਆਲੀਆ ਅਤੇ ਰਣਬੀਰ ਜਲਦ ਹੀ ਆਪਣੇ ਪਹਿਲੇ ਬੱਚੇ ਦਾ ਸਵਾਗਤ ਕਰਨ ਲਈ ਤਿਆਰ ਹਨ। ਉਨ੍ਹਾਂ ਨੇ ਇਸ ਸਾਲ ਅਪ੍ਰੈਲ 'ਚ ਵਿਆਹ ਕੀਤਾ ਸੀ। ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਦੋਵੇਂ 'ਬ੍ਰਹਮਾਸਤਰ' 'ਚ ਪਹਿਲੀ ਵਾਰ ਸਕਰੀਨ ਸ਼ੇਅਰ ਕਰਦੇ ਨਜ਼ਰ ਆਉਣਗੇ। ਇਸ ਵਿੱਚ ਅਮਿਤਾਭ ਬੱਚਨ ਅਤੇ ਮੌਨੀ ਰਾਏ ਵੀ ਹਨ। ਇਹ ਫਿਲਮ 9 ਸਤੰਬਰ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ।