‘ਸ਼ਮਸ਼ੇਰਾ’ ‘ਚ ਕੁਝ ਅਜਿਹਾ ਕਿਰਦਾਰ ਨਿਭਾਅ ਰਹੇ  ਰਣਬੀਰ ਕਪੂਰ

ਮੁੰਬਈ: ਪਿਛਲੇ ਸਾਲ ‘ਸੰਜੂ’ ਫ਼ਿਲਮ ਨਾਲ ਬਾਲੀਵੁੱਡ ‘ਚ ਧਮਾਕਾ ਕਰਨ ਮਗਰੋਂ ਰਣਬੀਰ ਕਪੂਰ ਕੋਲ ਫ਼ਿਲਮਾਂ ਦੀ ਕੋਈ ਕਮੀ ਨਹੀਂ। ਹਾਲ ਹੀ ‘ਚ ਰਣਬੀਰ ਨੇ ਆਰੀਅਨ ਮੁਖਰਜੀ ਦੀ ‘ਬ੍ਰਹਮਾਸਤਰ’ ਦੀ ਸ਼ੂਟਿੰਗ ਪੂਰੀ ਕੀਤੀ ਹੈ। ਇਸ ‘ਚ ਰਣਬੀਰ ਇੱਕ ਸੁਪਰਹੀਰੋ ਦੇ ਰੋਲ ‘ਚ ਨਜ਼ਰ ਆਉਣਗੇ। ਫ਼ਿਲਮ ਇਸੇ ਸਾਲ ਰਿਲੀਜ਼ ਹੋਣੀ ਹੈ। ਇਸ ਤੋਂ ਬਾਅਦ ਹੁਣ ਰਣਬੀਰ ਕੋਲ ‘ਸ਼ਮਸ਼ੇਰਾ’ ਫ਼ਿਲਮ ਹੈ। ਇਸ ਬਾਰੇ ਮਿਲੀ ਜਾਣਕਾਰੀ ਮੁਤਾਬਕ ਰਣਬੀਰ ਫ਼ਿਲਮ ‘ਚ ਡਬਲ ਰੋਲ ਪਲੇਅ ਕਰਦੇ ਨਜ਼ਰ ਆਉਣਗੇ। ਫ਼ਿਲਮ ‘ਚ ਉਹ ਡਕੈਤ ਦਾ ਰੋਲ ਕਰ ਰਹੇ ਹਨ। ਕੁਝ ਦਿਨ ਪਹਿਲਾਂ ਹੀ ਫ਼ਿਲਮ ਦਾ ਲੁੱਕ ਰਿਲੀਜ਼ ਕੀਤਾ ਗਿਆ ਸੀ ਜਿਸ ਨਾਲ ਰਣਬੀਰ ਦਾ ਹੁਲੀਆ ਵੀ ਸਾਹਮਣੇ ਆਇਆ ਸੀ। ਹੁਣ ਫ਼ਿਲਮ ‘ਚ ਰਣਬੀਰ ਦੇ ਕਿਰਦਾਰ ਬਾਰੇ ਖੁਲਾਸਾ ਹੋਇਆ ਹੈ। ਖ਼ਬਰਾਂ ਨੇ ਕਿ ਉਹ ਫ਼ਿਲਮ ‘ਚ ਡਬਲ ਰੋਲ ਕਰ ਰਹੇ ਹਨ। ਅਜਿਹਾ ਹੁੰਦਾ ਹੈ ਤਾਂ ਇਹ ਪਹਿਲੀ ਵਾਰ ਹੋਵੇਗਾ ਕਿ ਰਣਬੀਰ ਕਿਸੇ ਫ਼ਿਲਮ ’ਚ ਡਬਲ ਰੋਲ ਕਰ ਰਹੇ ਹਨ। ‘ਸ਼ਮਸ਼ੇਰਾ’ ‘ਚ ਰਣਬੀਰ ਨਾਲ ਸੰਜੇ ਦੱਤ ਤੇ ਵਾਣੀ ਕਪੂਰ ਵੀ ਅਹਿਮ ਕਿਰਦਾਰਾਂ ‘ਚ ਨਜ਼ਰ ਆਉਣਗੇ। ਇਸ ‘ਚ ਸੰਜੇ ਦੱਤ ਦਾ ਰੋਲ ਨੈਗਟਿਵ ਰਹੇਗਾ। ਇਸ ਦੇ ਨਾਲ ਫ਼ਿਲਮ ਦੀ ਟੈਗਲਾਈਨ ਦਾ ਖੁਲਾਸਾ ਵੀ ਹੋਇਆ ਸੀ ਜੋ “ਕਰਮ ਸੇ ਡਕੈਤ, ਧਰਮ ਸੇ ਆਜ਼ਾਦ…” ਹੈ।