ਹਾਲ ਹੀ ਵਿਚ '83' ਦੇ ਨਿਰਮਾਤਾਵਾਂ ਦੁਆਰਾ ਸੁਨੀਲ ਗਾਵਸਕਰ ਦੀ ਭੂਮਿਕਾ 'ਚ ਤਾਹਿਰ ਰਾਜ ਭਸੀਨ, ਕੇ ਸ਼੍ਰੀਕਾਂਤ ਦੇ ਰੋਲ 'ਚ ਜੀਵਾ, ਮਹਿੰਦਰ ਅਮਰਨਾਥ ਨੂੰ ਸਾਕਿਬ ਸਲੀਮ ਵਜੋਂ, ਯਸ਼ਪਾਲ ਸ਼ਰਮਾ ਦੀ ਭੂਮਿਕਾ ਜਤਿਨ ਸਰਨਾ, ਸੰਦੀਪ ਪਾਟਿਲ ਵੱਜੋਂ ਚਿਰਾਗ ਪਾਟਿਲ, ਕ੍ਰੀਤੀ ਆਜ਼ਾਦ ਦੇ ਰੋਲ 'ਚ ਦਿਨਕਰ ਸ਼ਰਮਾ ਅਤੇ ਰੋਜਰ ਬਿੰਨੀ ਦੇ ਅੰਦਾਜ਼ 'ਚ ਨਿਸ਼ਾਂਤ ਦਹੀਆ ਦੇ ਪਹਿਲੇ ਪੋਸਟਰ ਸ਼ੇਅਰ ਕੀਤੇ ਸੀ।
ਰਣਵੀਰ ਸਿੰਘ ਦਾ ਫ਼ਿਲਮ ਦਾ ਪਹਿਲਾ ਲੁੱਕ ਪਹਿਲਾਂ ਹੀ ਦਰਸ਼ਕਾਂ ਦੀ ਦਿਲਚਸਪੀ ਵਧਾ ਚੁੱਕਾ ਹੈ, ਜਿਸ 'ਚ ਉਹ ਕਪਿਲ ਦੇਵ ਦੇ ਨਟਰਾਜ ਪੋਸ 'ਚ ਨਜ਼ਰ ਆਏ ਸੀ। '83' ਦਾ ਨਿਰਮਾਣ ਮਧੂ ਮੰਟੇਨਾ, ਸਾਜਿਦ ਨਾਡੀਆਡਵਾਲਾ ਅਤੇ ਰਿਲਾਇੰਸ ਐਂਟਰਟੇਨਮੈਂਟ ਮਿਲਕੇ ਕਰ ਰਹੇ ਹਨ। ਫ਼ਿਲਮ 10 ਅਪ੍ਰੈਲ 2020 ਨੂੰ ਵੱਡੇ ਪਰਦੇ 'ਤੇ ਰਿਲੀਜ਼ ਹੋਣ ਵਾਲੀ ਹੈ।