ਆਖਰ ਹੋ ਹੀ ਗਿਆ ‘ਬਾਹੁਬਲੀ’ ਪ੍ਰਭਾਸ ਦੀ ‘ਸਾਹੋ’ ਦਾ ਐਲਾਨ, ਨੋਟ ਕਰ ਲਓ ਤਾਰੀਖ਼

ਮੁੰਬਈ: ਡਾਇਰੈਕਟਰ ਐਸਐਸ ਰਾਜਾਮੌਲੀ ਨੇ ‘ਬਾਹੁਬਲੀ’ ਨਾਲ ਪ੍ਰਭਾਸ ਨੂੰ ਵੱਖਰਾ ਮੁਕਾਮ ਦਿੱਤਾ ਤੇ ਨਾਲ ਹੀ ਲੋਕਾਂ ਨੂੰ ਆਪਣਾ ਦੀਵਾਨਾ ਬਣਾ ਲਿਆ। ਹੁਣ ਇਨ੍ਹਾਂ ਦੋਵਾਂ ਦੀ ਜੋੜੀ ਜਲਦੀ ਹੀ ਫ਼ਿਲਮ ‘ਸਾਹੋ’ ਲੈ ਕੇ ਇੱਕ ਵਾਰ ਫੇਰ ਔਡੀਅੰਸ ‘ਤੇ ਆਪਣਾ ਜਾਦੂ ਕਰਨ ਲਈ ਤਿਆਰ ਹੈ। ‘ਸਾਹੋ’ ਐਕਸ਼ਨ ਨਾਲ ਭਰੀ ਫ਼ਿਲਮ ਹੈ ਜਿਸ ਦੀ ਸ਼ੂਟਿੰਗ ਪੂਰੀ ਹੋ ਚੁੱਕੀ ਹੈ। ਇਸ ਦੇ ਰਿਲੀਜ਼ ਡੇਟ ਦਾ ਐਲਾਨ ਵੀ ਹੋ ਗਿਆ ਹੈ। ਜੀ ਹਾਂ, ਫ਼ਿਲਮ ਮੇਕਰ ਨੇ ਇਸ ਦੀ ਰਿਲੀਜ਼ ਡੇਟ ਦਾ ਐਲਾਨ ਕਰਦੇ ਹੋਏ ਟਵਿਟਰ ‘ਤੇ ਪੋਸਟ ਕੀਤਾ ਹੈ ਜਿਸ ‘ਚ ਦੱਸਿਆ ਹੈ ਕਿ ਫ਼ਿਲਮ ਅਗਲੇ ਸਾਲ 15 ਅਗਸਤ ਨੂੰ ਰਿਲੀਜ਼ ਹੋਣੀ ਹੈ। ਇਸ ਫ਼ਿਲਮ ‘ਚ ਪ੍ਰਭਾਸ ਦੇ ਨਾਲ ਬਾਲੀਵੁੱਡ ਐਕਟਰਸ ਸ਼੍ਰੱਧਾ ਕਪੂਰ ਵੀ ਨਜ਼ਰ ਆਉਣ ਵਾਲੀ ਹੈ।

Its showtime! Magnum opus #Saaho releasing worldwide on 15th Aug, 2019. #Prabhas @ShraddhaKapoor @NeilNMukesh @bindasbhidu @arunvijayno1 @sujeethsign @UV_Creations @TSeries #SaahoOnAug15th pic.twitter.com/M7ZiaEHKvx

— SKN - Taxiwaala Blockbuster (@SKNonline) December 17, 2018

‘ਸਾਹੋ’ ‘ਚ ਸ਼੍ਰੱਧਾ-ਪ੍ਰਭਾਸ ਦੇ ਨਾਲ-ਨਾਲ ਜੈਕੀ ਸ਼ਰੌਫ, ਮੰਦਿਰਾ ਬੇਦੀ, ਨੀਲ ਨੀਤਿਨ ਮੁਕੇਸ਼, ਚੰਕੀ ਪਾਂਡੇ ਤੇ ਐਲੀ ਅਬ੍ਰਾਹਮ ਜਿਹੇ ਕਲਾਕਾਰ ਵੀ ਹਨ। ਉਂਝ ਤਾਂ ਮੇਕਰ ਪ੍ਰਭਾਸ ਦੇ ਜਨਮ ਦਿਨ ‘ਤੇ ‘ਸਾਹੋ’ ਦਾ ਮੇਕਿੰਗ ਵੀਡੀਓ ਰਿਲੀਜ਼ ਕਰ ਚੁੱਕੇ ਹਨ, ਪਰ ਫੈਨਸ ਨੂੰ ਫ਼ਿਲਮ ਦੇ ਟ੍ਰੇਲਰ ਦਾ ਬੇਸਬਰੀ ਨਾਲ ਇੰਤਜ਼ਾਰ ਹੈ।