Sidharth Malhotra Kiara Advani: ਕਿਆਰਾ ਅਡਵਾਨੀ ਸਿਧਾਰਥ ਮਲਹੋਤਰਾ ਦਸੰਬਰ `ਚ ਕਰਵਾ ਰਹੇ ਵਿਆਹ? ਸਲਮਾਨ ਖਾਨ ਨੇ ਦਿੱਤੀ ਜੋੜੇ ਨੂੰ ਵਧਾਈ
Sidharth Malhotra Kiara Advani Wedding: ਕਿਆਰਾ ਅਡਵਾਨੀ ਤੇ ਸਿਧਾਰਥ ਮਲਹੋਤਰਾ ਇੰਨੀਂ ਦਿਨੀਂ ਲਗਾਤਾਰ ਸੁਰਖੀਆਂ `ਚ ਬਣੇ ਹੋਏ ਹਨ। ਚਾਰੇ ਪਾਸੇ ਇਸ ਜੋੜੇ ਦੇ ਵਿਆਹ ਦੇ ਚਰਚੇ ਹਨ।
Kiara Advani Sidharth Malhotra Marriage: ਬਾਲੀਵੁੱਡ ਕਲਾਕਾਰ ਕਿਆਰਾ ਅਡਵਾਨੀ ਤੇ ਸਿਧਾਰਥ ਮਲਹੋਤਰਾ ਇੰਨੀਂ ਦਿਨੀਂ ਲਗਾਤਾਰ ਸੁਰਖੀਆਂ `ਚ ਬਣੇ ਹੋਏ ਹਨ। ਚਾਰੇ ਪਾਸੇ ਇਸ ਜੋੜੇ ਦੇ ਵਿਆਹ ਦੇ ਚਰਚੇ ਹਨ। ਦਰਅਸਲ, ਕਰਨ ਜੌਹਰ ਨੇ ਆਪਣੇ ਸ਼ੋਅ `ਕੌਫ਼ੀ ਵਿਦ ਕਰਨ` `ਚ ਦੋਵਾਂ ਦੇ ਵਿਆਹ ਬਾਰੇ ਖੁਲਾਸਾ ਕੀਤਾ ਸੀ। ਉਦੋਂ ਤੋਂ ਹੀ ਸਭ ਨੂੰ ਇਨ੍ਹਾਂ ਦੋਵਾਂ ਦੇ ਵਿਆਹ ਦੇ ਅਧਿਕਾਰਤ ਐਲਾਨ ਦਾ ਬੇਸਵਰੀ ਨਾਲ ਇੰਤਜ਼ਾਰ ਹੈ।
ਇਸ ਦਰਮਿਆਨ ਸਿਧਾਰਥ ਮਲਹੋਤਰਾ ਇੰਨੀਂ ਆਪਣੀ ਆਉਣ ਵਾਲੀ ਫ਼ਿਲਮ `ਥੈਂਕ ਗੌਡ` ਦੀ ਪ੍ਰਮੋਸ਼ਨ `ਚ ਰੁੱਝੇ ਹੋਏ ਹਨ। ਉਹ ਫ਼ਿਲਮ ਦੇ ਪ੍ਰਮੋਸ਼ਨ ਲਈ ਬਿੱਗ ਬੌਸ 16 ਦੇ ਸੈੱਟ ਤੇ ਪਹੁੰਚੇ। ਇਸ ਦੌਰਾਨ ਸ਼ੋਅ ਦੇ ਮੇਜ਼ਬਾਨ ਸਲਮਾਨ ਖਾਨ ਨੇ ਉਨ੍ਹਾਂ ਦਾ ਸ਼ਾਨਦਾਰ ਸਵਾਗਤ ਕੀਤਾ। ਇਸ ਦੇ ਨਾਲ ਹੀ ਸਲਮਾਨ ਖਾਨ ਨੇ ਸਿਧਾਰਥ ਮਲਹੋਤਰਾ ਨੂੰ ਉਨ੍ਹਾਂ ਦੇ ਵਿਆਹ ਦੀ ਵਧਾਈ ਵੀ ਦਿੱਤੀ।
ਸਲਮਾਨ ਖਾਨ ਨੇ ਸਿਧਾਰਥ ਦੇ ਵਿਆਹ ਦੀ ਦਿੱਤੀ ਵਧਾਈ
ਸਲਮਾਨ ਖਾਨ ਨੇ ਸਿਧਾਰਥ ਨੂੰ ਕਿਹਾ, ਵਿਆਹ ਦੀਆਂ ਵਧਾਈਆਂ ਸਿਧਾਰਥ। ਵਿਆਹ ਦੀਆਂ ਮੁਬਾਰਕਾਂ। ਇਸ ਤੋਂ ਬਾਅਦ ਸਲਮਾਨ ਖਾਨ ਨੇ ਕਿਆਰਾ ਦਾ ਨਾਂ ਲੈਕੇ ਉਨ੍ਹਾਂ ਨੂੰ ਚਿੜਾਇਆ ਅਤੇ ਕਿਹਾ, ਕਿੰਨਾ ਕਿਆਰਾ ਫ਼ੈਸਲਾ ਲਿਆ ਹੈ ਸਿਧਾਰਥ ਨੇ, ਓਹ ਸੌਰੀ ਪਿਆਰਾ। ਕਿਸ ਦੇ ਅਡਵਾਨੀ....ਓਹ ਮੇਰਾ ਮਤਲਬ ਹੈ ਕਿ ਕਿਸ ਦੇ ਐਡਵਾਇਸ ਤੇ ਲਿਆ ਇਹ ਫ਼ੈਸਲਾ?" ਸਿਧਾਰਥ ਸਲਮਾਨ ਨੂੰ ਮਜ਼ੇਦਾਰ ਗੱਲ ਕਹਿੰਦੇ ਹੋਏ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਭਾਈ ਜਾਨ ਤੁਸੀਂ ਵਿਆਹ ਦੀ ਸਲਾਹ ਦੇ ਰਹੇ ਹੋ? ਇਸ ਤੇ ਸਲਮਾਨ ਮਜ਼ਾਕੀਆ ਅੰਦਾਜ਼ `ਚ ਕਿਆਰਾ ਨੂੰ ਕਹਿੰਦੇ ਹਨ। ਸੁਣ ਲੈ ਕਿਆਰਾ ਇਹ ਨੀ ਕਰਨਾ ਚਾਹੁੰਦਾ ਵਿਆਹ।
ਦੱਸ ਦਈਏ ਕਿ ਸਿਧਾਰਥ ਮਲਹੋਤਰਾ ਸਲਮਾਨ ਖਾਨ ਦੇ ਸ਼ੋਅ ਬਿੱਗ ਬੌਸ `ਚ ਪਹੁੰਚੇ ਸੀ। ਇਸ ਦੌਰਾਨ ਉਨ੍ਹਾਂ ਤੇ ਸਲਮਾਨ ਖਾਨ ਦਰਮਿਆਨ ਉਨ੍ਹਾਂ ਦੀ ਆਉਣ ਵਾਲੀ ਫ਼ਿਲਮ `ਥੈਂਕ ਗੌਡ` ਨੂੰ ਲੈਕੇ ਗੱਲਾਂ ਹੋਈਆਂ। ਗੱਲਾਂ ਗੱਲਾਂ ਦੇ ਵਿੱਚ ਹੀ ਸਲਮਾਨ ਨੇ ਸਿਧਾਰਥ ਤੇ ਕਿਆਰਾ ਦੇ ਵਿਆਹ ਦਾ ਹਿੰਟ ਦੇ ਦਿੱਤਾ। ਜਿਸ ਤੋਂ ਇਹ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਇਹ ਜੋੜਾ ਦਸੰਬਰ ਮਹੀਨੇ ;ਚ ਹੀ ਵਿਆਹ ਕਰਵਾ ਸਕਦਾ ਹੈ। ਇਸ ਦੇ ਨਾਲ ਹੀ ਤੁਹਾਨੂੰ ਇਹ ਵੀ ਦੱਸ ਦਈਏ ਕਿ ਕਿਆਰਾ ਤੇ ਸਿਧਾਰਥ ਇੱਕ ਦੂਜੇ ਨੂੰ ਲੰਬੇ ਸਮੇਂ ਤੋਂ ਡੇਟ ਕਰ ਰਹੇ ਹਨ। ਅਜਿਹੇ `ਚ ਫ਼ੈਨਜ਼ ਵੀ ਇਹੀ ਚਾਹੁੰਦੇ ਹਨ ਕਿ ਇਹ ਜੋੜਾ ਜਲਦ ਹੀ ਸਭ ਨੂੰ ਆਪਣੇ ਵਿਆਹ ਦੀ ਗੁੱਡ ਨਿਊਜ਼ ਦੇਵੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
