ਸਲਮਾਨ ਖ਼ਾਨ ਨੇ ਦੋ ਦਿਨ ਦੇ ਆਰਾਮ ਮਗਰੋਂ ਸ਼ੁਰੂ ਕੀਤੀ ‘ਭਾਰਤ’ ਦੀ ਸ਼ੂਟਿੰਗ, ਵੀਡੀਓ ਆਈ ਸਾਹਮਣੇ

Written By : ਏਬੀਪੀ ਸਾਂਝਾ | Updated at : 19 Nov 2018 04:22 PM (IST)

ਮੁੰਬਈ: ਸਲਮਾਨ ਖ਼ਾਨ ਇਨ੍ਹੀਂ ਦਿਨੀਂ ਆਪਣੀ ਆਉਣ ਵਾਲੀ ਫ਼ਿਲਮ ‘ਭਾਰਤ’ ਤੇ ਟੀਵੀ ਸ਼ੋਅ ‘ਬਿੱਗ ਬੌਸ-12’ ਕਰਕੇ ਸੁਰਖੀਆਂ ‘ਚ ਹਨ। ਇਨ੍ਹੀਂ ਦਿਨੀਂ ‘ਭਾਰਤ’ ਦੀ ਸ਼ੂਟਿੰਗ ਪੰਜਾਬ ਦੇ ਲੁਧਿਆਣਾ ‘ਚ ਹੋ ਰਹੀ ਹੈ ਜੋ ਮਹੀਨੇ ਤਕ ਚੱਲ਼ਣੀ ਹੈ। ਇਸ ਦੇ ਨਾਲ ਹੀ ਦੋ ਦਿਨ ਪਹਿਲਾਂ ਸਲਮਾਨ ਦੀਆਂ ਪਸਲੀਆਂ ‘ਚ ਸੱਟ ਕਰਕੇ ਉਹ ਮੁੰਬਈ ਵਾਪਸ ਆ ਗਏ ਸੀ। ਇੱਥੇ ਦੋ ਦਿਨ ਦੇ ਆਰਾਮ ਮਗਰੋਂ ਸਲਮਾਨ ਨੇ ਫ਼ਿਲਮ ਦੀ ਸ਼ੂਟਿੰਗ ਫੇਰ ਸ਼ੁਰੂ ਕਰ ਦਿੱਤੀ ਹੈ। ਸਲਮਾਨ ਆਰਾਮ ਕਰਨ ਤੋਂ ਬਾਅਦ ਫੇਰ ਸੈੱਟ ‘ਤੇ ਆ ਗਏ ਹਨ। ‘ਭਾਰਤ’ ਦੇ ਪ੍ਰੋਡਿਊਸਰ ਅਤੁੱਲ ਅਗਨੀਹੋਤਰੀ ਆਏ ਦਿਨ ਸੋਸ਼ਲ ਮੀਡੀਆ ‘ਤੇ ਫ਼ਿਲਮ ਦੇ ਸੈੱਟ ਦੀਆਂ ਤਸਵੀਰਾਂ ਤੇ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕਰਦੇ ਰਹਿੰਦੇ ਹਨ। ਹੁਣ ਕੁਝ ਸਮਾਂ ਪਹਿਲਾਂ ਹੀ ਅਤੁਲ ਨੇ ਇੱਕ ਹੋਰ ਵੀਡੀਓ ਸ਼ੇਅਰ ਕੀਤਾ ਹੈ ਜਿਸ ‘ਚ ਸਲਮਾਨ ਗੱਡੀ ‘ਚ ਬੈਠੇ ਨਜ਼ਰ ਆ ਹਏ ਹਨ। ਇਸ ਨੂੰ ਅਤੁੱਲ ਨੇ ਕੈਪਸ਼ਨ ਦਿੱਤਾ ਹੈ ‘ਭਾਰਤ ਦਿਨ 53’।

View this post on Instagram

#Bharat - Day 53 @bharat_thefilm @beingsalmankhan

A post shared by Atul Agnihotri (@atulreellife) on Nov 17, 2018 at 8:44pm PST

ਇਸ ਦੇ ਨਾਲ ਹੀ ਦੂਜੀ ਵੱਡੀ ਖ਼ਬਰ ਹੈ ਕਿ ‘ਭਾਰਤ’ ‘ਚ ‘ਭਾਬੀ ਜੀ ਘਰ ਪਰ ਹੈ’ ਦੇ ਐਕਟਰ ਆਸਿਫ ਸ਼ੇਖ ਦੀ ਐਂਟਰੀ ਹੋਈ ਹੈ ਜਿਸ ਦਾ ਐਲਾਨ ਕੁਝ ਦਿਨ ਪਹਿਲਾਂ ਹੀ ਹੋਇਆ ਸੀ। ਅਤੁੱਲ ਨੇ ਆਸਿਫ ਦੀ ਵੀ ਇੱਕ ਫੋਟੋ ਸ਼ੇਅਰ ਕਰ ਜਾਣਕਾਰੀ ਦਿੱਤੀ ਹੈ ਕਿ ਆਸਿਫ ਹੁਣ ਸ਼ੂਟਿੰਗ ਸ਼ੁਰੂ ਕਰ ਰਹੇ ਹਨ। ਆਸਿਫ ਦੀ ਫੋਟੋ ਸ਼ੇਅਰ ਕਰ ਅਤੁੱਲ ਨੇ ਉਨ੍ਹਾਂ ਦਾ ਸਵਾਗਤ ਵੀ ਕੀਤਾ ਹੈ। ਇਹ ਆਸਿਫ ਦਾ ਪਹਿਲਾਂ ਸ਼ੈਡਿਊਲ ਹੈ। ‘ਭਾਰਤ’ ਅਗਲੇ ਸਾਲ ਈਦ ‘ਤੇ ਰਿਲੀਜ਼ ਹੋਣੀ ਹੈ।