ਭਾਣਜੇ ਨੂੰ ਗਿਫਟ ਕੀਤੀ ਸਲਮਾਨ ਦੀ BMW ਹੁਣ ਹੋ ਸਕਦੀ ਤੁਹਾਡੀ

ਸਲਮਾਨ ਨੇ ਸਾਲ 2016 ‘ਚ ਅਰਪਿਤਾ ਦੇ ਬੇਟੇ ਅਹਿਲ ਸ਼ਰਮਾ ਨੂੰ ਨਵੀਂ BMW 730Ld M-Sport ਗਿਫਟ ਕੀਤੀ ਸੀ। ਹੁਣ ਇਹ ਕਾਰ ਵਿਕਰੀ ਲਈ ਬਿੱਗ ਬੁਆਏਜ਼ ਟੌਏ ‘ਤੇ ਉਪਲੱਬਧ ਹੈ।

ਮੁੰਬਈ: ਸਲਮਾਨ ਖ਼ਾਨ ਫ਼ਿਲਮ ਇੰਡਸਟਰੀ ਦੇ ਪਸੰਦੀਦਾ ਐਕਟਰਾਂ ‘ਚੋਂ ਇੱਕ ਹਨ। ਉਨ੍ਹਾਂ ਕੋਲ ਪ੍ਰੀਮੀਅਮ ਕਾਰਾਂ ਤੇ ਐਸਯੂਵੀ ਦੀ ਲਿਸਟ ਨਹੀਂ ਹੈ, ਸਗੋਂ ਇਨ੍ਹਾਂ ‘ਚ ਕਈ ਕਾਰਾਂ ਹਨ ਜੋ ਉਨ੍ਹਾਂ ਆਪਣੇ ਕਰੀਬੀਆਂ ਨੂੰ ਗਿਫਟ ‘ਚ ਦੇ ਦਿੱਤੀਆਂ। ਸਲਮਾਨ ਨੇ ਸਾਲ 2016 ‘ਚ ਅਰਪਿਤਾ ਦੇ ਬੇਟੇ ਅਹਿਲ ਸ਼ਰਮਾ ਨੂੰ ਨਵੀਂ BMW 730Ld M-Sport ਗਿਫਟ ਕੀਤੀ ਸੀ। ਹੁਣ ਇਹ ਕਾਰ ਵਿਕਰੀ ਲਈ ਬਿੱਗ ਬੁਆਏਜ਼ ਟੌਏ ‘ਤੇ ਉਪਲੱਬਧ ਹੈ। ਤਿੰਨ ਸਾਲ ਪੁਰਾਣੀ ਇਹ ਕਾਰ ਅਜੇ ਤਕ 11,500 ਕਿਮੀ ਚੱਲੀ ਹੈ। ਨਵੀਂ BMW 730Ld M-Sport ਦੀ ਕੀਮਤ 1.35 ਕਰੋੜ ਰੁਪਏ ਹੈ ਜਦਕਿ ਇਸ ਦੀ ਆਨ ਰੋਡ ਕੀਮਤ 1.6 ਕਰੋੜ ਰੁਪਏ ਹੈ। ਇਸ ਕਾਰ ਨੂੰ ਖ਼ਾਨ ਪਰਿਵਾਰ ਤੇ ਅਰਪਿਤਾ ਦੇ ਪਰਿਵਾਰ ਨਾਲ ਅਕਸਰ ਦੇਖਿਆ ਗਿਆ ਹੈ। ਇਹ ਟੌਪ ਆਫ਼ ਦ ਲਾਈਨ ਬੀਐਮਡਬਲੂ 7 ਸੀਰੀਜ਼ ਡੀਜ਼ਲ ਵੈਰੀਅੰਟ ਹੈ ਜੋ ਸਾਰੇ ਫੀਚਰਸ ਨਾਲ ਆਉਂਦੀ ਹੈ। ਵੈੱਬਸਾਈਟ ਦਾ ਕਹਿਣਾ ਹੈ ਕਿ ਇਹ ਕਾਰ ਸਿੰਗਲ ਓਨਰ ਹੈ ਤੇ ਰਜਿਸਟ੍ਰੇਸ਼ਨ ਡੀਟੇਲ ‘ਚ ਪਤਾ ਲੱਗਿਆ ਹੈ ਕਿ ਇਹ ਕਾਰ ਸਲੀਮ ਖ਼ਾਨ ਦੀ ਹੈ ਜੋ ਸਲਮਾਨ ਤੇ ਅਰਪਿਤਾ ਦੇ ਪਿਤਾ ਹਨ। ਲਗਜ਼ਰੀ ਸੇਡਾਨ ‘ਚ ਫੀਚਰਸ ਦੇ ਤੌਰ ‘ਤੇ ਜਬਰਦਸਤ ਡਿਜ਼ਾਇਨ ਫਰੰਟ ਬੰਪਰ, ਸਾਈਡ ਸਕਰਟਸ ਤੇ ਰਿਅਰ ਬੰਪਰ ਇੰਸਰਟਸ ਦਿੱਤੇ ਗਏ ਹਨ। ਰੈਗੂਲਰ ਵੈਰੀਅੰਟ 7-ਸੀਰੀਜ਼ ਦੇ ਮੁਕਾਬਲੇ ਇਹ ਵੱਖਰੀ ਲੱਗਦੀ ਹੈ, ਪਰ ਇਸ ‘ਚ ਕੀਤੇ ਬਦਲਾਅ ਇਸ ਨੂੰ ਸਪੋਰਟੀ ਲੁੱਕ ਦਿੰਦੇ ਹਨ। ਇਸ ਤੋਂ ਇਲਾਵਾ ਕਾਰ ਦੇ ਫੀਚਰਸ ਦੀ ਲੰਬੀ ਲਿਸਟ ਹੈ।