ਸ਼ਾਹਰੁਖ ਨੂੰ ਮਿਲਣ ਲਈ ਜਾਨ 'ਤੇ ਖੇਡਿਆ ਫੈਨ!

ਮੁੰਬਈ: ਬੀਤੀ ਰਾਤ ਸ਼ਾਹਰੁਖ ਦੇ ਘਰ ਮੰਨਤ ਵਿੱਚ ਦੀਵਾਲੀ ਦਾ ਜਸ਼ਨ ਮਨਾਇਆ ਗਿਆ। ਜਿੱਥੇ ਮਿਲਣ ਸ਼ਾਹਰੁਖ ਦਾ ਇੱਕ ਫੈਨ ਵੀ ਆਇਆ। ਫੈਨ ਸ਼ਾਹਰੁਖ ਨੂੰ ਨਹੀਂ ਮਿਲ ਪਾਇਆ, ਇਸ ਲਈ ਉਸ ਨੇ ਖੁਦ ਨੂੰ ਬਲੇਡ ਨਾਲ ਕੱਟ ਲਿਆ। ਇਸ ਤੋਂ ਤੁਰੰਤ ਬਾਅਦ ਸ਼ਖ਼ਸ ਨੂੰ ਹਸਪਤਾਲ ਲਿਆਂਦਾ ਗਿਆ। ਖੁਦ ਨੂੰ ਜ਼ਖ਼ਮੀ ਕਰਨ ਵਾਲਾ ਇਨਸਾਨ ਕੋਲਕਤਾ ਦਾ ਮੁਹਮੰਦ ਸਲੀਮ ਹੈ ਜਿਸ ਨੂੰ ਜਲਦੀ ‘ਚ ਪੁਲਿਸ ਨੇ ਹਸਪਤਾਲ ਦਾਖਲ ਕਰਵਾਇਆ ਤੇ ਉਸ ਨੂੰ ਇਲਾਜ ਤੋਂ ਬਾਅਦ ਛੱਡ ਦਿੱਤਾ ਗਿਆ। ਸ਼ਾਹਰੁਖ ਦੀ ਫ਼ਿਲਮ ‘ਜ਼ੀਰੋ’ ਦਾ ਟ੍ਰੇਲਰ ਵੀ ਉਨ੍ਹਾਂ ਦੇ ਜਨਮ ਦਿਨ ਮੌਕੇ ਰਿਲੀਜ਼ ਕੀਤਾ ਗਿਆ ਤੇ ਟ੍ਰੇਲਰ ਨੇ ਲੋਕਾਂ ਨੂੰ ਆਪਣਾ ਫੈਨ ਬਣਾ ਲਿਆ। ਸ਼ਾਹਰੁਖ ਦੇ ਘਰ ਹੋਈ ਇਸ ਪਾਰਟੀ ‘ਚ ਬਾਲੀਵੁੱਡ ਦੇ ਤਮਾਮ ਸਿਤਾਰੇ ਨਜ਼ਰ ਆਏ। ਇਨ੍ਹਾਂ ‘ਚ ਕੈਟਰੀਨਾ ਕੈਫ, ਕਰੀਨਾ ਕਪੂਰ, ਅਰਜੁਨ ਕਪੂਰ, ਆਲਿਆ ਭੱਟ, ਸੰਜੇ ਲੀਲਾ ਭੰਸਾਲੀ, ਕਾਜੋਲ, ਜਯਾ ਬੱਚਨ, ਧੀ ਸਵੇਤਾ ਬੱਚਨ ਨੰਦਾ ਨਾਲ ਤੇ ਅਰਪਿਤਾ ਖ਼ਾਨ, ਅਲਵੀਰਾ ਜਿਹੇ ਸਟਾਰ ਵੀ ਨਜ਼ਰ ਆਏ। ਸਿਰਫ ਸ਼ਾਹਰੁਖ ਹੀ ਨਹੀਂ ‘ਧੜਕ’ ਫ਼ਿਲਮ ਦੇ ਸਟਾਰ ਇਸ਼ਾਨ ਖੱਟਰ ਵੀ ਸ਼ਾਹਰੁਖ ਦੀ ਫਰੀ-ਦੀਵਾਲੀ ਪਾਰਟੀ ਦਾ ਹਿੱਸਾ ਬਣਨ ਪਹੁੰਚੇ। ਜਿੱਥੇ ਉਨ੍ਹਾਂ ਨੂੰ ਭੀੜ ਨੇ ਘੇਰ ਲਿਆ ਤੇ ਪੁਲਿਸ ਨੂੰ ਲਾਠੀਚਾਰਜ ਕਰਨਾ ਪਿਆ। ਖਾਸ ਨਸੀਅਤ: ਅਸੀਂ ਸਟਾਰਸ ਲਈ ਸਭ ਦੀਆਂ ਭਾਵਨਾਵਾਂ ਤੇ ਉਨ੍ਹਾਂ ਪ੍ਰਤੀ ਤੁਹਾਡਾ ਪਿਆਰ ਸਮਝਦੇ ਹਾਂ ਪਰ ਕਿਸੇ ਸਟਾਰ ਨੂੰ ਮਿਲਣ ਦੀ ਤਾਂਘ ਤੇ ਉਸ ‘ਚ ਕਾਮਯਾਬ ਨਾ ਹੋਣ ਕਾਰਨ ਆਪਣੀ ਜਿੰਦਗੀ ਨਾਲ ਖਿਲਵਾੜ ਕਰਨਾ ਚੰਗੀ ਗੱਲ ਨਹੀਂ।