Dharmendra Hema Malini Love Story: ਸ਼ੋਲੇ ਦੇ ਸੈੱਟ ਤੇ ਹੇਮਾ ਮਾਲਿਨੀ ਨਾਲ ਜੰਮ ਕੇ ਫ਼ਲਰਟ ਕਰਦੇ ਸੀ ਧਰਮਿੰਦਰ, ਪੈਸੇ ਦੇ ਕੇ ਕਰਾਉਂਦੇ ਸੀ ਰੀਟੇਕ
Dharmendra Hema Malini Love Story: ਇੱਕ ਕਿੱਸਾ ਫਿਲਮ ਸ਼ੋਲੇ ਦੇ ਸੈੱਟ ਨਾਲ ਜੁੜਿਆ ਹੈ, ਜਦੋਂ ਹੇਮਾ ਮਾਲਿਨੀ ਦੇ ਪਿਆਰ `ਚ ਧਰਮਿੰਦਰ ਪਾਗਲ ਸੀ ਤੇ ਉਨ੍ਹਾਂ ਨੂੰ ਪਾਉਣ ਲਈ ਕਈ ਤਰ੍ਹਾਂ ਦੇ ਪਾਗਲਪਣ ਵੀ ਕਰਦੇ ਰਹਿੰਦੇ ਸੀ।
ਧਰਮਿੰਦਰ ਨੂੰ ਬਾਲੀਵੁੱਡ ਦਾ ਮਹਾਨ ਅਭਿਨੇਤਾ ਮੰਨਿਆ ਜਾਂਦਾ ਹੈ। ਉਨ੍ਹਾਂ ਨੇ ਆਪਣੇ ਫਿਲਮੀ ਕਰੀਅਰ 'ਚ ਇਕ ਤੋਂ ਵਧ ਕੇ ਕਈ ਸੁਪਰਹਿੱਟ ਅਤੇ ਯਾਦਗਾਰ ਫਿਲਮਾਂ ਦਿੱਤੀਆਂ ਹਨ। ਅਭਿਨੇਤਾ ਭਾਵੇਂ ਹੁਣ ਫਿਲਮਾਂ ਵਿੱਚ ਸਰਗਰਮ ਨਹੀਂ ਹੈ, ਪਰ ਉਹ ਸੋਸ਼ਲ ਮੀਡੀਆ ਰਾਹੀਂ ਆਪਣੇ ਪ੍ਰਸ਼ੰਸਕਾਂ ਵਿੱਚ ਬਣੇ ਰਹਿੰਦੇ ਹਨ। ਹਾਲਾਂਕਿ ਫਿਲਮਾਂ ਦੇ ਨਾਲ-ਨਾਲ ਧਰਮਿੰਦਰ ਦੀਆਂ ਕਈ ਕਹਾਣੀਆਂ ਵੀ ਮਸ਼ਹੂਰ ਹਨ। ਅਜਿਹਾ ਹੀ ਇੱਕ ਕਿੱਸਾ ਫਿਲਮ ਸ਼ੋਲੇ ਦੇ ਸੈੱਟ ਨਾਲ ਜੁੜਿਆ ਹੈ, ਜਦੋਂ ਹੇਮਾ ਮਾਲਿਨੀ ਦੇ ਪਿਆਰ `ਚ ਧਰਮਿੰਦਰ ਪਾਗਲ ਸੀ ਤੇ ਉਨ੍ਹਾਂ ਨੂੰ ਪਾਉਣ ਲਈ ਕਈ ਤਰ੍ਹਾਂ ਦੇ ਪਾਗਲਪਣ ਵੀ ਕਰਦੇ ਰਹਿੰਦੇ ਸੀ।
ਹੇਮਾ ਤੇ ਦਿਲ ਹਾਰ ਬੈਠੇ ਸੀ ਧਰਮਿੰਦਰ
ਦਰਅਸਲ 'ਸ਼ੋਲੇ' ਸਾਲ 1975 'ਚ ਆਈ ਸੀ। ਉਸੇ ਸਮੇਂ ਜਦੋਂ ਫਿਲਮ ਦੀ ਸ਼ੂਟਿੰਗ ਹੋ ਰਹੀ ਸੀ, ਉਸ ਸਮੇਂ ਬਾਲੀਵੁੱਡ ਦੇ ਹੀਮੈਨ ਧਰਮਿੰਦਰ ਹੇਮਾ ਮਾਲਿਨੀ `ਤੇ ਦਿਲ ਹਾਰ ਬੈਠੇ ਸੀ। ਅਭਿਨੇਤਾ ਅਕਸਰ ਸੈੱਟ 'ਤੇ ਹੇਮਾ ਨਾਲ ਫਲਰਟ ਕਰਦੇ ਸਨ, ਪਰ ਧਰਮਿੰਦਰ ਪਹਿਲਾਂ ਤੋਂ ਹੀ ਵਿਆਹਿਆ ਹੋਏ ਸੀ ਅਤੇ ਦੋ ਬੱਚਿਆਂ ਦਾ ਪਿਤਾ ਸੀ, ਇਸ ਲਈ ਅਭਿਨੇਤਰੀ ਉਨ੍ਹਾਂ ਨੂੰ ਹਰ ਵਾਰ ਨਜ਼ਰਅੰਦਾਜ਼ ਕਰਦੀ ਸੀ, ਪਰ ਜਿੰਨਾ ਹੀ ਹੇਮਾ ਧਰਮਿੰਦਰ ਨੂੰ ਨਜ਼ਰ ਅੰਦਾਜ਼ ਕਰਦੀ ਰਹੀ, ਉਨ੍ਹਾਂ ਹੀ ਧਰਮਿੰਦਰ ਦੇ ਦਿਲ `ਚ ਪਿਆਰ ਡੂੰਘਾ ਹੁੰਦਾ ਰਿਹਾ। ਕਿਹਾ ਜਾਂਦਾ ਹੈ ਕਿ ਇਸ ਦੌਰਾਨ ਇਕ ਵਾਰ ਧਰਮਿੰਦਰ ਨੇ ਉਨ੍ਹਾਂ ਨੂੰ ਆਪਣੇ ਦਿਲ ਦੀ ਗੱਲ ਖੁੱਲ੍ਹ ਕੇ ਦੱਸ ਦਿੱਤੀ ਸੀ, ਹਾਲਾਂਕਿ ਹੇਮਾ ਮਾਲਿਨੀ ਨੇ ਉਨ੍ਹਾਂ ਦੇ ਪ੍ਰਸਤਾਵ ਨੂੰ ਠੁਕਰਾ ਦਿੱਤਾ ਸੀ।
ਫ਼ਿਲਮ ਦੇ ਸੈੱਟ `ਤੇ ਪੈਸੇ ਦੇ ਕੇ ਕਰਾਉਂਦੇ ਸੀ ਰੀਟੇਕ
ਇਸ ਦੌਰਾਨ, ਫਿਲਮ ਦਾ ਸੀਨ ਸ਼ੂਟ ਕੀਤਾ ਜਾਣਾ ਸੀ ਜਿੱਥੇ ਹੇਮਾ ਮਾਲਿਨੀ ਧਰਮਿੰਦਰ ਤੋਂ ਰਿਵਾਲਵਰ ਚਲਾਉਣਾ ਸਿੱਖਦੀ ਹੈ, ਅਤੇ ਅਦਾਕਾਰ ਉਨ੍ਹਾਂ ਨੂੰ ਆਪਣੀਆਂ ਬਾਹਾਂ ਵਿੱਚ ਘੁੱਟ ਕੇ ਫੜ ਲੈਂਦੇ ਹਨ। ਜਦੋਂ ਧਰਮਿੰਦਰ ਨੂੰ ਇਸ ਸੀਨ ਬਾਰੇ ਪਤਾ ਲੱਗਾ ਤਾਂ ਉਨ੍ਹਾਂ ਨੇ ਸਪਾਟਬੁਆਏ ਨਾਲ ਮਿਲ ਕੇ ਯੋਜਨਾ ਬਣਾਈ ਕਿ ਉਹ ਸ਼ੂਟਿੰਗ ਦੌਰਾਨ ਵਾਰ-ਵਾਰ ਗਲਤੀਆਂ ਕਰਨਗੇ, ਜਿਸ ਨਾਲ ਇਸ ਸੀਨ ਦੀ ਸ਼ੂਟਿੰਗ ਕਈ ਰੀਟੇਕ ਵਿਚ ਪੂਰੀ ਹੋ ਗਈ ਅਤੇ ਇਸ ਤਰ੍ਹਾਂ ਉਸ ਨੂੰ ਆਪਣੀ ਡਰੀਮ ਗਰਲ ਮਿਲ ਗਈ।
ਸਪੌਟਬੁਆਏ ਨੇ ਯੋਜਨਾ ਅਨੁਸਾਰ ਬਿਲਕੁਲ ਕੀਤਾ, ਅਤੇ ਸੀਨ ਨੂੰ ਕਈ ਰੀਟੇਕ ਤੋਂ ਬਾਅਦ ਫਿਲਮਾਇਆ ਗਿਆ ਸੀ। ਦੱਸਿਆ ਜਾਂਦਾ ਹੈ ਕਿ ਧਰਮਿੰਦਰ ਨੇ ਉਸ ਸਮੇਂ ਇਸ ਕੰਮ ਲਈ ਸਪਾਟਬੁਆਏ ਨੂੰ 2000 ਰੁਪਏ ਦਿੱਤੇ ਸਨ।
ਦੋਵਾਂ ਨੇ ਸਾਲ 1980 'ਚ ਵਿਆਹ ਕੀਤਾ ਸੀ
ਖਬਰਾਂ ਦੀ ਮੰਨੀਏ ਤਾਂ ਹੇਮਾ ਮਾਲਿਨੀ ਵਾਰ-ਵਾਰ ਰੀਟੇਕ ਕਰਨ ਕਾਰਨ ਕਾਫੀ ਨਾਰਾਜ਼ ਹੋ ਗਈ ਸੀ। ਹਾਲਾਂਕਿ ਬਾਅਦ 'ਚ ਜਦੋਂ ਉਸ ਨੂੰ ਪਤਾ ਲੱਗਾ ਕਿ ਇਹ ਸਭ ਧਰਮਿੰਦਰ ਨੇ ਕੀਤਾ ਹੈ ਤਾਂ ਉਹ ਇਸ ਯੋਜਨਾ ਤੋਂ ਖੁਸ਼ ਹੋ ਗਈ। ਇਸ ਦੇ ਨਾਲ ਹੀ ਬਾਅਦ ਵਿੱਚ ਉਨ੍ਹਾਂ ਨੇ ਧਰਮਿੰਦਰ ਦੇ ਪਿਆਰ ਨੂੰ ਵੀ ਸਵੀਕਾਰ ਕਰ ਲਿਆ। ਜ਼ਿਕਰਯੋਗ ਹੈ ਕਿ ਦੋਵੇਂ ਸਾਲ 1980 'ਚ ਵਿਆਹ ਦੇ ਬੰਧਨ 'ਚ ਬੱਝੇ ਸਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
