Sonam Kapoor Anand Ahuja: ਬਾਲੀਵੁੱਡ ਅਦਾਕਾਰਾ ਸੋਨਮ ਕਪੂਰ ਹਾਲ ਹੀ `ਚ ਮਾਂ ਬਣੀ ਹੈ। ਉਨ੍ਹਾਂ ਦੇ ਘਰ 20 ਅਗਸਤ ਨੂੰ ਬੇਟੇ ਨੇ ਜਨਮ ਲਿਆ ਸੀ। ਪੂਰੇ ਕਪੂਰ ਤੇ ਅਹੂਜਾ ਪਰਿਵਾਰ `ਚ ਬੱਚੇ ਦੇ ਆਉਣ ਨਾਲ ਖੁਸ਼ੀ ਦਾ ਮਾਹੌਲ ਹੈ। ਹੁਣ ਸੋਨਮ ਕਪੂਰ ਤੇ ਆਨੰਦ ਅਹੂਜਾ ਦੀ ਇੱਕ ਹੋਰ ਵੀਡੀਓ ਵਾਇਰਲ ਹੋ ਰਹੀ ਹੈ। ਜਿਸ ਵਿੱਚ ਉਹ ਆਪਣੇ ਨਵਜੰਮੇ ਨੂੰ ਹਸਪਤਾਲ ਤੋਂ ਲੈਕੇ ਨਿਕਲ ਰਹੇ ਹਨ। ਉਹ ਬੱਚੇ ਨੂੰ ਲੈਕੇ ਆਪਣੇ ਘਰ ਰਵਾਨਾ ਹੋ ਰਹੇ ਹਨ। ਦੇਖੋ ਵੀਡੀਓ:
ਸੋਨਮ ਅਤੇ ਆਨੰਦ ਦੇ ਪਰਿਵਾਰਕ ਮੈਂਬਰਾਂ ਨੇ ਪੂਰੇ ਜੋਰ-ਸ਼ੋਰ ਨਾਲ ਬੱਚੇ ਦਾ ਸਵਾਗਤ ਕੀਤਾ। ਆਨੰਦ ਅਹੂਜਾ ਨੇ ਆਪਣੇ ਇੰਸਟਾਗ੍ਰਾਮ ਸਟੋਰੀ ਤੇ ਪੋਸਟ ਦੇ ਜ਼ਰੀਏ ਫੈਨਜ਼ ਨਾਲ ਇਹ ਖੁਸ਼ਖਬਰੀ ਸ਼ੇਅਰ ਕੀਤੀ ਸੀ।
ਇਸ ਬਾਰੇ ਦੱਸਦੇ ਹੋਏ ਆਨੰਦ ਨੇ ਪੋਸਟ ਵਿੱਚ ਲਿਖਿਆ ਸੀ, 'ਕਪੂਰ ਪਰਿਵਾਰ ਨੇ 20.08.2022 ਨੂੰ ਬੱਚੇ ਦਾ ਸਵਾਗਤ ਕੀਤਾ।' ਡਾਕਟਰਾਂ, ਨਰਸਾਂ, ਪਰਿਵਾਰ ਅਤੇ ਦੋਸਤਾਂ ਦਾ ਧੰਨਵਾਦ ਕੀਤਾ। ਇਹ ਵੀ ਕਿਹਾ ਗਿਆ ਕਿ ਹਰ ਕਿਸੇ ਦੀ ਜ਼ਿੰਦਗੀ ਹਮੇਸ਼ਾ ਲਈ ਬਦਲ ਗਈ ਹੈ।'
ਹਾਲ ਹੀ ਵਿੱਚ ਵਾਇਰਲ ਭਿਆਨੀ ਦੇ ਇੰਸਟਾਗ੍ਰਾਮ ਅਕਾਉਂਟ ਉੱਤੇ ਦੋ ਵੀਡੀਓਜ਼ ਸ਼ੇਅਰ ਕੀਤੀਆਂ ਗਈਆਂ ਹਨ। ਇਸ ਪਹਿਲੀ ਵੀਡੀਓ ਦੇ ਵਿੱਚ ਹਾਲ ਹੀ ਵਿੱਚ ਨਾਨਾ ਬਣੇ ਅਦਾਕਾਰ ਅਨਿਲ ਕਪੂਰ ਤੇ ਆਨੰਦ ਅਹੂਜਾ ਪੈਪਰਾਜ਼ੀਸ ਕੋਲ ਤਸਵੀਰਾਂ ਖਿਚਵਾਉਂਦੇ ਹੋਏ ਨਜ਼ਰ ਆ ਰਹੇ ਹਨ। ਇਸ ਮਗਰੋਂ ਉਹ ਮੀਡੀਆ ਟੀਮ ਨੂੰ ਮਿਠਾਈਆਂ ਵੀ ਵੰਡਦੇ ਨਜ਼ਰ ਆ ਰਹੇ ਹਨ।
ਇਸ ਦੇ ਨਾਲ ਹੀ ਸ਼ੇਅਰ ਕੀਤੀ ਗਈ ਦੂਜੀ ਵੀਡੀਓ ਦੇ ਵਿੱਚ ਤੁਸੀਂ ਵੇਖ ਸਕਦੇ ਹੋ ਕਿ ਆਨੰਦ ਅਹੂਜਾ ਆਪਣੀ ਗੋਦ ਆਪਣੇ ਨਵ ਜਨਮੇ ਬੱਚੇ ਨੂੰ ਲੈ ਕੇ ਘਰ ਦੇ ਅੰਦਰ ਦਾਖਲ ਹੁੰਦੇ ਹੋਏ ਵਿਖਾਈ ਦੇ ਰਹੇ ਹਨ। ਹਲਾਂਕਿ ਵੀਡੀਓ ਦੇ ਵਿੱਚ ਨਵਜਨਮੇ ਬੱਚੇ ਦਾ ਚਿਹਰਾ ਨਹੀਂ ਵਿਖਾਈ ਦੇ ਰਹਾ ਹੈ। ਵੀਡੀਓ ਦੇ ਪਿਛੇ ਸੋਨਮ ਅਤੇ ਰਿਆ ਨੂੰ ਘਰ ਦੇ ਅੰਦਰ ਦਾਖਲ ਹੁੰਦੇ ਹੋਏ ਵੇਖਿਆ ਜਾ ਸਕਦਾ ਹੈ।