ਇਸ ਕਰਾਈਮ ਥ੍ਰਿਲਰ ‘ਤੇ ਬੇਸਡ ਸੁਸ਼ਮਿਤਾ ਸੇਨ ਦੀ ਨਵੀਂ ਵੈੱਬ ਸੀਰੀਜ਼ 'ਆਰਿਆ'

ਆਰੀਆ ਡੱਚ ਕ੍ਰਾਈਮ ਥ੍ਰਿਲਰ ਪੇਨੋਜਾ 'ਤੇ ਅਧਾਰਤ ਹੈ। ਇਹ ਸੀਰੀਜ਼ ਸਾਲ 2010 ਤੋਂ 2017 ਤੱਕ ਔਨ ਏਅਰ ਕੀਤੀ ਗਈ ਸੀ। ਇਸ ਸੀਰੀਜ਼ ਦਾ ਮੁੱਖ ਪਾਤਰ ਕਾਰਮੇਨ ਹੈ ਜੋ ਐਮਸਟਰਡਮ ਦੇ ਡਰੱਗ ਮਾਫੀਆ ਦੀ ਧੀ ਹੈ ਤੇ ਆਪਣੇ ਪਤੀ ਦਾ ਕਰਜ਼ਾ ਚੁਕਾਉਣ ਲਈ ਪਰਿਵਾਰਕ ਕਾਰੋਬਾਰ ਦਾ ਮੁਖੀ ਬਣ ਗਈ ਹੈ।

ਸੁਸ਼ਮਿਤਾ ਸੇਨ ਦੀ ਵੈੱਬ ਸੀਰੀਜ਼ ਆਰੀਆ ਦਾ ਟ੍ਰੇਲਰ ਆ ਚੁੱਕਿਆ ਹੈ। ਉਹ ਲੰਬੇ ਸਮੇਂ ਬਾਅਦ ਸਿਲਵਰ ਸਕ੍ਰੀਨ 'ਤੇ ਵਾਪਸੀ ਕਰਨ ਜਾ ਰਹੀ ਹੈ। ਇਸ ਰੋਮਾਂਚਕ ਵੈੱਬ ਸੀਰੀਜ਼ ‘ਚ ਸੁਸ਼ਮਿਤਾ ਸੇਨ ਆਰੀਆ ਨਾਮ ਦੀ ਔਰਤ ਦੀ ਭੂਮਿਕਾ ਨਿਭਾਅ ਰਹੀ ਹੈ ਜਿਸ ਦਾ ਪਤੀ ਨਸ਼ਿਆਂ ਦੇ ਕਾਰੋਬਾਰ ‘ਚ ਹੈ। ਜਦੋਂ ਆਰੀਆ ਦੇ ਪਤੀ 'ਤੇ ਹਮਲਾ ਕੀਤਾ ਜਾਂਦਾ ਹੈ, ਤਾਂ ਉਸ ਨੂੰ ਸੱਚਾਈ ਬਾਰੇ ਪਤਾ ਲੱਗ ਜਾਂਦਾ ਹੈ, ਜਿਸ ਤੋਂ ਬਾਅਦ ਇਸ ਔਰਤ ਨੂੰ ਹਾਲਾਤ ਅਨੁਸਾਰ ਢਲਣਾ ਪੈਂਦਾ ਹੈ।

ਆਰੀਆ ਡੱਚ ਕ੍ਰਾਈਮ ਥ੍ਰਿਲਰ ਪੇਨੋਜਾ 'ਤੇ ਅਧਾਰਤ ਹੈ। ਇਹ ਸੀਰੀਜ਼ ਸਾਲ 2010 ਤੋਂ 2017 ਤੱਕ ਔਨ ਏਅਰ ਕੀਤੀ ਗਈ ਸੀ। ਇਸ ਸੀਰੀਜ਼ ਦਾ ਮੁੱਖ ਪਾਤਰ ਕਾਰਮੇਨ ਹੈ ਜੋ ਐਮਸਟਰਡਮ ਦੇ ਡਰੱਗ ਮਾਫੀਆ ਦੀ ਧੀ ਹੈ ਤੇ ਆਪਣੇ ਪਤੀ ਦਾ ਕਰਜ਼ਾ ਚੁਕਾਉਣ ਲਈ ਪਰਿਵਾਰਕ ਕਾਰੋਬਾਰ ਦਾ ਮੁਖੀ ਬਣ ਗਈ ਹੈ। ਇਸ ਤੋਂ ਇਲਾਵਾ ਇਹ ਇਕ ਮਾਂ ਦੀ ਕਹਾਣੀ ਵੀ ਹੈ ਜਿਸ ਲਈ ਉਸਦੇ ਤਿੰਨ ਬੱਚਿਆਂ ਦੀ ਸੁਰੱਖਿਆ ਇਕ ਤਰਜੀਹ ਹੈ।

ਰਿਪੋਰਟਾਂ ਅਨੁਸਾਰ ਮਾਧਵਾਨੀ ਪਿਛਲੇ ਛੇ ਸਾਲਾਂ ਤੋਂ ਪੇਨੋਜਾ ਦੇ ਰੀਮੇਕ 'ਤੇ ਕੰਮ ਕਰ ਰਹੇ ਹਨ। ਉਨ੍ਹਾਂ ਸਾਲ 2014 ‘ਚ ਇਸ ਨੂੰ ਇਕ ਫੀਚਰ ਫਿਲਮ ਵਜੋਂ ਬਣਾਉਣ ਦਾ ਫੈਸਲਾ ਕੀਤਾ ਸੀ। ਉਸ ਸਮੇਂ ਉਨ੍ਹਾਂ ਕਾਜੋਲ ਨੂੰ ਇਸ ਫਿਲਮ ਲਈ ਮੁੱਖ ਭੂਮਿਕਾ ਵਜੋਂ ਚੁਣਿਆ ਸੀ।

ਹਾਲਾਂਕਿ, ਕਾਜੋਲ ਨੇ ਇਸ ਫਿਲਮ ਤੋਂ ਆਪਣੇ ਆਪ ਨੂੰ ਵੱਖ ਕਰਨ ਦਾ ਫੈਸਲਾ ਕੀਤਾ ਸੀ। ਇਸ ਤੋਂ ਇਲਾਵਾ, ਇਸ ਪ੍ਰੋਜੈਕਟ ਨਾਲ ਮਾਧੁਰੀ ਦੀਕਸ਼ਿਤ ਦਾ ਨਾਮ ਵੀ ਜੁੜਿਆ ਸੀ, ਪਰ ਆਖਰਕਾਰ ਸੁਸ਼ਮਿਤਾ ਸੇਨ ਨੇ ਇਸ ਪ੍ਰਾਜੈਕਟ ਦੀ ਸਹਾਇਤਾ ਨਾਲ ਆਪਣੀ ਵਾਪਸੀ ਕਰਨਾ ਸਹੀ ਸਮਝਿਆ।

ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ