Shah Rukh Khan: ਸ਼ਾਹਰੁਖ ਖਾਨ ਦੇ ਵਾਇਰਲ ਵੀਡੀਓ ਦਾ ਸੱਚ ਆਇਆ ਸਾਹਮਣੇ, ਤਾਂ ਇਸ ਲਈ ਝਟਕਿਆ ਸੀ ਫੈਨ ਦਾ ਹੱਥ
Shah Rukh Khan Viral Video: ਇਸ ਵਾਇਰਲ ਵੀਡੀਓ ਦੀ ਅਸਲ ਸੱਚਾਈ ਸਾਹਮਣੇ ਆਈ ਹੈ। ਸੋਸ਼ਲ ਮੀਡੀਆ 'ਤੇ ਸ਼ਾਹਰੁਖ ਖਾਨ ਦੇ ਇੱਕ ਫੈਨਪੇਜ ਵੱਲੋਂ ਇਸੇ ਵੀਡੀਓ ਨੂੰ ਸਲੋਅ ਮੋਸ਼ਨ 'ਚ ਸ਼ੇਅਰ ਕੀਤਾ ਗਿਆ ਹੈ
Shah Rukh Kahan Viral Video: ਸ਼ਾਹਰੁਖ ਖਾਨ ਦਾ ਨਾਂ ਕਿਸੇ ਨਾ ਕਿਸੇ ਵਜ੍ਹਾ ਕਰਕੇ ਸੁਰਖੀਆਂ 'ਚ ਬਣਿਆ ਰਹਿੰਦਾ ਹੈ। ਕਿੰਗ ਖਾਨ ਨੇ ਹਾਲ ਹੀ 'ਪਠਾਨ' ਨਾਲ ਬਾਲੀਵੁੱਡ 'ਚ ਧਮਾਕੇਦਾਰ ਕਮਬੈਕ ਕੀਤਾ ਹੈ। ਪਰ ਪਿਛਲੇ ਦਿਨੀਂ ਕਿੰਗ ਖਾਨ ਨੈਗਟਿਵ ਕਾਰਨਾਂ ਕਰਕੇ ਸੁਰਖੀਆਂ 'ਚ ਆ ਗਏ ਸੀ।
ਦਰਅਸਲ, ਪਿਛਲੇ ਦਿਨੀਂ ਸ਼ਾਹਰੁਖ ਖਾਨ ਦੀ ਇੱਕ ਵੀਡੀਓ ਕਾਫੀ ਜ਼ਿਆਦਾ ਵਾਇਰਲ ਹੋਈ ਸੀ, ਜਿਸ ਵਿੱਚ ਕਿੰਗ ਖਾਨ ਮੁੰਬਈ ਏਅਰਪੋਰਟ 'ਤੇ ਨਜ਼ਰ ਆਏ ਸੀ। ਇਸ ਦਰਮਿਆਨ ਜਦੋਂ ਇੱਕ ਪ੍ਰਸ਼ੰਸਕ ਨੇ ਸ਼ਾਹਰੁਖ ਨਾਲ ਸੈਲਫੀ ਲੈਣ ਦੀ ਕੋਸ਼ਿਸ਼ ਕੀਤੀ, ਤਾਂ ਉਨ੍ਹਾਂ ਨੇ ਉਸ ਦਾ ਹੱਥ ਝਟਕ ਦਿੱਤਾ ਅਤੇ ਅੱਗੇ ਚਲੇ ਗਏ। ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਅੱਗ ਵਾਂਗ ਵਾਇਰਲ ਹੋਇਆ ਸੀ। ਲੋਕਾਂ ਨੇ ਸ਼ਾਹਰੁਖ ਨੂੰ ਇਸ ਵੀਡੀਓ ਲਈ ਖੂਬ ਟਰੋਲ ਵੀ ਕੀਤਾ ਸੀ। ਕਈ ਲੋਕਾਂ ਨੇ ਤਾਂ ਇਹ ਤੱਕ ਕਿਹਾ ਸੀ ਕਿ ਪਠਾਨ ਹਿੱਟ ਹੋ ਗਈ ਤਾਂ ਸ਼ਾਹਰੁਖ 'ਚ ਘਮੰਡ ਆ ਗਿਆ।
ਪਰ ਹੁਣ ਇਸ ਵਾਇਰਲ ਵੀਡੀਓ ਦੀ ਅਸਲ ਸੱਚਾਈ ਸਾਹਮਣੇ ਆਈ ਹੈ। ਸੋਸ਼ਲ ਮੀਡੀਆ 'ਤੇ ਸ਼ਾਹਰੁਖ ਖਾਨ ਦੇ ਇੱਕ ਫੈਨਪੇਜ ਵੱਲੋਂ ਇਸੇ ਵੀਡੀਓ ਨੂੰ ਸਲੋਅ ਮੋਸ਼ਨ 'ਚ ਸ਼ੇਅਰ ਕੀਤਾ ਗਿਆ ਹੈ, ਜਿਸ ਤੋਂ ਬਾਅਦ ਇਹ ਸਾਫ ਹੋ ਜਾਂਦਾ ਹੈ ਕਿ ਸ਼ਾਹਰੁਖ ਖਾਨ ਨੇ ਆਪਣੇ ਇਸ ਪ੍ਰਸ਼ੰਸਕ ਦਾ ਹੱਥ ਕਿਉਂ ਝਟਕਿਆ ਸੀ। ਦਰਅਸਲ, ਇਹ ਫੈਨ ਸੈਲਫੀ ਲੈਣ ਲਈ ਇਨ੍ਹਾਂ ਜ਼ਿਆਦਾ ਐਕਸਾਇਟਡ ਸੀ ਕਿ ਉਸ ਨੇ ਧਿਆਨ ਨਹੀਂ ਦਿੱਤਾ ਕਿ ਉਸ ਦਾ ਹੱਥ ਦੂਜੇ ਸ਼ਖਸ ਦੇ ਮੂੰਹ 'ਤੇ ਲੱਗ ਸਕਦਾ ਸੀ ਅਤੇ ਉਸ ਨੂੰ ਸੱਟ ਪਹੁੰਚ ਸਕਦੀ ਸੀ। ਇਸ ਲਈ ਸ਼ਾਹਰੁਖ ਖਾਨ ਨੇ ਉਸ ਦਾ ਹੱਥ ਝਟਕਿਆ। ਪਰ ਸ਼ਾਇਦ ਕਿੰਗ ਖਾਨ ਜਲਦਬਾਜ਼ੀ 'ਚ ਸਨ, ਇਸ ਲਈ ਉਹ ਉਸ ਜਗ੍ਹਾ ;ਤੇ ਇੱਕ ਸਕਿੰਟ ਵੀ ਨਹੀਂ ਰੁਕੇ। ਤੁਸੀਂ ਵੀ ਦੇਖੋ ਇਹ ਵੀਡੀਓ:
View this post on Instagram
ਕਾਬਿਲੇਗ਼ੌਰ ਹੈ ਕਿ ਸ਼ਾਹਰੁਖ ਖਾਨ ਦਾ ਸੁਭਾਅ ਕਾਫੀ ਨਿਮਾਣਾ ਤੇ ਡਾਊਨ ਟੂ ਅਰਥ ਹੈ। ਇਹ ਕਦੇ ਵੀ ਸੁਣਨ 'ਚ ਨਹੀਂ ਆਇਆ ਕਿ ਉਨ੍ਹਾਂ ਨੇ ਕਿਸੇ ਫੈਨ ਦੇ ਨਾਲ ਬਦਸਲੂਕੀ ਕੀਤੀ ਹੋਵੇ। ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਸ਼ਾਹਰੁਖ ਖਾਨ ਜਲਦ ਹੀ 'ਜਵਾਨ' ਤੇ 'ਡੰਕੀ' ਵਰਗਿਆਂ ਫਿਲਮਾਂ 'ਚ ਨਜ਼ਰ ਆਉਣ ਵਾਲੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
