![ABP Premium](https://cdn.abplive.com/imagebank/Premium-ad-Icon.png)
Kapil Sharma: ਜਦੋਂ ਨੀਤਾ ਅੰਬਾਨੀ ਸਾਹਮਣੇ ਕਪਿਲ ਸ਼ਰਮਾ ਦੀ ਹੋ ਗਈ ਸੀ ਬੇਇੱਜ਼ਤੀ, ਕਪਿਲ ਨੇ ਖੁਦ ਸੁਣਾਇਆ ਸੀ ਕਿੱਸਾ, ਬੋਲੇ- 'ਮੈਂ ਕਿੰਨੇ ਚੁਟਕਲੇ ਸੁਣਾਏ ਤੇ ਉਹ...'
Nita Ambani: ਸ਼ਾਹਰੁਖ ਜਾਂ ਸਲਮਾਨ, ਕਪਿਲ ਸ਼ਰਮਾ ਸਾਹਮਣੇ ਹਰ ਕਿਸੇ ਦੀ ਜ਼ੁਬਾਨ ਬੰਦ ਹੋ ਜਾਂਦੀ ਹੈ। ਪਰ ਇੱਕ ਵਾਰ ਉਹ ਵੀ ਸਮਾਂ ਆਇਆ ਸੀ, ਰਿਲਾਇੰਸ ਇੰਡਸਟਰੀਜ਼ ਦੀ ਮਾਲਕਣ ਨੀਤਾ ਅੰਬਾਨੀ ਸਾਹਮਣੇ ਕਪਿਲ ਸ਼ਰਮਾ ਦੀ ਕਰਾਰੀ ਬੇਇੱਜ਼ਤੀ ਹੋ ਗਈ ਸੀ।
![Kapil Sharma: ਜਦੋਂ ਨੀਤਾ ਅੰਬਾਨੀ ਸਾਹਮਣੇ ਕਪਿਲ ਸ਼ਰਮਾ ਦੀ ਹੋ ਗਈ ਸੀ ਬੇਇੱਜ਼ਤੀ, ਕਪਿਲ ਨੇ ਖੁਦ ਸੁਣਾਇਆ ਸੀ ਕਿੱਸਾ, ਬੋਲੇ- 'ਮੈਂ ਕਿੰਨੇ ਚੁਟਕਲੇ ਸੁਣਾਏ ਤੇ ਉਹ...' when kapil sharma faced embarrassment in front of nita ambani watch video Kapil Sharma: ਜਦੋਂ ਨੀਤਾ ਅੰਬਾਨੀ ਸਾਹਮਣੇ ਕਪਿਲ ਸ਼ਰਮਾ ਦੀ ਹੋ ਗਈ ਸੀ ਬੇਇੱਜ਼ਤੀ, ਕਪਿਲ ਨੇ ਖੁਦ ਸੁਣਾਇਆ ਸੀ ਕਿੱਸਾ, ਬੋਲੇ- 'ਮੈਂ ਕਿੰਨੇ ਚੁਟਕਲੇ ਸੁਣਾਏ ਤੇ ਉਹ...'](https://feeds.abplive.com/onecms/images/uploaded-images/2024/03/06/54100f77b12ba58a8d47fa02026da16d1709724825353469_original.png?impolicy=abp_cdn&imwidth=1200&height=675)
Kapil Sharma Nita Ambani: ਕਪਿਲ ਸ਼ਰਮਾ ਛੋਟੇ ਪਰਦੇ 'ਤੇ ਕੰਮ ਕਰਨ ਵਾਲੇ ਉਨ੍ਹਾਂ ਦਿੱਗਜ ਅਦਾਕਾਰਾਂ ਵਿੱਚੋਂ ਇੱਕ ਹਨ, ਜਿਨ੍ਹਾਂ ਦੀ ਪ੍ਰਸਿੱਧੀ ਬਾਲੀਵੁੱਡ ਦੇ ਕਈ ਦਿੱਗਜ ਸਿਤਾਰਿਆਂ ਤੋਂ ਵੀ ਜ਼ਿਆਦਾ ਹੈ। ਅਸਲ 'ਚ ਕਪਿਲ ਸ਼ਰਮਾ ਜਿਸ ਤਰ੍ਹਾਂ ਨਾਲ ਪਰਦੇ 'ਤੇ ਆਪਣੀ ਐਕਟਿੰਗ ਦਿਖਾਉਂਦੇ ਹਨ, ਉਹ ਬਹੁਤ ਹੀ ਸ਼ਾਨਦਾਰ ਹੈ ਅਤੇ ਚਾਹੇ ਉਹ ਸ਼ਾਹਰੁਖ ਖਾਨ ਹੋਵੇ ਜਾਂ ਸਲਮਾਨ ਖਾਨ, ਕਪਿਲ ਸ਼ਰਮਾ ਦੇ ਸਾਹਮਣੇ ਹਰ ਕਿਸੇ ਦੀ ਜ਼ੁਬਾਨ ਬੰਦ ਹੋ ਜਾਂਦੀ ਹੈ।
ਪਰ ਕੀ ਤੁਹਾਨੂੰ ਪਤਾ ਹੈ ਕਿ ਇੱਕ ਵਾਰ ਉਹ ਵੀ ਸਮਾਂ ਆਇਆ ਸੀ, ਰਿਲਾਇੰਸ ਇੰਡਸਟਰੀਜ਼ ਦੀ ਮਾਲਕਣ ਨੀਤਾ ਅੰਬਾਨੀ ਸਾਹਮਣੇ ਕਪਿਲ ਸ਼ਰਮਾ ਦੀ ਕਰਾਰੀ ਬੇਇੱਜ਼ਤੀ ਹੋ ਗਈ ਸੀ। ਕਪਿਲ ਨੇ ਖੁਦ ਇਹ ਕਿੱਸਾ ਸੁਣਾਇਆ ਸੀ। ਕਪਿਲ ਸ਼ਰਮਾ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ਛਾਇਆ ਹੋਇਆ ਹੈ, ਜਿਸ ਵਿੱਚ ਉਹ ਦੱਸ ਰਹੇ ਹਨ ਕਿ ਜਦੋਂ ਉਨ੍ਹਾਂ ਪਹਿਲੀ ਵਾਰ ਨੀਤਾ ਅੰਬਾਨੀ ਤੇ ਉਨ੍ਹਾਂ ਦੀ ਆਈਪੀਐਲ ਟੀਮ ਮੁੰਬਈ ਇੰਡੀਅਨਜ਼ ਸਾਹਮਣੇ ਬੁਲਾਇਆ ਗਿਆ ਸੀ ਤਾਂ ਉਹ ਤਾਂ ਆਪਣੇ ਵੱਲੋਂ ਪੂਰੀ ਤਿਆਰੀ ਨਾਲ ਗਏ ਸੀ, ਪਰ ਉੱਥੇ ਜਾ ਕੇ ਸਭ ਉਲਟਾ ਹੋ ਗਿਆ। ਦਰਅਸਲ, ਕਪਿਲ ਸ਼ਰਮਾ ਨੇ ਜਿੰਨੇ ਵੀ ਚੁਟਕੁਲੇ ਨੀਤਾ ਅੰਬਾਨੀ ਸਾਹਮਣੇ ਸੁਣਾਏ, ਉਸ 'ਚੋਂ ਇੱਕ ਵੀ ਚੁਟਕਲੇ 'ਤੇ ਹੱਸੀ ਨਹੀਂ। ਇਸ 'ਤੇ ਕਪਿਲ ਸ਼ਰਮਾ ਸ਼ਰਮ ਨਾਲ ਲਾਲ ਹੋ ਗਏ ਸੀ। ਕਪਿਲ ਨੇ ਖੁਦ ਦੱਸਿਆ ਸੀ ਕਿ ਉਨ੍ਹਾਂ ਨੂੰ ਬਹੁਤ ਹੀ ਬੁਰਾ ਮਹਿਸੂਸ ਹੋਇਆ ਸੀ। ਦੇਖੋ ਇਹ ਵੀਡੀਓ:
View this post on Instagram
ਕਾਬਿਲੇਗ਼ੌਰ ਹੈ ਕਿ ਹਾਲ ਹੀ 'ਚ ਅਨੰਤ ਅੰਬਾਨੀ ਤੇ ਰਾਧਿਕਾ ਮਰਚੈਂਟ ਦਾ ਪ੍ਰੀ ਵੈਡਿੰਗ ਫੰਕਸ਼ਨ ਹੋਇਆ ਸੀ, ਜਿਸ ਵਿੱਚ ਪੂਰਾ ਬਾਲੀਵੁੱਡ ਤੇ ਨਾਲ ਨਾਲ ਦੁਨੀਆ ਭਰ ਦੀਆਂ ਦਿੱਗਜ ਹਸਤੀਆਂ ਸ਼ਾਮਲ ਹੋਈਆਂ ਸੀ। ਇਸ ਵੱਡੇ ਈਵੈਂਟ ਦੇ ਕਈ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਏ ਸੀ। ਨੀਤਾ ਅੰਬਾਨੀ ਨੇ ਆਪਣੇ ਮੁੰਡੇ ਅਨੰਤ ਦੇ ਪ੍ਰੀ ਵੈਡਿੰਗ 'ਤੇ 450 ਕਰੋੜ ਦਾ ਹਾਰ ਪਹਿਿਨਿਆ ਸੀ, ਜਿਸ ਦੀਆਂ ਤਸਵੀਰਾਂ ਖੂਬ ਵਾਇਰਲ ਹੋਈਆਂ ਸੀ। ਦੱਸ ਦਈਏ ਕਿ ਇਸ ਫੰਕਸ਼ਨ 'ਚ ਦਿਲਜੀਤ ਦੋਸਾਂਝ ਨੇ ਖਾਸ ਪਰਫਾਰਮੈਂਸ ਦਿੱਤੀ ਸੀ। ਉਨ੍ਹਾਂ ਨੇ ਆਪਣੇ ਸੁਪਰਹਿੱਟ ਗੀਤਾਂ 'ਤੇ ਸਭ ਨੂੰ ਖੂਬ ਨਚਾਇਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)