ਸ਼ਾਹਰੁਖ ਵੇਚ ਦੇਣਗੇ ਮੰਨਤ? ਖੁਦ ਦੱਸਿਆ ਆਉਣ ਵਾਲੇ ਸਮੇਂ 'ਚ ਕੀ ਕਰਨਗੇ

ਸ਼ਾਹਰੁਖ ਖਾਨ ਨੂੰ ਫ਼ਿਲਮੀ ਪਰਦੇ 'ਤੇ ਆਏ ਭਾਵੇਂ ਕਾਫੀ ਸਮਾਂ ਹੋ ਗਿਆ ਹੋਵੇ ਪਰ ਫੈਨਸ 'ਚ ਉਨ੍ਹਾਂ ਲਈ ਪਿਆਰ ਦੀ ਕੋਈ ਘਾਟ ਨਹੀਂ। ਸ਼ਾਹਰੁਖ ਦੀ ਫਿਲਮ 'ਮੋਹੱਬਤੇਂ' ਨੂੰ 20 ਸਾਲ ਪੂਰੇ ਹੋ ਗਏ ਹਨ ਤੇ ਇਸ ਮੌਕੇ 'ਤੇ ਸ਼ਾਹਰੁਖ ਨੇ ਟਵਿਟਰ 'ਤੇ 'ਆਸਕ ਮੀ ਐਨੀਥਿੰਗ' ਦਾ ਐਲਾਨ ਕੀਤਾ।

ਮੁੰਬਈ: ਸ਼ਾਹਰੁਖ ਖਾਨ ਨੂੰ ਫ਼ਿਲਮੀ ਪਰਦੇ 'ਤੇ ਆਏ ਭਾਵੇਂ ਕਾਫੀ ਸਮਾਂ ਹੋ ਗਿਆ ਹੋਵੇ ਪਰ ਫੈਨਸ 'ਚ ਉਨ੍ਹਾਂ ਲਈ ਪਿਆਰ ਦੀ ਕੋਈ ਘਾਟ ਨਹੀਂ। ਸ਼ਾਹਰੁਖ ਦੀ ਫਿਲਮ 'ਮੋਹੱਬਤੇਂ' ਨੂੰ 20 ਸਾਲ ਪੂਰੇ ਹੋ ਗਏ ਹਨ ਤੇ ਇਸ ਮੌਕੇ 'ਤੇ ਸ਼ਾਹਰੁਖ ਨੇ ਟਵਿਟਰ 'ਤੇ 'ਆਸਕ ਮੀ ਐਨੀਥਿੰਗ' ਦਾ ਐਲਾਨ ਕੀਤਾ। ਉਸ ਦੌਰਾਨ ਇੱਕ ਫੈਨ ਨੇ ਪੁੱਛਿਆ 'ਭਾਈ ਮੰਨਤ ਵੇਚਣ ਵਾਲੇ ਹੋ ਕੀ'? ਸ਼ਾਹਰੁਖ ਨੇ ਇਸ ਦਾ ਬੜਾ ਦਿਲਚਸਪ ਜਵਾਬ ਦਿੱਤਾ।

ਸ਼ਾਹਰੁਖ ਨੇ ਜਵਾਬ 'ਚ ਕਿਹਾ, 'ਭਾਈ ਮੰਨਤ ਬਿਕਤੀ ਨਹੀਂ ਸਰ ਝੁਕਾ ਕਰ ਮੰਗੀ ਜਾਤੀ ਹੈ, ਯਾਦ ਰੱਖੋਗੇ ਤੋਂ ਜ਼ਿੰਦਗੀ ਮੈਂ ਕੁਛ ਹਾਸਲ ਕਰ ਪਾਓਗੇ।' ਦਰਅਸਲ ਮੰਨਤ ਸ਼ਾਹਰੁਖ ਦੇ ਘਰ ਦਾ ਨਾਮ ਹੈ ਜਿੱਥੇ ਉਹ ਆਪਣੇ ਪਰਿਵਾਰ ਨਾਲ ਰਹਿੰਦੇ ਹਨ ਤੇ ਸ਼ਾਹਰੁਖ ਨੂੰ ਹਰ ਇੱਕ ਵਾਂਗ ਆਪਣੇ ਘਰ ਨਾਲ ਬਹੁਤ ਪਿਆਰ ਹੈ। ਇਸ ਤੋਂ ਇਲਾਵਾ ਇਕ ਫੈਨ ਨੇ ਪੁੱਛਿਆ ਕਿ ਤੁਹਾਡੇ ਬੱਚੇ ਤੁਹਾਨੂੰ DAD ਕਹਿੰਦੇ ਹਨ ਜਾਂ Daddy?

ਇਸ ਦੇ ਜਵਾਬ 'ਚ ਸ਼ਾਹਰੁਖ ਨੇ ਲਿਖਿਆ ਕਿ ਮੇਰੇ ਬਚੇ ਮੈਨੂੰ ਪਾਪਾ ਕਹਿੰਦੇ ਹਨ। ਸ਼ਾਹਰੁਖ ਦੀ ਫਿਲਮ ਰਿਲੀਜ਼ ਹੋਏ ਕਾਫੀ ਸਮਾਂ ਹੋ ਚੁੱਕਾ ਹੈ ਤਾਂ ਇੱਕ ਫੈਨ ਨੇ ਕਿਹਾ ਕਿ ਮੇਰੀ ਜ਼ਿੰਦਗੀ ਦੇ ਸਿਰਫ 50 ਸਾਲ ਬਚੇ ਹਨ ਤਦ ਤਕ ਤੁਹਾਡੀ ਕੋਈ ਫਿਲਮ ਰਿਲੀਜ਼ ਹੋਏਗੀ। ਜਿਸ ਦੇ ਜਵਾਬ 'ਚ ਸ਼ਾਹਰੁਖ ਨੇ ਕਿਹਾ, 'ਮੈਨੂੰ 50 ਸਾਲ ਹੋ ਗਏ ਹਨ ਇਹ ਸਭ ਕਰਦੇ ਹੋਏ। ਅੱਗੇ ਵੀ ਇਹ ਹੀ ਸਭ ਕਰਾਂਗਾ।'

ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ